ۇلەسكەرلەر تۋرالى دەرەكتى فيلم ءتۇسىرىلدى
قازاقستاندىق رەجيسسەر قانات بەيسەكەەۆ (سۋرەتتە) استاناداعى بىرەگەي ۆەنالىق ىقشام اۋدانىنىڭ حيكاياسىنا قىزىعۋشىلىق تانىتىپ، قاراشا ايىندا «ءبىزدىڭ ۋاقىتتىڭ ۇلىلارى»، ياعني ۇلەسكەرلەردىڭ وزدەرىنە ءۇي سالۋلارى تۋرالى دەرەكتى ءفيلمىن ۇسىنباق.
قانات بەيسەكەەۆ كوپشىلىك قاۋىمعا ەڭ الدىمەن فوتوگراف، رەجيسسەر، ستسەناريست جانە قىسقامەتراجدى دەرەكتى فيلمدەردىڭ پروديۋسەرى رەتىندە تانىمال، ونىڭ ىشىندە "Kazakh Cop", "بالا", "Bibissara", "بيلەۋدى قالايمىن" جانە تىسقارى جەردە تۇراتىن قازاقستاندىقتار تۋرالى "ارالىق" ءفيلمى.
«كورشىلەر» - بۇل الەمدە كۇندەلىكتى كەزدەسە بەرمەيتىن بىرەگەي جاعداي. الدانعان ۇلەسكەرلەردىڭ وزدەرىنە ءۇي سالۋلارى تۋرالى حيكايا. ونشاقتى كەيىپكەرلەر، ونشاقتى ءتۇسىرىلىم الاڭى – «كورشىلەر» تۋىندىسى مەن ءۇشىن تەحنيكالىق جانە سيۋجەتتىك جاعىنان ەڭ قيىن جۇمىستاردىڭ ءبىرى بولدى دەپ، اۆتور ءوزىنىڭ Instagram جەلىسىندە بولىسكەن ەكەن.
دەرەكتى ءفيلمنىڭ جابىق تۇساۋ كەسەرى استانادا قاراشا ايىنىڭ ورتاسىندا وتەتىن بولادى.
انىقتاما ءۇشىن
ءفيلمىنىڭ كەيىپكەرلەرى – "ازبۋكا جيليا" كومپانياسىنىڭ كەسىرىنەن الاياققا ۇرىنعان ۇلەسكەرلەر ءوز ۇيلەرىن سالۋ ءۇشىن بىرىككەن تۇرعىن ءۇي-قۇرىلىس كووپەراتيۆى. بۇگىنگى تاڭدا وسى ۇلەسكەرلەردىڭ ارقاسىندا –"ۆەنالىق ىقشام اۋدانى" ءبىرىنشى كەزەگىن پايدالانۋعا جاردەمدەسكەن. ونىڭ ۇستىنە «ۆەنالىق ىقشام اۋدان» تۇرعىن الابى ASIA PACIFIC PROPERTY AWARDS 2017 حالىقارالىق سىيلىعىنىڭ «قازاقستاننىڭ ەڭ ۇزدىك تۇرعىن ءۇي كەشەنى» جانە «ۇزدىك ماركەتينگ» نومياتسيالارىندا جەڭىمپاز اتانعان.
اباي-اقپارات
