استانا. 4 ماۋسىم. قازتاگ – اسەل مۇقانوۆا. بەيسەنبى كۇنى تاڭعى ساعات 9-دا باستالعان ۇلتتىق بىرىڭعاي تەستىلەۋ (ۇبت) ولقىلىقسىز وتەدى، دەپ ۋادە ەتتى قر ءبىلىم جانە عىلىم ءمينيسترى (بعم) جانسەيىت تۇيمەباەۆ.

«بۇگىن رەسپۋبليكا بويىنشا تەستىلەۋ باستالدى. ارينە، بارلىق اتا-انا ۋايىمداپ وتىر. الايدا ءبىز، وتكەن جىلدارى بولعان بارلىق تەرىس جاعدايلاردىڭ الدىن الۋعا تىرىستىق. …بيىلعى جىلى ولقىلىقتار بولماۋعا ءتيىس»، - دەدى ج. تۇيمەباەۆ بەيسەنبى كۇنى قازاق گۋمانيتارلىق زاڭ ۋنيۆەرسيتەتىندە ۇبت تاپسىرۋ قوسىنىنا كەلگەندە.

ەسكە سالا كەتەيىك، وتكەن جىلى الماتىدا ورتالىقازيالىق ۋنيۆەرسيتەتتە ۇبت-دان وتكەن 900 مەكتەپ ءبىتىرۋشىنىڭ 825-ءى تەحنيكالىق قاتەنىڭ كەسىرىنەن وقۋعا ءتۇسۋ ءۇشىن قاجەت بالل جيناي الماعان. مۇنداي وقيعا الماتىداعى قازۇتۋ جانە قامزا جوعارى وقۋ ورىندارىندا دا قايتالاندى. تالاپكەرلەردىڭ 70 پايىزعا جۋىعى ەڭ تومەنگى بالدى دا جيناي الماي قالدى. ناتيجەسىندە اپپەلياتسيالىق كوميسسياعا ءوز قاتەلەرىن تۇزەتۋگە تۋرا كەلدى.

بعم ءباسپاسوز قىزمەتىنىڭ اقپاراتى بويىنشا، استانادا ۇبت-نى 3 234 ادام تاپسىرىپ جاتىر. بۇگىن زاڭ ۋنيۆەرسيتەتىندە 525 مەكتەپ ءبىتىرۋشى تەستىلەۋدەن وتۋدە. ەلوردادا ۇبت تاعى ەكى قوسىندا – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جانە قازاق نۋمانيتارلىق زاڭ ۋنيۆەرسيتەتىندە ءوتىپ جاتىر.

استانا. 4 ماۋسىم. قازتاگ – اسەل مۇقانوۆا. بەيسەنبى كۇنى تاڭعى ساعات 9-دا باستالعان ۇلتتىق بىرىڭعاي تەستىلەۋ (ۇبت) ولقىلىقسىز وتەدى، دەپ ۋادە ەتتى قر ءبىلىم جانە عىلىم ءمينيسترى (بعم) جانسەيىت تۇيمەباەۆ.

«بۇگىن رەسپۋبليكا بويىنشا تەستىلەۋ باستالدى. ارينە، بارلىق اتا-انا ۋايىمداپ وتىر. الايدا ءبىز، وتكەن جىلدارى بولعان بارلىق تەرىس جاعدايلاردىڭ الدىن الۋعا تىرىستىق. …بيىلعى جىلى ولقىلىقتار بولماۋعا ءتيىس»، - دەدى ج. تۇيمەباەۆ بەيسەنبى كۇنى قازاق گۋمانيتارلىق زاڭ ۋنيۆەرسيتەتىندە ۇبت تاپسىرۋ قوسىنىنا كەلگەندە.

ەسكە سالا كەتەيىك، وتكەن جىلى الماتىدا ورتالىقازيالىق ۋنيۆەرسيتەتتە ۇبت-دان وتكەن 900 مەكتەپ ءبىتىرۋشىنىڭ 825-ءى تەحنيكالىق قاتەنىڭ كەسىرىنەن وقۋعا ءتۇسۋ ءۇشىن قاجەت بالل جيناي الماعان. مۇنداي وقيعا الماتىداعى قازۇتۋ جانە قامزا جوعارى وقۋ ورىندارىندا دا قايتالاندى. تالاپكەرلەردىڭ 70 پايىزعا جۋىعى ەڭ تومەنگى بالدى دا جيناي الماي قالدى. ناتيجەسىندە اپپەلياتسيالىق كوميسسياعا ءوز قاتەلەرىن تۇزەتۋگە تۋرا كەلدى.

بعم ءباسپاسوز قىزمەتىنىڭ اقپاراتى بويىنشا، استانادا ۇبت-نى 3 234 ادام تاپسىرىپ جاتىر. بۇگىن زاڭ ۋنيۆەرسيتەتىندە 525 مەكتەپ ءبىتىرۋشى تەستىلەۋدەن وتۋدە. ەلوردادا ۇبت تاعى ەكى قوسىندا – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جانە قازاق نۋمانيتارلىق زاڭ ۋنيۆەرسيتەتىندە ءوتىپ جاتىر.

بيىلعى جىلى ءبىلىم جانە عىلىم مينيسترلىگى تۇلەكتەر مەن ولاردىڭ اتا-انالارىنىڭ تىلەگىن ەسكەرە وتىرىپ، ۇبت ءۇشىن بىرقاتار جاڭالىق ەنگىزگەنى بەلگىلى. سونىڭ ىشىندە، ەمتيحاندى وتكىزۋ ۋاقىتى 3,5 ساعاتقا دەيىن ۇزارتىلدى، سونداي-اق، ءبىر اعىمداعى ادامداردىڭ سانى 800 ادامعا دەيىن ازايتىلدى. تاعى ءبىر جاڭالىق ۇبت وتكەن جىلدارداعىداي 5 كۇن ەمەس، 7 كۇن بويى وتەدى.

بۇعان دەيىن ءبىلىم جانە عىلىم ءمينيسترى جانسەيىت تۇيمەباەۆ حابارلاعانداي، بيىل 132 مىڭ 461 تۇلەك مەكتەپ بىتىرەدى، ونىڭ 108, 6 مىڭى (82%) ۇبت تاپسىرۋعا نيەت ءبىلدىرىپ وتىر.

ەمتيحاندى وتكىزۋ ەرەجەلەرىنە سايكەس، تالاپكەر قورىتىندى جاريا ەتىلگەن سوڭ كەلەسى كۇنى 13:00-گە دەيىن تەست تاپسىرماسىنىڭ مازمۇنى جانە تەحنيكالىق سەبەپ بويىنشا بەلگىلەنگەن قالىپتا اپپەلياتسيالىق ارىز بەرە الادى.