مەرۋەرت ابدىرايىمقىزى - رەسپۋبليكالىق  جانۇيالىق "يگىلىك" جۋرنالىنىڭ باس رەداكتورى:

- وسىدان 5 جىل بۇرىن، ياعني 2005 جىلدىڭ 20 جەلتوقسانىندا العاش رەت 24 بەتتىك قارا ءتۇستى "يگىلىك" جۋرنالىن قولىمىزعا العاندا بالاشا قالاي قۋانساق ءدال سونداي كۇيدە جابىرقاپ، قورىقتىق تا. ويتكەنى ءبىز ەندى جەكە باسىمىزدىڭ عانا ەمەس، ەلىمىزدىڭ يگىلىكتى ءىسىن ناسيحاتتاۋعا جولداما العان قازاق ءباسپاسوزىنىڭ ءبىرى رەتىندە ۇلكەن كوشكە ىلەسكەن ەدىك.  ءبىر قاراعاندا 5 جىل از عانا ۋاقىت سەكىلدى. ال ءبىز ءۇشىن بۇل ۇلكەن دە اۋىر جول بولدى. ءوز بەتىنشە قاراجات تاۋىپ، ءوز بەتىنشە باسىلىمدى اياعىنان تىك تۇرعىزۋ ءاربىر باسپاگەردىڭ ماڭداي تەرى، ۇيقىسىز وتكەن تۇندەرى، جەتىسپەۋشىلىكپەن الىسا ءجۇرىپ، بىردە مۇڭايىپ، ەندى بىردە قۋانىشقا بولەنەتىن كۇندەرى...

ءيا، قانداي تىرشىلىك جاساساڭ دا پەندە بولعان سوڭ قىزمەتىڭنىڭ جەمىسىن، جەڭىسىن كورىپ، رۋحاني ءلاززات العىڭ كەلەدى. بۇل تالاسسىز تىلەك. ال ءبىزدىڭ تىلەگىمىز - ەلىمىزدىڭ يگىلىگىنە اينالۋ ەدى، سول تىلەگىمىزگە جەتىپ قالعاندايمىز. وسى جىلدار ىشىندە قازاق ءباسپاسوزىنىڭ قاتارىنان قالماي، تىزەرلەسە قىزمەت جاساپ كەلەمىز. شامامىز جەتكەشە رەسپۋبليكالىق جانە الماتى قالاسىنىڭ ىشىندە ۇيىمداستىرىلىپ تۇراتىن ءتۇرلى قايىرىمدىلىق شارالارعا دا ۇلەسىمىزدى قوسۋدامىز. جانە وتانىمىزدى سۇيەتىن جاستارىمىزدىڭ رۋحىن شىڭداۋ ءۇشىن   قازاق وتباسىنىڭ ءمانىن، ماعىناسىن شىڭىنا جەتكىزە ناسيحاتتاۋ ءۇشىن بار بىلىمىمىزبەن بىلىكتىلىگىمىزدى ورتاعا سالۋدان ءبىز دە كەرەمەت ءلاززات الۋدامىز.

مەرۋەرت ابدىرايىمقىزى - رەسپۋبليكالىق  جانۇيالىق "يگىلىك" جۋرنالىنىڭ باس رەداكتورى:

- وسىدان 5 جىل بۇرىن، ياعني 2005 جىلدىڭ 20 جەلتوقسانىندا العاش رەت 24 بەتتىك قارا ءتۇستى "يگىلىك" جۋرنالىن قولىمىزعا العاندا بالاشا قالاي قۋانساق ءدال سونداي كۇيدە جابىرقاپ، قورىقتىق تا. ويتكەنى ءبىز ەندى جەكە باسىمىزدىڭ عانا ەمەس، ەلىمىزدىڭ يگىلىكتى ءىسىن ناسيحاتتاۋعا جولداما العان قازاق ءباسپاسوزىنىڭ ءبىرى رەتىندە ۇلكەن كوشكە ىلەسكەن ەدىك.  ءبىر قاراعاندا 5 جىل از عانا ۋاقىت سەكىلدى. ال ءبىز ءۇشىن بۇل ۇلكەن دە اۋىر جول بولدى. ءوز بەتىنشە قاراجات تاۋىپ، ءوز بەتىنشە باسىلىمدى اياعىنان تىك تۇرعىزۋ ءاربىر باسپاگەردىڭ ماڭداي تەرى، ۇيقىسىز وتكەن تۇندەرى، جەتىسپەۋشىلىكپەن الىسا ءجۇرىپ، بىردە مۇڭايىپ، ەندى بىردە قۋانىشقا بولەنەتىن كۇندەرى...

ءيا، قانداي تىرشىلىك جاساساڭ دا پەندە بولعان سوڭ قىزمەتىڭنىڭ جەمىسىن، جەڭىسىن كورىپ، رۋحاني ءلاززات العىڭ كەلەدى. بۇل تالاسسىز تىلەك. ال ءبىزدىڭ تىلەگىمىز - ەلىمىزدىڭ يگىلىگىنە اينالۋ ەدى، سول تىلەگىمىزگە جەتىپ قالعاندايمىز. وسى جىلدار ىشىندە قازاق ءباسپاسوزىنىڭ قاتارىنان قالماي، تىزەرلەسە قىزمەت جاساپ كەلەمىز. شامامىز جەتكەشە رەسپۋبليكالىق جانە الماتى قالاسىنىڭ ىشىندە ۇيىمداستىرىلىپ تۇراتىن ءتۇرلى قايىرىمدىلىق شارالارعا دا ۇلەسىمىزدى قوسۋدامىز. جانە وتانىمىزدى سۇيەتىن جاستارىمىزدىڭ رۋحىن شىڭداۋ ءۇشىن   قازاق وتباسىنىڭ ءمانىن، ماعىناسىن شىڭىنا جەتكىزە ناسيحاتتاۋ ءۇشىن بار بىلىمىمىزبەن بىلىكتىلىگىمىزدى ورتاعا سالۋدان ءبىز دە كەرەمەت ءلاززات الۋدامىز.

قازىر  "يگىلىك" جۋرنالى قر ءبىلىم جانە عىلىم مينيسترلىگىمەن، الماتى قالاسى اكىمدىگىمەن، الماتى قالاسى ءبىلىم دەپارتامەنتى، الماتى قالاسى، الماتى وبلىسى، وڭتۇستىك قازاقستان وبلىسىنداعى بالالاردىڭ قۇقىقتارىن قورعاۋ دەپارتامەنتتەرى، قازاقستانداعى داعدارىستىق ورتالىقتار وداعى زاڭدى تۇلعالار بىرلەستىگىمەن جانە ءتۇرلى ۇكىمەتتىك جانە ۇكىمەتتىك ەمەس مەكەمەلەرمەن،  سونداي-اق، رەسپۋبليكامىزداعى ءبىلىم شاڭىراقتارىمەن تۇراقتى ارىپتەستىكتە جۇمىس جاساۋدا. ال ەڭ باستىسى وسى 5 جىلدىڭ ىشىندە "يگىلىك" جۋرنالىنىڭ تۇراقتى  وقىرماندارى قالىپتاستى.

حالقىمىزدىڭ يگىلىگى ءۇشىن اتقارىپ جاتقان ەڭبەگىمىزدى باعالاپ، سارالاپ وتىرعان وقىرماندارىمىزعا جانە جاقسىنىڭ باعاسىن بىلەر كوزى قاراقتى ءارى رۋحى مىقتى حالقىمىزعا شەكسىز العىسىمىزدى بىلدىرەمىز!

ءاسانالى ءاشىموۆ،  كسرو حالىق ءارتىسى:

- "يگىلىكتىڭ" ءىسى ءاردايىم يگىلىكتى بولسىن. جۋرنال قازىر جاقسى قارقىندا كەلە جاتىر. دەگەنمەن قوزعالىس بولۋى كەرەك. جايماشۋاق بولعانى جاقسى، ارينە. بىراق تا ۋاقىت وتكەن سايىن جاڭالىق قوسىپ، وقىرماندارىن كوبەيتەتىن الىمدى دۇنيەلەر جازىلا بەرسىن. بىزدە باسىلىمنىڭ ءتۇر-ءتۇرى شىعىپ جاتىر. ولاردىڭ كوپتىگى جاقسى، دەگەنمەن ساپا جاعىن دا ويلاۋ كەرەك. ەل-جۇرت شەت ەلدىڭ باسىلىمدارىن ىزدەپ وقيدى، وسىنىڭ سەبەبىن ۇققان قازاق باسىلىمدارى شىندىقتى شىرىلداتىپ جازۋدى ۇيرەنۋلەرى كەرەك. ءباسپاسوز دەگەن ەلدىڭ كوزى، قۇلاعى، ءۇنى، سوندىقتان دا باسپانى جەكە بايلىق دەپ قاراماي، ەلدىڭ بايلىعى، رۋحاني ازىعى دەپ ساناۋلارى كەرەك. سوندا عانا قوزعالىس بولادى. ەل جاپپاي قازاق گازەت-جۋرنالدارىن ىزدەپ وقيتىن بولسا، مىنە جەتىستىك دەگەن وسى بولادى!

"يگىلىك" جۋرنالىنا دەگەن تىلەگىمىز دۇرىس، ۇناتىپ وقيمىز. "يگىلىك" جۋرنالىنىڭ 5 جىلدىعى 10 جىلعا، 20 جىلعا، 100 جىلعا ۇلاسسىن!

ءادىباي تابىلدى, اقىن، جازۋشى:

- "يگىلىك" جۋرنالىنىڭ يگىلىكتى جۇمىستارى  وتە كوپ: جۋرنال ۇلتتىق تاربيە جۇيەسىن نەگىزدەدى. "ادەپ الىپپەسى",  "ۇلتتىق بولمىس",  "ادام جانە قوعام", "وتباسى ماسەلەسى", "يمان الەمى", "اق تىلەكتى انالار الەمى" ت.ب.س.س. ايدارلارىنىڭ كوكەيگە قونىمدى اسەرلى، ويعا ورالىمدى دۇنيەلەرى  قازاق ۇلتىنىڭ حالىقتىق پەداگوگيكاسىنىڭ اسىلدارىن تەرىپ وقىرماندى ويلاندىرادى، تاربيەلەيدى.

ايشىقتى ايدارلارىمەن بەرىلگەن مازمۇنى ءماندى شىعارمالاردى وقۋ ورىندارىندا تاربيە جۇيەسىنە جان-جاقتى پايدالانۋعا ابدەن بولادى.

وقۋ-اعارتۋ جۇيەسىندەگى وزەكتى ماسەلەلەردى ءسوز ەتىپ، ءتۇرلى پىكىر قوزعايدى. جالپى جۋرنالدى وقۋشىلاردىڭ باسى - بيلىكتە بولۋى قاجەت. ول قاجەتتىلىكتەر وتەلسە، وقۋ-اعارتۋ ىسىنە جۋرنالدىڭ قوسار ۇلەسى مول.

جۋرنالدىڭ كوركەمدىگى، بەزەندىرىلۋى، ءتىلى وقىرمانداردىڭ ويىنان شىعىپ، باسىلىمنىڭ باعاسىن ارتتىرىپ تۇر. وسىنداي يگىلىكتى تىرلىكتى شىڭىنا جەتكىزە ورىنداپ، كوپشىلىككە تولاسسىز  رۋحاني سىيلىق ۇسىنىپ  وتىرعان  "يگىلىك" جۋرنالىنىڭ باسشىسى، ءبىزدىڭ سۇيىكتى قىزىمىز - مەرۋەرت ابدىرايىمقىزى باسقارىپ وتىرعان رەداكتسيا  ۇجىمىنا اتالىق اق باتامدى بەرەمىن. ىستەرىڭ ءساتتى بولسىن، بالالارىم!

ەسكەندىر حاسانعاليەۆ، قر حالىق ءارتىسى:

- ءبىز وتباسىمىزبەن 5 جىلدان بەرى "يگىلىك" جۋرنالىنىڭ تۇراقتى وقىرمانىمىز. ۇيىمىزگە اي سايىن كەلىپ  تۇراتىن باسىلىمدى  ءسۇيىپ وقيمىز جانە ءاربىر سانىن جيناپ قويامىز. ۇيمىزگە كەلگەن قوناقتار دا ۇناتىپ قولدارىنا قىستىرا كەتەدى. ويتكەنى جۋرنالدىڭ ءىشى ءماندى-ماعىنالى، ساپاسى دا وزگەشە. جۋرنالداعى ءاربىر ماقالانى جالىقپاي وقىپ شىعاسىڭ. اسىرەسە، جەكە تۇلعالار تۋرالى وچەركتەرى وتە جاقسى جازىلادى. وسى جۋرنالدى وقىپ وتىرىپ ءارتۇرى تانىمال ادامداردىڭ وزگەشە ءبىر قاسيەتتەرىن بايقاپ، تانىپ  جاتامىز. مۇنىڭ ءوزى تىلشىلەردىڭ تاجىريبەسىن، رەداكتوردىڭ ىسكەرلىگى مەن بىلىكتىلىگىن  بىردەن بايقاتادى. 5 جىل دەگەن ءبىر باسىلىم ءۇشىن ۇلكەن جول، كىشكەنتاي مەرەي توي بولعانىمەن اتقارعان ەڭبەكتەرى ۇلكەن. ىلعي دا قادامى جاقسى بولسىن جانە جىلدان-جىلعا جەتىستىكتەرگە جەتە بەرسىن. بارلىق جاقسىلىق پەن ساتتىلىكتەردى تىلەيمىز. وقىرماندار مەن رەداكتسيا اراسىندا رۋحاني ماحاببات ورناسىن. "يگىلىك" جۋرنالىن وقيتىن ءاربىر  شاڭىراقتا ماحاببات پەن تاتۋلىقتىڭ تۇراقتارى داۋسىز. ءدايىم سولاي بولعاي!

سۇلۋشاش تولەۋحانقىزى،  الماتى قالاسى  بالالاردىڭ قۇقىقتارىن قورعاۋ دەپارتامەنتىنىڭ ديرەكتورى:

-  "يگىلىك" جۋرنالىنىڭ ۇجىمىن 5 جىلدىق مەرەيتويىمەن  شىن جۇرەكتەن قۇتتىقتايمىن!

اسقاق ادامگەرشىلىك پەن ىزگى نيەتكە، عىلىم مەن بىلىمگە، مادەنيەت پەن ونەرگە جەتەلەيتىن "يگىلىك" جۋرنالى رەسپۋبليكامىزدىڭ  وقىرماندارىنا قالتقىسىز قىزمەت ەتىپ، ءتالىم-تاربيەسى مول ىستەردىڭ باسى-قاسىندا بولىپ، ۇلتتىق بولمىسىمىزدىڭ قاينار كوزى، پاراساتتىلىق پەن تەكتىلىكتىڭ باستاۋى -  وتباسىنان باستالاتىندىعىن جاڭعىرتا ناسيحاتتاپ، ەل ءۇشىن قىزمەت ەتەتىن ازاماتتاردىڭ يگىلىككە تولى ىستەرى مەن يگى جەتىستىكتەرىنەن ۇزاق جىلدار بويى  حاباردار ەتە بەرەتىنىنە سەنىمىمىز مول.

قول جەتكەن جەتىستىكتەر، استە، مەجەلى بەلەس بولماسا كەرەك. الداعى  ۋاقىتتاردا دا تالاي-تالاي ماقساتتارىڭىز ورىندالىپ، تالاپ بيىكتەرىنەن كورىنە بەرۋلەرىڭىزگە تىلەكتەسپىن

بيبىگۇل داۋلەتبەكقىزى، تەلە-جۇرگىزۋشى، پروديۋسەر:

- جالپى "يگىلىك" جۋرنالىن سوناۋ 2005 جىلدان بەرى جاقسى بىلەمىن. باسىلىمنىڭ قانداي بەلەستەردەن ءوتىپ كەلە جاتقاندىعى دا وقىرمان رەتىندە كوز الدىمىزدا كەلەدى. نەگىزىندە جەكەمەنشىك باسىلىمدار كوپتەپ اشىلىپ جاتقاندارىمەن ولاردىڭ نارىق كوشىنە ىلەسە الماي جابىلىپ جاتقاندارى دا جەتەرلىك. وسىنداي كەزدە ەلىمىزدەگى قازاق ءباسپاسوزىنىڭ جاعدايى جۇرەگىڭە قاياۋ سالادى. دەگەنمەن نارىقتىڭ زاڭدىلىعىن باعىندىرىپ، تالاپشىل زاماننان سۇرىنبەي، جىل سايىن جاڭاشا قىرىمەن تىنىلىپ، ءوز وقىرمانىن جيناپ، حالىقتىڭ كوڭىلىنەن شىعىپ جاتقان قازاق باسپاسوزىنە رازى بولامىن.

"يگىلىك" جۋرنالىنىڭ قۇرىلتايشىسى ءارى باس رەداكتورى - مەرۋەرت ابدىرايىمقىزىن قالامى قارىمدى ءارى وتە ىسكەر دە بىلىكتى باسشى رەتىندە قاتتى قۇرمەتتەيمىن. "ايالى الاقان" باعدارلاماسىنىڭ قايىرىمدىلىق شارالارىنا بىرنەشە رەت كومەك قولىن ۇسىنعان "يگىلىك" جۋرنالىنىڭ ۇجىمىنا دا ايتار العىسىم شەكسىز.

ەلدىڭ العىسىنا لايىقتى "يگىلىك" جۋرنالىنىڭ ءالى دە جاڭارىپ، جاندانا تۇسەتىندىگىنە دە تولىقتاي سەنىمدىمىن ءارى قازاق ءباسپاسوزىنىڭ تاريحىنا قوسار ۇلەسىنىڭ سالماقتى بولۋىنا تىلەكتەسپىن.

بايساقوۆا زۋلفيا،  قازاقستانداعى داعدارىستىق ورتالىقتار وداعىنىڭ زاڭدى تۇلعالار بىرلەستىگىنىڭ ءتورايىمى:

- قادىرلى  مەرۋەرت ابدىرايىمقىزى جانە رەداكتسيا ۇجىمى!

سىزدەردىڭ ۇيىمداستىرۋلارىڭىزبەن جارىققا شىعىپ كەلە جاتقان "يگىلىك" جۋرنالىنىڭ شىعارماشىلىق جەتىستىگىنە ءبارىمىز دە كۋا بولىپ كەلەمىز. "يگىلىك" جۋرنالىنىڭ ءاربىر جەتىستىگىن ەلىمىزدەگى جۋرناليستيكا سالاسىنا قوسىلعان جەتىستىك دەۋگە ابدەن بولادى. 5 جىلدىڭ ىشىندە رەداكتسيا ۇجىمىنىڭ كوپتەگەن يگىلىكتى شارالارى ەلدىڭ نازارىندا بولدى. حالىقتىڭ يگىلىگى ءۇشىن تىنباي ىزدەنىپ، شىعارماشىلىقتارىن شىڭداپ كەلە جاتقان ۇجىمعا تابىس تىلەيمىن.

«اباي-اقپارات»