كۇنى كەشە عانا ەلباسى نۇرسۇلتان نازارباەۆتىڭ لاتىن الىپبيىنە كوشۋ تۋرالى ايتقان پىكىرى قوعامدا قىزۋ تالقىلانۋدا. "حابار" ارناسىنا سۇحبات بەرگەن پرەزيدەنت نازارباەۆ لاتىنعا كوشۋ قازاققا عانا قاتىستى ەكەنى، ورىس دياسپوراسى ءۇشىن كيريليتسا قاتار قولدانىلاتىنىن ايتتى.

ءسويتىپ، ءۇشتىلدى ساياسات ۇستاناتىن قازاقستاندا ەكى الىپپە بولا ما؟ ءبىز ساياساتكەر ءامىرجان قوسانوۆتىڭ پىكىرىن بىلگەن ەدىك.

مەملەكەتتە قازاقتاردىڭ ۇلەس سالماعىنىڭ ءوسۋى – ەشكىم دە، ەشنارسە دە تەجە المايتىن وبەكتيۆتى پروتسەسس

ءامىرجان قوسانوۆ، ساياساتكەر:

- ارينە، ورىستىلدىلەرگە كيريلليتسانى قالدىرۋدى بەلگىلى ءبىر دارەجەدە ىشكى جانە گەوساياسي كومپروميستىڭ ءبىر ءادىسى دەپ تە ساناۋعا بولار ەدى. بىراق، ماسەلەنىڭ باسقا جاعىن دا مويىنداۋىمىز كەرەك: بۇل يدەيا – لاتىن الىپبيىنە كوشۋ يدەياسىن جارتىكەش ەتۋمەن پارا-پار!

مۇنىڭ ءوزى قوعامدى ءالىپبي مەن ءتىل ماسەلەسىندە عانا ەمەس، وركەنيەتتىك ماسەلەدە قاق جارادى. ولاي بولارىن بىلگەندە ءتىپتى ءالىپبيدى وزگەرتۋ ماسەلەسىن بۇل كەزەڭدە قوزعاماي-اق قويۋ كەرەك ەدى.

ارينە، ءوز باسىم قازىرگى بيلىك الدىنداعى ساياسي ديللەمانى، تاريحي تاڭداۋدى دا تۇسىنەمىن: ۇلتارالىق سالاداعى ىشكى جاعداي، كورشى رەسەيدىڭ گەوساياسي ىقپالى، وعان قوسا سوۆەتتىك سانادان ارىلا الماي كەلە جاتقان مەملەكەتتىك ساياسي مەنەدجمەنت شوعىرى سەكىلدى مىقتى فاكتورلار بار.

بىراق، ۋاقىت ءبارىن ءوز ورنىنا قويادى: مەملەكەتتە قازاقتاردىڭ ۇلەس سالماعىنىڭ ءوسۋى – ەشكىم دە، ەشنارسە دە تەجە المايتىن وبەكتيۆتى پروتسەسس، ونىمەن ەرتەڭ ءوزىمىزدىڭ ورىس تىلدىلەر دە، كرەمل دە ساناسۋعا ءماجبۇر بولادى...

ءىلياس اقباي

Abai.kz