تالدىقورعان قالاسىندا رەسپۋبليكالىق دەڭگەيدە العاش رەت  «وزىمنەن باستايمىن!» ۇرانىمەن شىلىم شەگۋدى تومەندەتۋ جانە ونى شەكتەۋگە, تۇرعىنداردى سالاۋاتتى ءومىر سالتىن ۇستانۋعا شاقىراتىن «تەمەكى - دامۋ ءۇشىن قاۋىپتى» اتتى اكتسيا ءوتتى.

تەمەكى  ونىمدەرىنىڭ زياندىلىعى جونىندە كەڭەس جۇمىستارىن جەتكىلىكتى تىلمەن، قىزىقتى تۇردە تۇسىندىرگەن مەديتسينا  قىزمەتكەرلەرى  حالىقتىڭ نازارىن وزىنە بىردەن اۋداردى. ءوتىپ جاتقان اكتسيادا حالىقتىڭ نازارى بىردەن فلەش-موب بيلەگەن جاستارعا ءتۇستى. ال ەرىكتىلەر سالاۋاتتى ءومىر سالتىن ۇستانۋ بويىنشا اقپاراتتىق پاراقشالار تاراتىپ، وسى تاقىرىپتا ۆيكتورينا ۇيىمداستىرعاندا تۇرعىندار بەلسەندى ارالاسىپ، سۇراققا جاۋاپ بەرگەندەر سىيلىقتارعايە بولدى. ارباتتا وتكەن بۇل شاراعا 150-دەن استام ازامات قاتىستى.

«اتالعان اكتسيانىڭ نەگىزگى ماقساتى - شىلىم شەگۋمەن كۇرەسۋگە كەڭ اۋقىمدى قوعامدى ىنتالاندىرۋ، نەمقۇرايلى قارامايتىن ازاماتتاردى وسى شاراعا قاتىسۋعا شاقىرۋ. بۇگىنگى شارامىز تەك باستاما عانا. الداعى ۋاقىتتا ءبىز وسى باعىتتا جۇمىستاردى جالعاستىراتىن بولامىز»، - دەدى الماتى وبلىسى قوعامدىق دەنساۋلىق ساقتاۋ دەپارتامەنتىنىڭ ءبولىم باسشىسى نۇرجان ولجاباەۆ.

ەڭ قىزىقتىسى شاراعا بەلسەندى ات سالىسقان ازاماتتارعا قالالىق «Life Fitness»، «Titan»، «Hammer»، «Master فيتنەس»، «فيتنەس Plus» فيتنەس-ورتالىقتارىنا تەگىن ابونەمەنتتەر سىيلاندى. شارانىڭ ۇيىمداستىرۋشىلارى  الماتى وبلىسى قوعامدىق دەنساۋلىق ساقتاۋ دەپارتامەنتىنىڭ ارقاسىندا ۇسىنىسىمەن تالدىقورعان قالاسى تۇرعىندارىنا فيتنەس ورتالىقتارىنا 15-30% ارنايى جەڭىلدىكتەر قاراستىرىلعانى تۋرالى حابارلاندىرىلدى.

الداعى ۋاقىتتا حالىقتىڭ دەنساۋلىعىن نىعايتۋعا ارنالعان شارالار جالعاسىن تابادى.

Abai.kz