جۇما, 29 ناۋرىز 2024
ايتقىش ەكەن 7714 24 پىكىر 1 قاراشا, 2017 ساعات 11:21

نيكولاي سۆانيدزە: الەم لاتىنشا جازادى...

قازاقستان پرەزيدەنتى جارلىققا قول قويىپ، قازاق ءالىپبيى لاتىنعا وتەتىن بولدى دەگەن اقپارات رەسەي باسپاسوزىندە دە قىزۋ تالقىلانۋدا.

پرو-كرەملدىك پروپاگاندانىڭ قۇلاق-كەستى قۇلدارى، سارىجاعال ساياساتكەرلەر مەن توسەكتەگى تەورەتيكتەر قازاقتىڭ لاتىنعا كوشۋىنە كۇپتى كوڭىلمەن قارادى. ولاردىڭ ءبىرسىپىراسىن كەشە جازدىق.

قازاق ءتىلىنىڭ لاتىنعا ءوتۋى - رەسەيدەن ىرگەنى اۋلاقتاۋ ءام تۇركىلىك ينتەگراتسيانى جانداندىرۋ دەپ باعالادى. انانى ايتتى، مىنانى ايتتى. سولاردىڭ ىشىنەن كوڭىل اۋدارۋعا تۇرارلىق دەگەن  ارگۋمەنتتەردى جازدىق.

ءجا، ورىستىڭ ساياسي ەليتاسىندا ادەكۆاتتى پىكىرلەر دە بار. مىسالى، رەسەيلىك جۋرناليست، تاريحشى نيكولاي سۆانيدزە قازاق ءتىلىنىڭ لاتىنعا ءوتۋى - ساياسي شەشىم ەمەس، پراگماتيكالىق شەشىم دەپ باعالاپتى.

"ويتكەنى الەم لاتىنشا جازادى.ەگەر قازاق جاستارى كارەرا قالىپتاستىرىپ، كەز كەلگەن ماماندىقتى يگەرگىسى كەلسە، كيريليتسادان گورى  ءسوزسىز لاتىنشا وقۋى ءتيىمدى ولارعا. سول ارقىلى الەممەن جاقىنداسادى.

ەگەر بۇرىن قازاقستان رەسەي يمپەرياسى مەن سابەت وداعىنىڭ قۇرامىندا بولىپ، كيريليتسانى قولدانسا، قازىر قاپزاقستان ءوزىن الەمنىڭ دەربەس مۇشەسى رەتىندە كورەدى. سايكەسىنشە، ولاردىڭ ويىنشا مارگاناليزاتسيالانۋدىڭ نە كەرەگى بار، ەندىگى جەردە. ولاردىڭ ويىنشا - كيريليتسا - مادەني مارگاناليزاتسيا. ارينە، "الەمنىڭ كوپتەگەن ەلدەرى لاتىنشا سويلەپ، جازىپ ءجۇر. بار بولعانى وسى...", - دەپتى "ماسكەۋ جاڭعىرىعى" باعدارلاماسىنا كەلىپ، ايتقان پىكىرىندە.

ايتا كەتەيىك، وسىعان دەيىن قازاقستاندا ەلشى بولىپ جۇرگەن كرەملدىڭ وكىلى ميحايل بوچكارنيكوۆ لاتىنعا كوشۋ پروتسەسسىنە وڭ قاباق تانىتقان دۇرىس دەپ مالىمدەمە جاساعان.

"قازاقستان - ورىس ءتىلى كونستيتۋتسيالىق ستاتۋسى بار ەلدەردىڭ قاتارىندا. رەسەي قازاقستاننىڭ بۇل شەشىمىنە دۇرىس قارايدى. ونىڭ ۇستىنە پرەزيدەنت نازارباەۆتان باستاپ، بارلىق جوعارعى لاۋازىمدى بيلىك وكىلدەرى ورىس تىلىنە قاتىسى جوق ەكەنىن جانە ورىس ءتىلىنىڭ ستاتۋسى ساقتالاتىنىن ايتتى. سوندىقتان، داۋرىعاتىن سەبەپ جوق", - دەگەن ەدى ەلشى.

Abai.kz

24 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555