وتكەن تامىز ايىندا قۇدامدى الماتىعا شىعارىپ سالعانبىز.
تۋىسىنىڭ ءانشى ۇلى اتاقتى ءانشى قىزعا ۇيلەنگەلى جاتىر ەكەن.
بارىپ كەلدى...

ۇزاتىلىپ جاتقان بولاشاق كەلىن بالا ءوزى عانا ءانشى ەمەس، ۇلكەن پروديۋسەرلەر اۋلەتىنەن ەكەن. ءتىپتى باس پروديۋسەر قىزدىڭ دا وزىنە اكەسى پروديۋسەر كورىنەدى...

مەيلى عوي...

قۇدامدى تاڭعالدىرعان ول ەمەس ەكەن.

تويعا ىلعي ىعاي مەن سىعاي انشىلەر جينالعانى دا تۇسىنىكتى...

- ەڭ سوراقىسى، كەزەكتى ءانشى ءانىن باستاي بەرگەندە باس پروديۋسەردىڭ پروديۋسەر اكەسى قولىنداعى تىزىمگە قاراپ جاڭا قۇدالاردىڭ ءبىرىنىڭ اتىن اتاپ ميكروفونمەن، "مىناۋ ءان سىزگە ارنالادى!" - دەپ حابارلايدى ەكەن. اتى اتالعان جاڭا قۇدا امال جوق، قالتاسىنان اقشا الىپ الگى ءانشىنىڭ الدىنا تاستايدى. "داريعا-داۋرەن" ءانىن تانىتقان ءانشىنىڭ ءوزى سول ءاندى ارناپ تۇرسا، امال جوق، مولىراق بەرۋ كەرەك. 20 مىڭ تاستادىم...

ەلدىڭ نازارى ءان مەن انشىدەن گورى، جاڭا قۇدالاردىڭ قالتاسىنان شىققان قولىنا كوبىرەك اۋعان....

قۇدالاردىڭ سانىنا بايلانىستى 10 شاقتى ءان كەتتى...

ەكىنشى كرۋگ كەتتى.

قازىعۇرتتىق "مىليسا" جيەن 2 ءان ءۇشىن 60 مىڭ تەڭگەنى قۇرباندىققا شالدى.

وزىمە ارنالعان "داريعا-داۋرەنگە" 20 مىڭ تاستاعانىمدى جوعارىدا ايتىپ ءوتتىم.

قىرسىققاندا مەنىڭ كەزەگىم كەلگەندە "اققۋ-ارمان" باستالدى. ءانشى سول ناعىزدىڭ ءوزى. جولعا جۇرەردە ۇلكەن ۇل قالتاما 20 مىڭ سالعان. وزىمشە، اۋىلعا قايتىپ كەلگەن سوڭ سابان-پرەسس ساتىپ الامىن دەپ جوسپارلاپ قويعام.
"اققۋ-ارمان" مەنىڭ سول جوسپارىمدى "ۇشىرىپ" جىبەردى. بەرەتىنىن بەرىپ بولىپ ميكروفوندى سۇراپ الىپ، "شاقىرىلعان ارتىستەردىڭ اقشاسىن قوناقتاردان شىعارىپ الاتىن مۇنداي "كەرەمەت" داستۇرلەرىڭىز بار ەكەنىن ەرتەرەك ءبىز اۋىلدان شىقپاي ەسكەرتۋلەرىڭىز كەرەك ەدى. ءبىز ءبىر-ءبىر سيىردى ساتىپ، ء"ان-شاشۋلارىڭىزعا" دايىندالىپ كەلەر ەدىك، - دەدىم. ..

***
ال سىزدەر سايلاۋبەكتى سوگەسىزدەر...

ءومىر شىنىبەكۇلى

Facebook-تەگى پاراقشاسىنان