سەيسەنبى, 21 قاڭتار 2020
«سوقىر» فەميدا 4452 8 پىكىر 31 مامىر, 2017 ساعات 17:30

جاقىپ اسانوۆ: بۇل ىسكە قاتىستى داۋ-دامايدىڭ شىققانى ءتىپتى جاقسى بولدى

 

ەلدىڭ باس پروكۋرورى جاقىپ اسانوۆ ءبىر ميلليون دوللار پارا السا دا، تۇرمەدە وتىرماي ەمىن-ەركىن جۇرگەن «حورگوس» حالىقارالىق ساۋدا ورتالىعىنىڭ بۇرىنعى پرەزيدەنتى ۆاسيلي ني تۋرالى ءسوز قوزعادى، دەپ حابارلايدى  365info.kz سايتى Zakon.kz تىلشىسىنە سىلتەمە جاساي وتىرىپ.

«بۇل ىسكە قاتىستى داۋ-دامايدىڭ شىققانى ءتىپتى جاقسى. بۇل ءبىزدىڭ قوعامىمىزدىڭ اقىلدى بولىپ كەلە جاتقانىنىڭ بەلگىسى. قوعام بەلسەندى بولىپ بارادى. ەكىنشى جاعىنان مەملەكەتتىك ورگاندار مەن سوتتاردىڭ جۇمىسى اشىق بولىپ جاتىر. بىرنەشە جىل بۇرىن مۇنىڭ ءبارى جابىق كۇيى قالاتىن، قازىر ءبارى اشىق»،— دەدى ول جۋرناليستەردىڭ سۇراعىنا جاۋاپ بەرۋ بارىسىندا.

بىراق سولاي دەگەن باس پروكۋرور: «ەشبىر ەلدە ەشقاشان ءمىنسىز زاڭدار بولمايدى»، - دەگەندى قوسىپ ايتتى.

«ەگەر مەنىڭ جەكە پىكىرىمدى بىلگىڭىز كەلسە، مۇنى مەن شەشپەيمىن، پارلامەنت شەشەدى. ءبىز قر قك 65-ءشى بابىن دا وزگەرتۋىمىز كەرەك. مەنىڭ پىكىرىمشە، مۇنداي قىلمىس ءۇشىن مۇنداي باپ قولدانىلماۋى ءتيىس، بىراق سۋديانى زاڭ بۇزدى دەپ ايتۋعا دا بولمايدى»، — دەدى ول.

رەداكتسيادان: اڭگىمە 1 ميلليون دوللار كولەمىندە پارا الىپ ۇستالعانىمەن قاماۋدان بوساتىلعان ۆاسيلي ني تۋرالى بولىپ وتىرعانىن وقىرمان جاقسى بىلسە كەرەك. سۋديا ءنيدىڭ قىلمىس جاساعانىنا شىن وكىنگەندىگىن ەسكەرىپ، وعان بوستاندىق بەرگەن ەدى. سونىمەن قارايىق، قر قك-ءنىڭ 65 بابىندا نە جازىلعان:

5-ءبولىم

قىلمىستىق جاۋاپتىلىقتان جانە جازالاۋدان بوساتۋ

      65-باپ. شىن وكiنۋiنە بايلانىستى قىلمىستىق جاۋاپتىلىقتان  بوساتۋ

  1. بiرiنشi رەت كiشiگiرiم نەمەسە ورتاشا اۋىرلىقتاعى قىلمىس جاساعان ادام، ەگەر ول قىلمىس جاساعاننان كەيiن ايىبىن مويىنداپ ءوز ەركiمەن كەلسە نەمەسە قىلمىستى اشۋعا جاردەمدەسسە، نەمەسە قىلمىس كەلتiرگەن زياندى وزگەشە تۇردە قالپىنا كەلتiرسە، قىلمىستىق جاۋاپتىلىقتان بوساتىلۋى مۇمكiن.

جوعارىداعى باپتا بۇدان وزگە دە قىلمىس تۇرلەرىنە بايلانىستى جازادان بوساتۋ جولدارى كورسەتىلگەن. بىراق ول قىلمىس تۇرلەرى ءنيدىڭ ىسىمەن سايكەسپەيتىندىكتەن بۇل اراعا قوسۋدى ارتىق سانادىق. الايدا، نيگە 65-باپتىڭ 1-تاراماعى بويىنشا نەلىكتەن جازادان بوساتۋ تۋرالى شەشىم قابىلدانعانىن ءبارىبىر تۇسىنە المادىق. سەبەبى، 1 ميلليون دوللار كولەمىندەگى پارا الۋ ءىسى ءبىرىنشى رەت بولعانىمەن «كiشiگiرiم نەمەسە ورتاشا اۋىرلىقتاعى قىلمىسقا» جاتا ما؟ ەكىنشىدەن، ني قىلمىس جاساعاننان كەيiن ايىبىن مويىنداپ ءوز ەركiمەن زاڭ ورىندارىنا كەلدى مە، نەمەسە قىلمىستى اشۋعا جاردەمدەستى مە؟ بۇل ەكى سۇراققا سۋديا تاراپىنان دا، وزگە دە زاڭگەر ماماندار مەن ساراپشىلار تاراپىنان دا «جوق» دەگەن جاۋاپ الارىمىز انىق. ەندەشە، ني «قىلمىس كەلتiرگەن زياندى وزگەشە تۇردە قالپىنا كەلتiرگەن» بولدى عوي؟ شاماسى، سولاي شىعار. ايتسە دە، باس پروكۋورور ايتپاقشى، «بۇل ىسكە قاتىستى داۋ-دامايدىڭ شىققانى ءتىپتى جاقسى» بولدى، سەبەبى: كوپ اسايتىندار بۇدان بىلاي بوق اسامايتىندارىن ءبىلىپ جۇرەتىن بولدى.

Abai.kz    

 

8 پىكىر