سەنبى, 2 شىلدە 2022
كوكجيەك 6312 9 پىكىر 25 قاراشا, 2017 ساعات 18:19

قىرعىز تەلەارناسى يناۋگۋراتسيادان كەيىن قازاق-قىرعىز قاتىناسىن تالقىلادى

 

...سونىمەن كەشە قىرعىز رەسپۋبليكاسىندا ەلدىڭ بەسىنشى پرەزيدەنتى ساۋرانباي جيەنبەكوۆتى ۇلىقتاۋ ءراسىمى ءوتتى. ساراپشىلار جانە قىرعىز تەلەجۋرناليستەرى "قىرعىزستاندا ءبىرىنشى رەت بيلىك بەيبىت تۇردە بەرىلىپ،  ەركىن ءارى بالامالى تۇردە وتكەن پرەزيدەنت سايلاۋىنىڭ  ناتيجەسى ەل اۋماعىندا تولىق مويندالدى" دەدى. الايدا، وسىدان التى جىل بۇرىن وتپەلى كەزەڭدەگى ساياسي ارەكەتتەر مەن ەل تاعدىرىنا جاۋاپتى بولعان روزا وتىمباەۆا حانىم دا ىڭ-شىڭسىز بيلىكتى الماسبەك اتامباەۆتىڭ قۇزىرىنا تاپسىرعان ەدى. سوندىقتان وتىمباەۆنىڭ ميسسياسى زاماناۋي قىرعىز ەلىنىڭ تاريحىندا ۇمىتىلماۋى كەرەك شىعار...

حوش، دەلىك. ءسويتىپ، ەلەكتوراتتىڭ 54 پايىز داۋىسىن العان ساۋرانباي جينەبەكوۆ قىزمەتىنە كىرىستى. ول ەلدىڭ ساياسي ەليتاسى مەن حالىق الدىندا تۇرىپ انت بەردى. ءسوزىن "قۇداي" دەپ باستاعان جيەنبەكوۆ مەكەندەستەرىنىڭ الدىندا ارقاشان اق-ادال بولۋعا، قاسىق قانى قالعانشا ايانباي قىزمەت ەتۋگە ۋادە قىلدى. سوسىن ءوزىنىڭ ەل باسشىسى رەتىندەگى شاعىن باعدارلامالىق ءسوزىن ايتىپ، ءبىرىنشى كەزەكتە بىلىمگە باسا نازار اۋداراتىنىن ءبىلدىردى. كوررۋپتسيامەن اياۋسىز كۇرەس جۇرگىزىلەتىنىنە دە ەكپىن بەرە سويلەدى. ورىسپەن، قىتايمەن، ورتا ازيا ەلدەرىمەن تىعىز قارىم-قاتىناستا بولامىز دەدى. گەوساياسي، گەوەكونوميكالىق تۇرعىدان العاندا قىرعىز پرەزيدەنتىنىڭ بۇل تالابى وتە ورىندى ەكەنى داۋسىز. سونداي-اق ول ەۋروپا ەلدەرىمەن دە، اراب ەلدەرىمەن دە بايىپتى بايلانىسىمىزدى ۇزبەيمىز دەگەندى ايتتى. بارەكەلدە!

ال، اتامباەۆ بولسا، التى جىلدىڭ تاريح پەن ۇلى ۋاقىت ءۇشىن از عانا مەرزىمىدىك ءسات بولعانىمەن ءوزى ءۇشىن ۇلكەن كەزەڭ بولعانىن ايتىپ تولقىدى.

- مەن سىزدەردىڭ الدارىڭىزدا تولقىپ تۇرمىن، - دەپ سويلەگەن ەكس-پرەزيدەنت: "التى جىلدا اتقارا الماعان ىستەرىم بولسا، كەشىرىڭىزدەر", -دەپ اعىنان اقتارىلدى. سوسىن ساۋرانباي دوسىنا ارناپ باتا بەردى.

يناۋگۋراتسيا تولىقتاي دەرلىك قىرعىز تىلىندە ءوتتى.

بەسىنشى پرەزيدەنتتىڭ يناۋگۋراتسياسى اياقتالا سالىسىمەن قىرعىز تەلەارنالارى سالتاناتتى ءراسىمدى تالقىلاۋعا كوشتى. تومەندەگى بەينەجازبادا يناۋگۋراتسيا جايى، ەجەلگى حان سايلاۋ ءداستۇرى...سونىمەن بىرگە قازاق-قىرعىز شەكاراسىنداعى قازىرگى احۋال جونىندە ءسوز بولدى.

Abai.kz

9 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 947
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 797