قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى 2017 جىلعى 20 قازاندا  وسكەمەن قالاسى، «يزۋمرۋدنىي» شيپاجايىندا  «مەملەكەتتىك  ءتىلدى  ۇيرەتۋ: ءادىس، تاجىريبە، يننوۆاتسيا»  رەسپۋبليكالىق سەمينارىن وتكىزەدى دەپ حابارلايدى اباي-اقپارات.

سەميناردىڭ ماقساتى – مەملەكەتتىك ءتىلدى وقىتۋدىڭ ادىستەمەسىن جەتىلدىرۋ، وزىق تاجىريبەنى  زەردەلەۋ جانە قورىتۋ، وقىتۋدىڭ يننوۆاتسيالىق ادىستەرى مەن تەحنولوگيالارىن تاجىريبەگە ەنگىزۋ. قر پرەزيدەنتى                            ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنداعى لاتىن الىپبيىنە ءوتۋدىڭ ماڭىزدىلىعىن تالقىلاپ، وقۋ-ادىستەمەلىك شارالار مەن جۇمىستاردى باعدارلاۋ.

سەمينارعا قر مادەنيەت جانە سپورت مينيسترلىگى  تىلدەردى دامىتۋ جانە قوعامدىق-ساياسي جۇمىس كوميتەتىنىڭ قىزمەتكەرلەرى، ادىسكەر عالىمدار، ءتىل ماماندارى، استانا، الماتى قالالارى مەن  وبلىس ورتالىقتارىنداعى مەملەكەتتىك ءتىلدى وقىتۋ ورتالىقتارىنىڭ  ماماندارى قاتىسادى.

سەمينار بارىسىندا ادىسكەر-عالىمدار مەملەكەتتىك ءتىلدى وقىتۋدىڭ ءتيىمدى تەحنولوگيالارىمەن جانە ءادىس تاسىلدەرىمەن بولىسەدى. تىلدەردى وقىتۋ ورتالىقتارى مەن رەسپۋبليكاعا بەلگىلى عالىمدار ءتىلدىڭ وزەكتى ماسەلەلەرى جايىندا بايانداما جاساپ، ادىسكەرلەر ۇزدىك ساباق ۇلگىلەرىن كورسەتەدى.

بايلانىس تەلەفوندارى: 8(7172) 40 83 67,  74 08 77

اباي-اقپارات