تەگەرانداعى شابۋىلدى "يسلام مەملەكەتى" موينىنا الدى
"يسلام مەملەكەتى" توبى تەگەران پارلامەنتىنە جانە حومەيني كەسەنەسىنە جاسالعان شابۋىلدى موينىنا الدى. شابۋىلدان 12 ادام قازا تاۋىپ، (ونىڭ ىشىندە تورتەۋى جانكەشتى) 42 ادام جارالانعان.
يراننىڭ ىشكى ىستەر ءمينيسترىنىڭ ورىنباسارى حوسەين زولفاحاري پارلامەنتكە كوشەدەن ءتورت ادام كىرىپ، بىردەن كۇزەتشىلەرگە وق اتقان. كۇزەتشىنىڭ بىرەۋى سول جەردە كوز جۇمعان، بىراق ەكىنشى كۇزەتشى شابۋىلداۋشىعا قارسى وق اتىپ، "جانكەشتى بەلبەۋىن" تاقان ءبىر ادام قايتىس بولعان.
قالعان ۇشەۋى پارلامەنتتىڭ جوعارعى قاباتىنا كوتەرىلىپ كەتكەن. بىراق ارنايى جاساقپەن ۇشەۋىنىڭ دە كوزىن جويعان.
حومەيني كەسەنەسىندە جانكەشتى ءوزىن جارىپ جىبەرگەن، بىرنەشە ادام جارالانعان. شابۋىلداۋشىنىڭ بىرەۋى ايەل بولىپ شىققان، ول سول جەردە ۇستالعان.
اباي-اقپارات
