قاراعاندى وبلىسىندا  الەۋەتتى ينۆەستورلارعا ەلىمىزدىڭ ارنايى ەكونوميكالىق ايماقتارىن تانىستىرعان فورۋم ءوتتى، دەپ حابارلايدى اباي اقپارات اگەنتتىگى.

فورۋمعا جاپونيادان كەلگەن دەلەگاتسيا جانە قازاقستانداعى ءىرى حالىقارالىق كومپانيالاردىڭ وكىلدەرى قاتىستى. شەت ەلدىك قوناقتار قازاقستاندىق ارىپتەستەرىمەن جاقىنىراق تانىسىپ، ورتاق قىزىعۋشىلىقتاردى انىقتاپ بايلانىس ورتانۋ ماقساتىندا كەلگەن ەكەن.

حالىقارالىق فورۋمدى قاراعاندى وبلىسى اكىمدىگىنىڭ قولداۋىمەن «Kazakh Invest» ۇلتتىق كومپانياسى ۇيىمداستىردى.

- ءبىز اەا جانە يندۋستريالدى اۋماقتارعا ارنالعان وسىنداي فورۋمدى العاش رەت وتكىزىپ وتىرمىز. ونىڭ ماقساتى – تاجىريبە الماسۋ جانە ينۆەستورلاردى ىزدەۋگە كومەكتەسۋ. مۇندا الىس شەت ەلدەردەن كەلگەن قوناقتار بار، اۋقىمدى جاپوندىق دەلەگاتسيا كەلدى.  بۇگىنگى رود-شوۋ رەسپۋبليكامىزدىڭ اەا باسقارۋ كومپانيالارى، اەا رەزيدەنتتەرى، قۇزىرلى مەملەكەتتىك ورگاندار تاراپىنا دا، الەۋەتتى وتاندىق جانە شەت ەلدىك ينۆەستورلار جاعىنا دا تىكەلەي كەلىسىمسوز جۇرگىزۋگە ارنالعان الاڭ بولىپ تابىلادى،- دەدى «Kazakh Invest» ۇك اق باسقارما توراعاسىنىڭ ورىنباسارى ءبىرجان كانەشەۆ.

ءبىرجان قانەشوۆ مىرزانىڭ اقپاراتىنا سۇيەنسەك، جاپوندىق بيزنەسمەندەر سەرىكتەستىك قۇرۋعا قىزىعۋشىلىق تانىتتى.

- قازاقستان – ينۆەستيتسيالىق الەۋەتى زور ەل. جاپونيا مەن قازاقستان اراسىندا ساۋدا سالاسىندا وتە جاقسى قارىم-قاتىناس ورناعان – ناتيجەلىلىك 9 ەسە ءوستى. الايدا ينۆەستيتسيالىق سەرىكتەستىك سونشالىقتى بەلسەندى ەمەس. ءبىز ينۆەستيتسيالىق سەرىكتەستىك ورناتۋ ءۇشىن باسىم باعىتتاردى تاڭداپ الدىق. ول – سۋمەن قامتۋ، سۋدى تازارتۋ سالاسىنداعى ەكولوگيا مەن تەحنولوگيا. بۇل كەزدەسۋ قازاقستاندىق ارىپتەستەرمەن جاقىنىراق تانىسۋعا، ءوزارا ءتيىمدى بايلانىس ورناتۋعا مۇمكىندىك بەرەدى، - دەپ اتاپ ءوتتى ROTOBO رەسەي جانە تمد ەكونوميكاسىنىڭ عزي ديرەكتورى ميكي ۆادزيما.

فورۋمدا قازاقستاننىڭ اەا ەلەكتروندى ينتەراكتيۆتى كارتاسىنىڭ سىناما ءتۇرى تانىستىرىلدى. ول قاراعاندىلىق «سارىارقا» اەا نەگىزىندە قۇرىلعان. كاراتادا قولجەتىمدى، بوس جەر تەلىمدەرى، كومپانيالاردىڭ باينالىس مالىمەتتەرى كەلتىرىلگەن. ينتەراكتيۆتى بازا ينۆەستيتسيالىق جوبانىڭ جۇزەگە اسۋ دەڭگەيىن جانە ينفراقۇرىلىمدار قۇرىلىسىنىڭ كەزەڭدەرىن كورۋگە مۇمكىندىك بەرەدى.

شەت ەلدىك قوناقتارعا الماتى، قاراعاندى، شىمكەنت جانە پاۆلودار قالالارىنىڭ اەا تانىستىرىلدى. سونىمەن قاتار «سارىارقا» اەا-دا جۇزەگە اسىرىلعان ءساتتى جوبالاردىڭ ءبىرى – «RecyclingCompany» جشس-ءنىڭ ەسكى كولىكتەردى جويۋمەن اينالىساتىن زاۋىتى كوپشىلىك نازارىنا ۇسىنىلدى.

ەرعالي بەرىكۇلى

Abai.kz