الماتى. 4 جەلتوقسان. قازتاگ – قر قورعانىس مينيسترلىگىنىڭ قورعانىس ۆەدومستۆوسى باستىعىنىڭ سوتتالعان ەكس-ورىنباسارى قاجىمۇرات ماەرمانوۆقا، يزرايلدىك بيزنەسمەن بوريس شەيكمانعا، قر قك ارتيللەريا جانە زىمىران اسكەرلەرىنىڭ ەكس-قولباسشىسى م.ا.ەدىل جارتىنوۆقا جانە 17 اسكەري قىزمەتكەرگە تاعىپ وتىرعان شاعىم-ارىزى بويىنشا سوت وتىرىسىنىڭ ءبىرىنشى تىڭداۋلارى 9-شى جەلتوقسانعا تاعايىندالعان. شاعىمنىڭ ءمانىسى ت14 ملرد سوماداعى كەلتىرىلگەن شىعىندى ءوندىرىپ الۋ. بۇل تۋرالى «ۆرەميا» گازەتىنە اقمولا گارنيزونىنىڭ اسكەري سوت توراعاسى ماعاۋيا ەلەمەسوۆ ءمالىم ەتتى.

گازەت، قازاقستانعا يزرايلدىك ءىمى جانە  Soltam Systems فيرمالارىمەن دۇركىندەتىپ اتاتىن  «نايزا» رەاكتيۆتىك جۇيەسىن جەتكىزۋ جانە ارتيللەريالىق «سەمسەر» مەن «ايبات» جۇيەسىن جەتىلدىرۋ تۋرالى داۋلى ءىس بويىنشا ءۇش فيگۋرانتتى سوت ۇزاق مەرزىمدەرگە سوتتاعان سوڭ، قورعانىس ۆەدومستۆوسى ازاماتتىق شاعىم بەرگەنىن ەسكە سالادى.

تەلەفون ارقىلى بولعان سۇحباتىندا م. ەلەمەسوۆ وسى سوت ءىسىنىڭ كەيبىر تۇستارىن ايتىپ بەردى.

«ءسىز شاعىم سوماسىن ءدال ايتتىڭىز، ول 14 ملرد-تان ءسال ارتىق، - دەپ ءتۇسىندىردى م. ەلەمەسوۆ. – شاعىم بىزگە 6-شى قىركۇيەكتە كەلىپ ءتۇستى، ءبىز ونى قاراۋعا كىرىستىك. ول ءىس بويىنشا جاۋاپ بەرۋشى ۇشەۋى (ماەرمانوۆ، شەينكمان جانە جارتىنوۆ) شىعىس قازاقستان وبلىسىندا تۇرمەدە وتىرعاندىقتان جانە سوتقا قاتىسا المايتىندىقتان ءبىز جەكەلەگەن تاپسىرمالاردى سوندا جىبەردىك. ءبىز ولاردىڭ قۇقىقتارىنا نۇقسان كەلتىرمەۋ ءۇشىن، بىرىنشىدەن، ولاردى شاعىم مانىسىمەن تانىستىردىق، ەكىنشىدەن، ولاردىڭ وكىلدەرىنە سەنىمحات بەرۋلەرىنە ۋاقىت بەردىك»

سوت توراعاسىنىڭ ايتۋىنشا، قورعانىس مينيسترلىگىنىڭ شاعىم بويىنشا بارلىعى 20 ادام جاۋاپ بەرەدى.

«سوتتالعان ۇشەۋدەن باسقا 17 ادام (ولاردىڭ بارلىعى دا قازاقستاننىڭ ءار ءتۇرلى اسكەري بولىمشەلەرىنىڭ قىزمەتكەرلەرى) وسى قىلمىستىق ءىس بويىنشا وتەدى، بىراق ولارعا قاتىستى قىلمىستىق قۋدالاۋ اقتالۋعا جاتپايتىن سەبەپتەرمەن توقتاتىلعان»، - دەدى سۋديا.

م. ەلەمەسوۆتىڭ ايتۋىنشا، «ول دەگەنىڭىز، قىلمىستىق قۋدالاۋ ورگاندارى ولاردىڭ ارەكەتىندە قانداي دا قىلمىستىق قۇرامنىڭ بارلىعىن مويىنداعان، بىراق ولاردا سول ادامداردىڭ كەلىسىمىمەن جانە زاڭدا قاراستىرىلعان نەگىزبەن (قۋدالاۋدى) توقتاتۋعا زاڭدى نەگىزى بولعان». «ءبىز بارلىق جاۋاپ بەرۋشىلەرگە حابار تاراتۋعا كوپ ۋاقىت جوعالتتىق، سوندىقتان ولار دايىن بولعان كەزدە، العاشقى پروتسەسس 30-شى قاراشاعا تاعايىندالعان. بىراق ءبىز جاۋاپ بەرۋشىنىڭ وكىلىنىڭ وتىنىشىنە بايلانىستى ونى 9-شى جەلتوقسانعا شەگەرۋگە ءماجبۇر بولدىق»، - دەپ ءتۇسىندىردى. ول.

سۋديا م. ەلەمەسوۆ سوت پروتسەسسى باسپاسوزگە اشىق بولاتىنىن جەتكىزدى.