قاي دۇكەنگە بارماسام دا، نە زات الماسام دا ونىڭ قاي ەلدەن شىققانىن سۇرايمىن. ادەت بوپ كەتكەن. بايقاعانىم، وسى كۇندە تۇتىنۋشى زاتتاردىڭ ءبىراز بولىگى بەلورۋسسيادان كەلەدى ەكەن.

اسىرەسە قۇرىلىس سالاسىندا بەلورۋسسيا زاتتارى تۇركيا مەن قىتايدى ىعىستىرا باستاعان. ارينە، وعان بەلگىلى ءبىر دەڭگەيدە ەو-تىڭ ىقپالى كۇشتى. دەسە دە بەلورۋستاردىڭ ەڭبەكقورلىعى مەن ساپالى زات وندىرۋشىلىگى كۇن ساناپ ارتىپ كەلە جاتىر-اۋ. قىتايدىڭ ءوزى ەت ساۋداسىندا ىرگەلەس قازاق، ورىس، قىرعىزدى ارتقا تاستاپ، بەلورۋستارمەن وراسان اقشاعا شارت بايلاستى. ءىت سالاسىندا دا بەلورۋستار الەمدە ەشكىمنەن كەم ەمەس، ءبىزدىڭ ميللياردتارعا باعالاعان كونتراكتىلەرىمىز سولاردىكى. بۇل فەنومەننىڭ ءتۇبى نەدە؟!

مەنىڭشە - گەندە. بەلورۋستار حح عاسىردىڭ باسىنا دەيىن وزدەرىن ليتۆين دەپ كەلگەن، مادەني جانە عىلىمي جەتىستىكتەرى رەسەي يمپەرياسىندا ەشكىمنەن كەم ەمەس بولاتىن. بۇلار تازا ەۋروپالىق ۇلت، يمپەريالىق ۇلت (ۆەليكوە كنياجەستۆو ليتوۆسكوە), كەشەگىسى ۇلى xالىق. بۇگىنگى بەلورۋستىڭ رەسەيدىڭ قۇرامىنا تولىق كىرگەن ۋاقىتى 1801 جىل ەكەن جانە بۇل جايتتاردى ەۋروپالىقتار جاقسى بىلەدى. ءتىپتى ەۋرووداققا بەلورۋستار مەنىڭشە، ۋكراينداردان بۇرىن كىرەدى. ءسوزسىز بۇل ەلدە كەمشىلىك جوق دەي المايمىز. ماسەلەن تىلدەن كەتىپ قالعان، ۇلتتىق مەكتەپتەرى جوق، رەسەيدىڭ ىقپالى كۇشتى، لۋكاشەنكو ەسەرسوقتاۋ.

دەسە دە جالپى پوتەنتسيالدارى جوعارى. سول سەبەپتى بەلورۋسقا مۇرىن شۇيىرە قارايتىن جايىمىز جوق...

داۋرەن بابامۇرات

Facebook-تەگى پاراقشاسىنان