قازىرگى تاڭدا سولتۇستىك قازاقستان وبلىسىندا 85 قوعامدىق كەلىسىم كەڭەسى قىزمەت حالىققا قىزمەت ۇسىنىپ وتىر دەپ ، حابارلايدى "Abai.kz" اقپاراتتىق پورتالى.

قوعامدىق كەلىسىم كەڭەسىنىڭ نەگىزگى ماقساتى ۇلتارالىق كەلىسىمدى جانە قوعامدا مەملەكەتتىك ورگاندارى مەن ازاماتتىق قوعام ينستيتۋتىنىڭ ءتيىمدى قارىم-قاتىناسىن قامتاماسىز ەتۋ ارقىلى تولەرانتتى نىعايتۋ، سوندا-اق، قوعامدىق باستامالاردى قولداۋ جانە دامىتۋ.

كەڭەس قۇرامىنا قوعامدىق پىكىرلەردىڭ كوشباسشىلارى، قالالىق جانە اۋداندىق كەڭەستەردىڭ توراعالارى، ەتنومادەني بىرلەستىكتەردىڭ، جاستاردىڭ، ارداگەرلەر ۇيىمدارىنىڭ، مەملەكەتتىك ورگانداردىڭ وكىلدەرى كىرەدى.

قازىرگى ۋاقىتتا، وبلىستاعى ءىرى كاسىپورىندارىندا قوعامدىق كەلىسىم كەڭەسىن قۇرۋ بويىنشا جوسپارلانعان، ءتۇسىندىرۋ جۇمىسى وتكىزىلىپ جاتىر، ونىڭ ىشىندە كەزدەسۋلەر، كوشپەلى جيىندار، سەمينارلار، دوڭگەلەك ۇستەلدەر ۇيىمداستىرىلادى، اقپاراتتىق-ناسيحاتتاۋ توبى جۇمىس ىستەيدى. سونداي-اق، تامىز ايىنىڭ 4-ءى «پەتروپاۆلوۆسك كونديتەر» جشس-دە قوعامدىق كەلىسىم كەڭەسى جۇمىسىن باستادى. «پەتروپاۆلوۆسك كونديتەر» ءونىمىن تەك قازاقستاننىڭ ءتاتتى سۇيگىشتەرى عانا ەمەس، رەسەي، قىتاي جانە مونعوليادا دا بىلەدى. كاسىپورىن ءبىر تاۋلىك ىشىندە 2,5 مىڭ توننا كولەمىنە جۋىق 150-دەن استام ءونىم اتاۋىن شىعارادى. «پەتروپاۆلوۆسك كونديتەر» باسشىلارى تەك ءوندىرۋدى جاڭعىرتۋعا عانا ەمەس، كورپوراتيۆتىك رۋح پەن ەڭبەك قارىم-قاتىناسىن نىعايتۋعا دا زور نازار بولەدى، سونداي-اق، قوعامدىق كەلىسىم كەڭەسىن قۇرۋ باستاماسى بولدى. كونديتەرلىك فابريكانىڭ ۇجىمدارىمەن كەزدەسۋگە سولتۇستىك قازاقستان وبلىستىق قازاقستان حالقى اسسامبلەيا حاتشىلىعىنىڭ مەڭگەرۋشىسى – نايل ساليموۆ، وبلىستىق قوعامدىق كەلىسىم كەڭەسىنىڭ توراعاسى - راشيد ناديروۆ جانە ەۆرەي ەتنومادەني بىرلەستىگىنىڭ توراعاسى راشبيل ەۆداەۆ كەلدى. «قىزىلجار سۋ» جشس كاسىپورنىندا وبلىستاعى ءبىرىنشى قوعامدىق كەلىسىم كەڭەسىنىڭ جۇمىس تاجىريبەسىمەن فانيس ليتفۋللين ءبولىستى. ۇجىممەن انگىمەلەسكەن سوڭ، باسشىلار فابريكا قوناقتارىنا ەكسكۋرسيا وتكىزدى، ولار تسەحتەردىڭ بىرىندە ءونىمدى قالاي جاسايتىن پروتسەسستى كورە الدى.

2017 جىلى اعا ساراپشىلارمەن قوعامدىق كەلىسىم كەڭەستەر قىزمەتىنىڭ مودەلى ازىرلەندى. مودەلگە سايكەس وبلىستىق قازاقستان حالقى اسسامبلەياسىنىڭ جانە قحا كافەدراسىنىڭ عىلىمي ساراپتاما جاساۋ توبىنىڭ وكىلدەرى  قوعامدىق كەلىسىم كەڭەس قىزمەتىنىڭ عىلىمي-اناليتيكالىق زەرتتەۋ جۇمىسىن جۇرگىزەدى جانە ولارعا ادىستەمەلىك سۇيەمەلدەۋ جاسايدى.

ەرعالي بەرىكۇلى

Abai.kz