قاراقالپاقستاننىڭ جوعارعى سوتىندا ءىسى قارالىپ جاتقان 27 قازاستاندىق ازاماتقا كەلەسى اپتادا ۇكىم شىعارىلادى. بۇل تۋرالى تاشكەندەگى «حانۋم» ادۆوكاتتار كەڭسەسىنىڭ ادۆوكاتى، قاراقالپاقستانداعى جوعارى سوتتا اتالعان جەرلەستەرىمىزدىڭ التاۋىنا قورعاۋشى بولىپ جۇرگەن اسان اسقاروۆ zona.kz سايتىنا بەرگەن سۇحباتىندا ايتتى.
ادۆوكات مىزرزانىڭ مالىمدەۋىنشە، قازاقستاندىق ازاماتتاردىڭ كەيىبىرى كىناسىن مويىنداعان جوق، كەيبىرى ءىشىنارا تاعىلعان ايىپپەن كەلىسكەن. ياعني، شەكارا سىزىعىن ايگىلەيتىن الا باعانانى بايقاماي بىلمەستىكتەن وزبەك جاعىنا ءوتىپ كەتكەنىن اعىنان جارىلا اقتارىپ سالعان. الايدا، وسىنىڭ ءوزى وزبەك سوتىنا ءبىراز ەرمەك بولايىن دەپ تۇر. ەرمەك دەيمىز-اۋ، كورشىمىزدىڭ زاڭى بويىنشا قىلمىس جاساۋعا نيەت ەتۋ قىلمىس جاساعانمەن بىردەي باعالانادى. دەمەك، قازاقستاندىق ازاماتتاردى 8 جىلدان 15 جىلعا دەيىن تۇرمە جازاسى كۇتىپ تۇر. ادۆوكاتتىڭ اڭگىمەسىنەن جەرلەستەرىمىز جارىق كۇندى كورۋگە زار بولىپ وتىرعانىن بىلدىك. ولار قاماۋعا الىنعالى ەشكىممەن كەزىكپەگەن. ويتكەنى، دەموكراتيانى الا شاپاننىڭ قوينىنا تىعىپ العان وزاعاڭنىڭ قۇرىپ كەتكىر زاڭى سولاي. تەك سوتتىڭ ۇكىمى وقىلعان سوڭ عانا جۇزدەسۋگە مۇرسات بەرەدى.

قاراقالپاقستاننىڭ جوعارعى سوتىندا ءىسى قارالىپ جاتقان 27 قازاستاندىق ازاماتقا كەلەسى اپتادا ۇكىم شىعارىلادى. بۇل تۋرالى تاشكەندەگى «حانۋم» ادۆوكاتتار كەڭسەسىنىڭ ادۆوكاتى، قاراقالپاقستانداعى جوعارى سوتتا اتالعان جەرلەستەرىمىزدىڭ التاۋىنا قورعاۋشى بولىپ جۇرگەن اسان اسقاروۆ zona.kz سايتىنا بەرگەن سۇحباتىندا ايتتى.
ادۆوكات مىزرزانىڭ مالىمدەۋىنشە، قازاقستاندىق ازاماتتاردىڭ كەيىبىرى كىناسىن مويىنداعان جوق، كەيبىرى ءىشىنارا تاعىلعان ايىپپەن كەلىسكەن. ياعني، شەكارا سىزىعىن ايگىلەيتىن الا باعانانى بايقاماي بىلمەستىكتەن وزبەك جاعىنا ءوتىپ كەتكەنىن اعىنان جارىلا اقتارىپ سالعان. الايدا، وسىنىڭ ءوزى وزبەك سوتىنا ءبىراز ەرمەك بولايىن دەپ تۇر. ەرمەك دەيمىز-اۋ، كورشىمىزدىڭ زاڭى بويىنشا قىلمىس جاساۋعا نيەت ەتۋ قىلمىس جاساعانمەن بىردەي باعالانادى. دەمەك، قازاقستاندىق ازاماتتاردى 8 جىلدان 15 جىلعا دەيىن تۇرمە جازاسى كۇتىپ تۇر. ادۆوكاتتىڭ اڭگىمەسىنەن جەرلەستەرىمىز جارىق كۇندى كورۋگە زار بولىپ وتىرعانىن بىلدىك. ولار قاماۋعا الىنعالى ەشكىممەن كەزىكپەگەن. ويتكەنى، دەموكراتيانى الا شاپاننىڭ قوينىنا تىعىپ العان وزاعاڭنىڭ قۇرىپ كەتكىر زاڭى سولاي. تەك سوتتىڭ ۇكىمى وقىلعان سوڭ عانا جۇزدەسۋگە مۇرسات بەرەدى.
قازاقستاندىق ازاماتتار وزبەكستان قك-ءنىڭ 223-باپ، 2-ءبولىمى، 169-باپ 4-ءبولىمى جانە 182-بابى بويىنشا ايىپتالۋدا. قىزىق بولعاندا، قىزدى-قىزدىمەن وزبەك جاعى اۋەلدە بۇلاردان 118 ملن. وزبەك سومىن ءوندىرىپ الماق بولعان. جاۋاپكەر تاراپتىڭ قارسىلىعىنان سوڭ ماتەريالدىق شىعىن رەتىندە 6 توننا سولياركانىڭ قۇنىن سۇراعان. ول وتىن كولىكتەردى نۇكىسكە اپارعاندا شىعىندالعان كورىنەدى. وزگە تۇگىل ءوزىن ايامايتىن وزاعاڭنىڭ قاتال رەجيمىنىڭ تەمىر شەڭگەلىنە ابايسىز ىلىنگەن قازاقستاندىق ازاماتتار تۋرالى الەم باق-تارى جارىسا جازىپ جاناشىرلىق تانىتىپ جاتقاندا بىزدەگى رەسمي بيلىك ءالى كۇنگە ءبىر رەت ءماۋ دەگەن ەمەس. ادۆوكات مىرزانىڭ ايتۋىنشا، ايىپكەرلەردىڭ تۋىس-تۋعانى اقتوبەنىڭ اكىمشىلىگىنە اعايىنعا اراشا ءتۇسۋدى سۇراپ ارىز ايتىپتى. بىراق «جانى اشىماستىڭ قاسىندا باسىڭ اۋىرماسىننىڭ» كۇيىن كەشكەن سەكىلدى. ايتپەسە، ديپلوماتيالىق تەتىكتەردى ىسكە قوسىپ وزبەك سوتىنىڭ قازاقستان ازاماتتارىنا قاتىستى جەڭىلدەۋ جازا قولدانۋىن سۇراسا ەشكىم دە تونىن شەشىپ الماس ەدى.
تاعى ءبىر ءتۇيىنى بەلگىسىز تۇيتكىل قازاقستاندىقتاردىڭ جازاسىن قايدا وتەيتىنىنە بايلانىستى. وزبەكتەر ءوز ەلىندە قالعانىن قالايدى، زاڭى سولاي. بىزدەگىلەر بىلق ەتپەسە سولاي بولاتىن-اق شىعار.