دۋلات يسابەكوۆ: «پرەزيدەنت «قۇرمەتتى توراعا» دەگەندى قولدامايتىنىن ايتتى»
قاسيەتتى قۇربان ايت كۇنى الماتىعا ارنايى كەلگەن پرەزيدەنت نازارباەۆ ورتالىق مەشىتتە ءسوز سويلەدى، سودان سوڭ قىزدار پەداگوگيكالىق ينستيتۋتىندا ستۋدەنتتەرمەن كەزدەسىپ، ايگىلى مەدەۋ شاتقالىنا ات باسىن تىرەدى. استانا مەن الماتى قالالارىندا وتەتىن قىسقى VII-ءشى ازيادا ويىندارىنا قاتىستى دايىندىق شارالارىمەن تانىستى. پرەزيدەنت الماتىداعى ءىس-ساپارىنىڭ بارىسىندا جازۋشى دۋلات يسابەكوۆتى (سۋرەتتە) قابىلدادى. ەلباسىمەن كەزدەسۋدەن شىققان دۋلات اعامىزبەن تىلدەسىپ، بىرەر سۇراق قويۋعا ءبىز دە اسىقتىق.
- اسسالاۋماعالەيكۋم، اعا!
- ۋاعالەيكۋمسالام!
- قۇربان ايتىڭىز قابىل بولسىن!
- بىرگە بولسىن!
- ءسىزدى Abai.kz اقپاراتتىق پورتالىنان مازالاپ تۇرمىز.
- ءا...
- اعا، ءسىزدى پرەزيدەنتتىڭ قابىلداۋىندا بولدى دەپ ەستىپ جاتىرمىز. كەزدەسۋدە قانداي اڭگىمەلەر قوزعالدى، سول تۋرالى از-كەم ايتىپ بەرسەڭىز؟
قاسيەتتى قۇربان ايت كۇنى الماتىعا ارنايى كەلگەن پرەزيدەنت نازارباەۆ ورتالىق مەشىتتە ءسوز سويلەدى، سودان سوڭ قىزدار پەداگوگيكالىق ينستيتۋتىندا ستۋدەنتتەرمەن كەزدەسىپ، ايگىلى مەدەۋ شاتقالىنا ات باسىن تىرەدى. استانا مەن الماتى قالالارىندا وتەتىن قىسقى VII-ءشى ازيادا ويىندارىنا قاتىستى دايىندىق شارالارىمەن تانىستى. پرەزيدەنت الماتىداعى ءىس-ساپارىنىڭ بارىسىندا جازۋشى دۋلات يسابەكوۆتى (سۋرەتتە) قابىلدادى. ەلباسىمەن كەزدەسۋدەن شىققان دۋلات اعامىزبەن تىلدەسىپ، بىرەر سۇراق قويۋعا ءبىز دە اسىقتىق.
- اسسالاۋماعالەيكۋم، اعا!
- ۋاعالەيكۋمسالام!
- قۇربان ايتىڭىز قابىل بولسىن!
- بىرگە بولسىن!
- ءسىزدى Abai.kz اقپاراتتىق پورتالىنان مازالاپ تۇرمىز.
- ءا...
- اعا، ءسىزدى پرەزيدەنتتىڭ قابىلداۋىندا بولدى دەپ ەستىپ جاتىرمىز. كەزدەسۋدە قانداي اڭگىمەلەر قوزعالدى، سول تۋرالى از-كەم ايتىپ بەرسەڭىز؟
- پرەزيدەنت پەن جازۋشى كەزدەسكەندە نە تۋرالى اڭگىمە بولۋى مۇمكىن؟! «حاباردان» كورسەتتى عوي. سول باياعى ادەبيەتتىڭ، رۋحانياتتىڭ جاعدايى، قالامگەرلەردىڭ ءحالى، جازۋشىلار وداعىندا قالىپتاستىپ وتىرعان اتومسفەرا، جازۋشىلاردىڭ السىرەپ كەتكەن قوعامداعى ورنى، باياعىداعىداي ۇلتتىق ويدىڭ باسى-قاسىندا جۇرەتىن قالامگەرلەردىڭ ءوز ءىشى ماسەلەگە اينالعانى... ءبارى-ءبارى ايتىلدى. جاقسى قارسى الدى. كەڭ وتىرىپ اڭگىمەلەستىك. تەاتردىڭ جايى، قازاق كينوسىنا شەتەلدىك اكتەرلەردىڭ شاقىرىلۋى، قازاق ءتىلى مەن ورالمانداردىڭ ماسەلەسىن دە ايتتىم. مىسالى، مۇستافا شوقايدىڭ ءرولىن سىرتتان كەلگەن اكتەر وينايدى. جانە ءبىز ءالى كۇنگە ەلىكتەۋشىلىكتەن ارىلا الماي جاتىرمىز. «قازاق قازاقپەن قازاقشا سويلەسىن» دەپ ءسىز ايتساڭىز دا، كۇنى بۇگىنگە دەيىن ون قازاق تۇرىپ، ورتاسىنا ءبىر ورىس كەلسە، ءبارىمىز ورىسشا سويلەپ كەتەمىز، ورالمانداردىڭ كەلۋى سايابىرلاپ قالدى. مەن قازاقستان حالقىنىڭ سانى قانشا بولسا دا، قارسى ەمەسپىن، بىراق مەن ءۇشىن قازاقتىڭ سانى ماڭىزدى. سوندىقتان، ورالمانداردىڭ كوشى باسەڭسىمەسە، «ءتىل، ءتىل» دەپ جۇرگەن ماسەلە ءوزى-اق شەشىمىن تابار ەدى دەپ ايتتىم.
- ءسىزدىڭ تاراپىڭىزدان كوتەرىلگەن ادەبيەت، قازاق كينوسىنا شەتەلدىك اكتەرلەر شاقىرۋ، ورالماندار ماسەلەسى تۋرالى ماسەلەلەرگە پرەزيدەنتتىڭ پىكىرى قانداي بولدى؟
- جاقسى بولدى. ەڭ الدىمەن ءوزىمىزدىڭ كينونى ناسيحاتتاپ، ءوز دۇنيەلەرىمىزدى كورسەتۋ قاجەت ەكەنىن اتاپ ءوتتى. شەتەلدەگى قازاقتاردى دۇرك كوتەرىپ كوشىرىپ اكەلە المايتىنىمىزدى، ءوزىمىزدىڭ ازاماتتارىمىزدىڭ دا ءۇي-كۇيسىز جۇرگەندەرى كوپ ەكەنىن، الايدا، ءبارى دە ۋاقىتىمەن ورىندالاتىن ءسوز ەتتى.
- قالامگەرلەردىڭ اراسىنداعى كەيىنگى كەزدەگى اڭگىمەنى «ءوز ارالارىڭدا نەگە شەشپەيسىڭدەر؟» دەپ سۇرامادى ما پرەزيدەنت؟
- سۇرادى. سودان سوڭ مەن جاۋاپ رەتىندە قازىر ادام تانىمايتىن جازۋشىلاردىڭ كوبەيىپ، ءبىر ماسەلە بولا قالسا، توپ-توپقا ءبولىنىپ ەلگە تانىمال قالامگەرلەردىڭ قاعىس قالىپ جاتاتىنىن جانە «قۇرمەتتى توراعا» دەگەننىڭ اقىلعا قونبايتىنىن ايتتىم. پرەزيدەنت «قۇرمەتتى توراعا» تۋرالى گازەتتەن وقىعانىن، ونى قولدامايتىنىن، شىنايى، شىعارماشىلىقتان الىستاپ، جازۋشىلاردىڭ ۇساق-تۇيەككە بوي ۇرىپ كەتكەنىن قىنجىلا ءسوز ەتتى.
«اباي-اقپارات»
