اتىشۋلى جاماليەۆ بوستاندىققا شىعادى. وسىدان بىرنەشە جىل بۇرىن كاسىپكەر قايرات جاماليەۆ جاس جىگىت ءالىبي جۇماعۇلوۆتى اياۋسىز سوققىعا جىعىپ اۋىر قىلمىس جاساعان. سوت ۇكىمى بويىنشا 13 جىلعا سوتتالعان، دەگەنمەن، جاماليەۆ راقىمشىلىققا ءىلىنىپتى. وسى جىلدىڭ تامىز ايىندا بوستاندىققا شىعاتىنى بەلگىلى بولدى.
وسى رەتتە بەلگىلى زاڭگەر دجوحار ۋتەكباەۆ «Facebook» جەلىسىندەگى پاراقشاسىندا ءوز پىكىرىن ءبىلدىردى.

دجوحار ۋتەكباەۆ، زاڭگەر:

-جوعارعى سوت وكىلدەرى كاسىپكەر قايرات جاماليەۆتىڭ قىلمىستىق مەرزىم ۋاقىتىن اقىرىنداپ 13 جىلدان 6 جىلعا قىسقارتتى. ەستەرىڭىزدە بولسا، جاماليەۆتى استانا قالاسىندا جاس جىگىت ءالىبي جۇماعۇلوۆتى ەرىكسىز قاماۋدا ۇستاپ، اياۋسىز كۇش كورسەتكەنى ءۇشىن شىعارىلعان شەشىم بويىنشا سوتتاعان بولاتىن. كاسىپكەر قايرات جاماليەۆتىڭ اۋىر قىلمىسقا بارۋىنا ازاماتشا اينۇر يسيناعا دەگەن قىزعانىشى سەبەپ بولعان. مەنى زاڭ الدىنداعى ازاماتتاردىڭ تەڭسىزدىگى الاڭداتادى. ەڭ سوراقىسى - جوعارعى سوت وكىلدەرى بۇۇ-نىڭ حالىقارالىق ازاماتتىق جانە ساياسى قۇقىقتار بويىنشا جاسالعان شەشىمىن بۇزىپ، قىلمىستىق ارەكەتكە بارۋى. ول قوعام الدىندا مويىندالعان شەشىمدى اياققا تاپتاپ وتىر. قىلمىستىق ءىس سوت پروتسەسسى كەزىندە كاسىپكەر قايرات جۇماليەۆتىڭ اتىمەن جۇرگىزىلمەگەن. كاسساتسيالىق قاۋلى جاسىرىن تۇردە جاسالىنعان. جۇماليەۆكە قاتىستى جۇمىس جۇرگىزگەن سوت وكىلدەرى بىزگە انىق ەمەس. تەك بايانداۋشى سوت داۋليەۆ ەرجان عانا بەلگىلى. جوعارعى سوت جاماليەۆكە قاتىستى اقتاپ شىعارىلعان ۇكىمنىڭ سەبەپتەرىن قوعامعا جاريالاۋعا ءتيىس. ەڭ قىزىعى – كاسساتسياعا قاتىسقان باس پروكۋراتۋرانىڭ ارەكەتى. ولار جاماليەۆتىڭ ءوتىنىش-حاتىنا كەلىسىمىن بەرىپ وتىر.

Abai.kz