دەرەككوزدىڭ مالىمەتىنشە، ولار ەلگە وتكەن ايدىڭ اياعىندا تۇركىمەنستان مەن اۋعانستان اراسىنداعى شەكارا ارقىلى كىرگەن.

«وتكەن ايدا تۇركىمەنستاننىڭ اۋعانستان جانە يرانمەن شەكتەسەتىن شەكاراسىندا بوگەن بۇزىلعان. ولار سول جەردەن وتكەن. سودان بەرى كونە زيراتتى پانا ەتكەن. ولاردى سول زيراتتان ۇستادى. كۇدىكتىلەر تاعى ءبىر ءساتتى كەزدى كۇتىپ، تەدجەن نەمەسە مارى اۋدانىنا كەتۋگە دايىندالعان»، - دەيدى تۇركىمەنستان قارۋلى كۇشتەرىنىڭ وفيتسەرى.

وفيتسەر ءوزىنىڭ دە كۇدىكتىلەردى ۇستاۋ وپەراتسياسىنا قاتىسقانىن ايتادى. ونىڭ سوزدەرىنشە، بارلاۋ قىزمەتى سوڭعى ايلاردا ەلگە ونداعان سودىردىڭ ەنگەنى تۋرالى مالىمەت بەرگەن.

«قازىر بارلىق شەكارا اۋداندارىندا 50 شاقتى ادام ءجۇر. ولاردىڭ 30-عا جۋىعىن تۇتقىنداعان. قازىر ايماقتاردى تىكۇشاق ارقىلى تەكسەرىپ جاتىر. سودىرلار جوعارى تەحنولوگيامەن جاسالعان قارۋ-جاراقپەن قارۋلانعان»، - دەيدى دەرەككوز.

تاعى ءبىر دەرەككوز شەكارا ايماقتارىنا قوسىمشا اسكەري كۇشتەردى جىبەرگەنىن حابارلايدى.

Abai.kz