بەيسەنبى, 20 ماۋسىم 2019
كاسىپ-ءتۇبى ءناسىپ 4197 0 پىكىر 8 تامىز, 2017 ساعات 12:51

قىسقا مەرزىمدىك كۋرستار ءۇشىن وقىتۋ ورتالىقتارى بەلگىلەندى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» مەملەكەتتىك باعدارلاماسى شەڭبەرىندە الماتى وبلىسىندا بيىلعى جىلدىڭ ءساۋىر ايىنان بەرى 4275 جۇمىسسىز ازامات قىسقا مەرزىمدىك وقىتۋعا جىبەرىلدى. بۇگىنگى بۇنگە 1730 ادام وقۋدى اياقتاپ، سونىڭ 741-ءى جۇمىسقا ورنالاستىرىلدى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنە سۇيەنسەك، قازىرگى كەزدە كاسىپكەرلەر پالاتاسىمەن بىرلەسىپ، جۇمىسسىز ازاماتتارعا قىسقا مەرزىمدى كۋرستاردى كاسىپورىندار جانىنداعى وقۋ ورتالىقتارىنىڭ بازاسىندا ۇيىمداستىرۋ جۇيەسى ەنگىزىلۋدە. بۇل ماقساتتا 5 وقۋ ورتالىعى ىرىكتەلىپ الىندى. اتاپ ايتقاندا، تالدىقورعان قالاسىندا «تاتەك» اق، «قاينار» جشس، «بايتۇرعانوۆ» جك، قاپشاعاي قالاسىندا «كناۋف گيپس قاپشاعاي» جشس، تالعار اۋدانىندا «بايسەركە اگرو» جشس. اتالمىش وندىرىستىك بازالاردا كۋرس تىڭداۋشىلارى ەلەكترومونتەر، ەلەكتروسلەسار، اككۋمۋلياتورشى، ءىرى قارانى قولدان ۇرىقتاندىرۋ تەحنيگى، نەيل ستيليست، ۆيزاجيست، شاشتاراز كاسىپتەرى بويىنشا تاجىريبەلەرىن شىڭدايدى.

بيىلعى جىلى وسى وقۋ ورتالىقتارىنىڭ بازاسىندا 200 ادامعا وقىتۋ كۋرسى ۇيىمداستىرىلماق. بۇگىنگى كۇنى جەرگىلىكتى جەرلەردەگى جۇمىسپەن قامتۋ ورتالىقتارى تاراپىنان اتالمىش ماماندىقتارعا وقىتۋعا دەگەن جۇمىس بەرۋشىلەردىڭ سۇرانىس دەڭگەيى انىقتالۋدا.

اباي اقپارات

0 پىكىر