استانا. 14 جەلتوقسان. قازتاگ – قازاقستان رەسپۋبليكاسىندا ءبىلىم بەرۋدىڭ 2011-2020-شى جىلدارعا ارنالعان مەملەكەتتىك باعدارلاماسى پرەزيدەنت جارلىعىمەن بەكىتىلدى. قۇجات سەيسەنبى كۇنى رەسمي باسىلىمداردا جاريالاندى.

مەملەكەت باسشىسى قر ۇكىمەتىنە ءبىر اي ىشىندە قر پرەزيدەنتىنىڭ اكىمشىلىگىمەن ۇيلەستىرە وتىرىپ،  باعدارلامانى ىسكە اسىرۋ جوسپارىن ازىرلەپ جانە بەتكىتۋدى، ال جارتىجىلدىق قورىتىندىسى بويىنشا ونىڭ ورىندالۋى جونىندە 15-ءشى قىركۇيەك پەن 15-ءشى ناۋرىزعا اقپارات بەرىپ تۇرۋدى تاپسىردى.

ورتالىق جانە جەرگىلىكتى اتقارۋشى ورگاندارعا باعدارلامانى ىسكە اسىرۋ شارالارىن قابىلداۋ تاپسىرىلدى.

جارلىقتىڭ ورىندالۋىن باقىلاۋ قر پرەزيدەنتىنىڭ اكىمشىلىگىنە جۇكتەلدى.

جارلىق 2011-ءشى جىلدىڭ 1-ءشى قاڭتارىنان باستاپ كۇشىنە ەنەدى.