قازاقستان ءسىم-ءى: ەكى ەلدىڭ دوستىعىنا نۇقسان كەلمەسىنە سەنىمدى
قازاقستان سىرتقى ىستەر مينيسترلىگى قىرعىزستان پرەزيدەنتى المازبەك اتامباەۆتىڭ 7 قازاندا قازاق بيلىگىن سىناپ ايتقان سوزىنە نارازىلىق بىلدىرەتىنى تۋرالى مالىمدەمە تاراتتى دەپ حابارلايدىwww.centralasian.org سايتى .
"قازاقستان رەسپۋبليكاسىنىڭ سىرتقى ىستەر مينيسترلىگى قىرعىز باق-تارىندا تاراتىلعان 2017 جىلعى 7 قازانداعى قىرعىز رەسپۋبليكاسىنىڭ پرەزيدەنتى المازبەك اتامباەۆتىڭ قازاقستان رەسپۋبليكاسىنىڭ باسشىلىعىنا قاتىستى سوزدەرىنە بايلانىستى قاتاڭ نارازىلىق بىلدىرەدى جانە مۇنداي سوزدەرگە ەكى دوستاس مەملەكەتتەر اراسىنداعى قاتىناستاردا جول بەرىلمەۋى ءتيىس دەپ سانايدى", - دەلىنگەن مالىمدەمەدە.
استانا اتامباەۆتىڭ ءسوزىن قىرعىزستانداعى پرەزيدەنت سايلاۋى ناۋقانىمەن بايلانىستىرعان.
"قىرعىزستان پرەزيدەنتىنىڭ سايلاۋ الدى ماقساتىنداعى جاۋاپسىز، ارانداتۋشىلىق ءماندى جانە جالعان پىكىرى ەلدەرىمىزدىڭ اراسىنداعى دوستىق پەن ءوزارا كومەكتىڭ كوپعاسىرلىق بايلانىستارىنا نۇقسان كەلتىرە المايتىنىنا سەنىم بىلدىرەمىز", - دەيدى قازاقستان ءسىم.
بۇگىن بىشكەك تۇبىندەگى الا-ارچا مەملەكەتتىك رەزيدەنتسياسىندا قىرعىزستاننىڭ دامۋىنا قوسقان ۇلەسى ءۇشىن ماراپاتتالعان ەل ازاماتتارىنا مەملەكەتتىك ناگرادالار تاپسىرۋ راسىمىندە سويلەگەن سوزىندە قىرعىزستان پرەزيدەنتى المازبەك اتامباەۆ قازاقستان بيلىگىن "قىرعىز سايلاۋىنا كيلىگىپ وتىر" دەپ سىناعان. ال، قازاقستان تاراپى قىرىعىزستاندا وتەتىن پرەزيدەنت سايلاۋىنا ىقپال ەتۋ نيەتىنەن اۋلاق ەكەندىگىن مالىمدەپ وتىر.
اباي-اقپارات
