بەيسەنبى, 28 ناۋرىز 2024
انىق-قانىعى 10807 20 پىكىر 21 ماۋسىم, 2017 ساعات 11:13

نازارباەۆ اۋەجايى. كىم ۇسىندى؟ نەگە ۇسىندى؟

استانا حالىقارالىق اۋەجايى ەندى ەلباسى نۇرسۇلتان نازارباەۆتىڭ ەسىمىمەن اتالاتىن بولدى. قر ۇكىمەتىنىڭ  قاۋلىسى بۇگىن  باق-تا جاريا بولدى.

2017 جىلعى 20 ماۋسىم №381 استانا، ۇكىمەت ءۇيى

استانا حالىقارالىق اۋەجايىن قايتا اتاۋ تۋرالى

«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسىنىڭ زاڭى 10-بابىنىڭ 4-1) تارماقشاسىنا، «قازاقستان رەسپۋبليكاسىنىڭ اۋماعىنداعى اۋەجايلارعا، پورتتارعا، تەمىر جول ۆوكزالدارىنا، تەمىر جول ستانسالارىنا، مەتروپوليتەن ستانسالارىنا، اۆتوۆوكزالدارعا، اۆتوستانسالارعا، فيزيكالىق-گەوگرافيالىق جانە مەملەكەت مەنشىگىندەگى باسقا دا وبەكتىلەرگە اتاۋ بەرۋ، سونداي-اق ولاردى قايتا اتاۋ، ولاردىڭ اتاۋلارىنىڭ ترانسكريپتسياسىن ناقتىلاۋ مەن وزگەرتۋ جانە مەملەكەتتىك زاڭدى تۇلعالارعا، مەملەكەت قاتىساتىن زاڭدى تۇلعالارعا جەكە ادامداردىڭ ەسىمىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 5 ناۋرىزداعى № 281 قاۋلىسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. استانا حالىقارالىق اۋەجايى «نۇرسۇلتان نازارباەۆ حالىقارالىق اۋەجايى» بولىپ قايتا اتالسىن.

2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەمەر-ءمينيسترى ب.ساعىنتاەۆ

استانا مەن اۋەجاي اتىن اۋىستىرۋدى كىمدەر ۇسىندى؟

ەستەرىڭىزگە سالا كەتەيىك، استانا حالىقارالىق اۋەجايىنا پرەزيدەنت نازارباەۆتىڭ ەسىمىن بەرۋ تۋرالى باستامانى الدىمەن اۋەجاي ۇجىمى كوتەرگەن بولاتىن.

ايتپاقشى، وسى جىلدىڭ ماۋسىمىندا  سەناتور دارحان كالەتاەۆ استانا اۋەجايىنا پرەزيدەنتتىڭ ەسىمىن بەرۋدى سۇراعان ەدى.

دارحان مىرزا بۇل باستامانى اۋەلى 2008 جىلى كوتەرگەن ەدى. ارادا ءبىراز ۋاقىت وتكەندە اۋەجايدىڭ اتىن اۋىستىرۋ تۋرالى ماسەلەنى ول كۇن تارتىبىنە قايتادان قويدى.

ول كەزدە ءماجىلىس دەپۋتاتى پاۆەل كازانتسەۆ دەيتىن ازامات تا بۇل ۇسىنىستى قولداپ، باق-قا سۇحبات بەردى.

ال ءماجىلىستىڭ ەگدە دەپۋتاتتارىنىڭ ءبىرى قۋانىش سۇلتانوۆ ەلباسىنىڭ ەسىمىن ەلوردانىڭ وزىنە بەرۋ كەرەك دەپ سويلەدى. راس، سۇلتانوۆ مىرزا استانانى "نۇرسۇلتان نازارباەۆ" قالاسى دەپ اتاۋدى بىرنەشە مارتە ۇسىنعان-دى.

بيىل توپتان وزىق شىققاندار ساپىندا دەپۋتات باقىتگۇل حامەنوۆا حانىم دا بار. ەلباسىن ەرەكشە سۇيەتىن دەپۋتات سۇلتانوۆتىڭ باستاماسىن قولداپ سويلەگەنى ەسىمىزدە.

سونىمەن  ەندى ەلوردادا "نۇرسۇلتان نازارباەۆ حالىقارالىق اۋەجايى" بار.

نازارباەۆ ەسكەرتكىشتەرى

"نۇرسۇلتان نازارباەۆ حالىقارالىق اۋەجايىنان" باسقا جەرلەردە دە پرەزيدەنت نازارباەۆقا ەرەكەشە قۇرمەت كورسەتىلىپ جاتىر. ءبىز قازاقستاننىڭ ىشىندە جانە الىس-جاقىن شەتەلدەردە ورناتىلعان ەسكەرتكىشتەردى ساناپ كوردىك. قاراڭىز:

 

تۇركيا، انكارا. باۋىرلاس ەلدىڭ استاناسىندا، 2010 جىلى، «تۇركى جۇرتىنا سىڭىرگەن ەڭبەگى ءۇشىن» قازاقستان پرەزيدەنتىنىڭ قولادان قۇيىلعان ەسكەرتكىشى بار.

قىرعىزستان، چولپون-اتا. ىستىق كول جاعالاۋىنداعى «شىڭعىس ايتماتوۆ اتىنداعى رۋح-وردا» كەشەنىندە، 2005 جىلى اشىلعان ساۋلەت ونەرىنىڭ تۋىندىسى نۇرسۇلتان ءابىشۇلىنىڭ ءجۇرىپ كەلە جاتقان بەينەسىن ەلەستەتەدى.

ۋكراينا، دنەپرودزەرجينسك. نۇرسۇلتان ءابىشۇلى 1960 جىلى اياقتاعان دنەپرودزەرجينسك تەحنيكالىق ۋچيليششەسىندە قويىلعان ءمۇسىن-بيۋست – اتالعان وقۋ ورنىنىڭ جەكە مۇراعاتىنا تيەسىلى تۋىندى.

مولدوۆا، گاگاۋزيا. مولدوۆا مەملەكەتىندەگى گاگاۋزيا اۆتونومياسىندا ءبىزدىڭ پرەزيدەنتتىڭ قۇرمەتىنە قويىلعان ەسكەرتكىش 2012 جىلى اشىلدى.

استانا، «قازاق ەلى» مونۋمەنءتى. تاريحي-مەموريالدىق كەشەننىڭ جالپى اۋماعى 5,2 گەكتار، سونىڭ مونۋمەنت ورنالاسقان ورتالىق تۇعىرناماسى 1 گەكتار جەردى الىپ جاتىر.

الماتى، تۇڭعىش پرەزيدەنت ساياباعى. بۇل ەسكەرتكىش 2011 جىلى الماتىنىڭ ەڭ كورىكتى ورىندارىنىڭ ءبىرى، قازاقستان رەسپۋبليكاسىنىڭ تۇڭعىش پرەزيدەنتى ساياباعىندا اشىلدى.

الماتى وبلىسى، تالدىقورعان قالاسى. كوزى تىرىسىندە ەل پرەزيدەنتىنىڭ قۇرمەتىنە قويىلعان، ازىرگە سوڭعى ەسكەرتكىش تالدىقورعاندا اشىلدى.

پرەزيدەنت نازارباەۆقا تۇرعىزىلعان رەسمي ەسكەرتكىشتەردەن بولەك،  ار قالادا ونىڭ اتىندا ساياباق، وبلىستىق مۇراجايلاردا ارنايى بۇرىش، جوعارى وقۋ ورىندارىندا ماداقتاۋ تاقتالارى بار.

نازارباەۆ اتىنداعى مەكتەپتەر

سونىمەن قاتار، نازارباەۆ زياتكەرلىك مەكتەپتەرى بار. ولاردىڭ سانى جيىرماعا جۋىقتايدى. پرەزيدەنت نازارباەۆتىڭ اتىندا 18 مەكتەپ، 1 ۋنيۆەرسيتەت جۇمىس جاساپ جاتىر.

  • استانا قالاسى. استانا قالاسىندا نازارباەۆ زياتكەرلىك مەكتەبى 2009 جىلدىڭ اقپانىندا اشىلعان بولاتىن. بۇل قازاقستاندا سالىناتىن نازارباەۆ زياتكەرلىك مەكتەپتەرىنىڭ العاشقىسى. قازىر استانادا ەكى ءتۇرلى باعىتتا وقىتاتىن ەكى مەكتەپ قىزمەت ەتەدى. ءبىرى فيزيكا-ماتەماتيكالىق، ال ەكىنشىسى حالىقارالىق باكالاۆريات باعىتىندا وقىتادى.
  • سەمەي قالاسى. سەمەي قالاسىندا 2009 جىلى 1 قىركۇيەكتە فيزيكا-ماتەماتيكالىق باعىتىنداعى نازارباەۆ زياتكەرلىك مەكتەبى اشىلدى. ول 2-ءشى اتاۋلى مەكتەپ بولىپ تابىلادى. مەكتەپ ديرەكتورى: كايىرجانوۆ ب.ت.[3]
  • تالدىقورعان قالاسى. 2010 جىلدىڭ 21 تامىزىندا تالدىقورعان قالاسىندا فيزيكا-ماتەماتيكالىق باعىتتاعى ن.نازارباەۆ زياتكەرلىك مەكتەبى اشىلدى [4]. اشىلۋ راسىمىنە ەلباسى نۇرسۇلتان نازارباەۆ قاتىستى. مەكتەپ الەم ستاندارتتارىنا ساي سالىنعان.
  • شىمكەنت قالاسى. 2013 جىلدىڭ 16 اقپان كۇنى شىمكەنت قالاسىندا فيزيكا-ماتەماتيكا باعىتىنداعى مەكتەپتىڭ اشىلۋ سالتاناتى ءوتتى [5]. بۇل قازاقستان اۋماعىنداعى 9-شى اتاۋلى مەكتەپ. مەكتەپ ديرەكتورى ابدراحمانوۆا قاراكوز ىزباسارقىزى
  • شىمكەنت قالاسى. 2013 جىلدىڭ 25 اقپان كۇنى شىمكەنت قالاسىندا حيميا-بيولوگيا باعىتىنداعى مەكتەپتىڭ اشىلۋ سالتاناتى ءوتتى. مەكتەپ ديرەكتورى قاسىموۆ بالكان ماراتۇلى.
  • اقتوبە قالاسى. نازارباەۆ زياتكەرلىك مەكتەبى اقتوبە قالاسىنىڭ باتىس-2 شاعىن اۋدانىندا سالىندى. وندا 720 وقۋ ورنى بار. اۋىلدان كەلگەن بالالارى ءۇشىن 120 ورىنعا ارنالعان جاتاقحاناسى سالىندى.[6]
  • كوكشەتاۋ قالاسى. 2013 جىلدىڭ 23 اقپان كۇنى كوكشەتاۋ قالاسىنداعى نازارباەۆ زياتكەرلىك مەكتەبىندە 7-سىنىپ وقۋشىلارىن جاراتىلىستانۋ - ماتەماتيكالىق باعىتىنداعى پاندەردى وقۋعا دەگەن قابىلەتتەرىن انىقتاۋعا ارنالعان دجونس حوپكينس ۋنيۆەرسيتەتىنىڭ «دارىندى جاستار» ورتالىعى جاساعان پسيحومەتريكالىق تەست وتكىزىلەدى.
  • وسكەمەن قالاسى. وسكەمەندەگى حيميا بيولوگيا باعىتىنداعى مەكتەپتە ىرىكتەۋ كونكۋرسى باستالدى[7].
  • ورال قالاسى. ورال قالاسىنداعى نازارباەۆ زياتكەرلىك مەكتەبى قىركۇيەك ايىنىڭ 29-شى جۇلدىزىندا اشىلدى. مۇندا اۋدانداردان كەلگەن وقۋشىلارعا ارنالعان 120 ورىندى جاتاقحانا بار. مەكتەپ ديرەكتورى; كادىروۆا شولپان ماراتوۆنا
  • قاراعاندى قالاسى. قاراعاندى قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبى 2013 جىلدىڭ 1 اقپانىندا اشىلدى. مۇندا اۋدانداردان كەلگەن وقۋشىلارعا ارنالعان 120 ورىندى جاتاقحانا بار.
  • تاراز قالاسى. تاراز قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى 2013 جىلدىڭ 4-ءشى شىلدەسىندە اشىلدى. مۇندا اۋدانداردان كەلگەن وقۋشىلارعا ارنالعان 120 ورىندى جاتاقحانا بار.
  • قىزىلوردا قالاسى. قىزىلوردا قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبى 2013 جىلدىڭ 30-شى تامىزىندا ەسىگىن اشتى. مۇندا اۋدانداردان كەلگەن وقۋشىلارعا ارنالعان 120 ورىندى جاتاقحانا بار.
  • پاۆلودار قالاسى.پاۆلودار قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبى 2013 جىلدىڭ 27-ءشى تامىزىندا اشىلدى. مۇندا اۋدانداردان كەلگەن وقۋشىلارعا ارنالعان 120 ورىندى جاتاقحانا بار.
  • اتىراۋ قالاسى. اتىراۋ قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبى 2013 جىلدىڭ 11-ءشى قىركۇيەگىندە ەسىگىن اشتى. مۇندا اۋدانداردان كەلگەن وقۋشىلارعا ارنالعان 120 ورىندى جاتاقحانا بار.
  • الماتى قالاسى. شىمكەنت، قىزىلوردا، ورال سياقتى قالالاردىڭ مەكتەپتەرىنە ۇقساس ۇلگىدە سالىنعان مەكتەپ 2014 جىلدىڭ 4-شi شiلدەسiندە اشىلدى. الماتى قالاسىنداعى فمب نازارباەۆ زياتكەرلiك مەكتەبiندە 762 وقۋشى بiلiم الۋدا. مەكتەپ ديرەكتورى- كەنچەنباەۆا جاميليا. مەكتەپ "تاۋلى قىرات" اۋدانىندا ورنالاسقان.

قازىرگى تاڭدا تاعى دا ەلىمىزدىڭ 3 ايماعىندا 3 نازارباەۆ زياتكەرلىك مەكتەبى سالىنۋدا. (ولار: اقتاۋ، پەتروپاۆل، قوستاناي قالالارى)

بۇدان بولەك، نۇرسۇلتان نازارباەۆ اتىنداعى كوشەلەر الىس-جاقىن شەت مەملەكەتتەردە دە بار.

 Abai.kz

20 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516