سەنبى, 27 اقپان 2021
انىق 2033 0 پىكىر 8 قاراشا, 2017 ساعات 02:53

نۇرسۇلتان نازارباەۆ: الماتى - تاۋەلسىزدىگىمىزدىڭ بەسىگى بولسا، استانا بولاشاعىمىزدىڭ بەسىگى!

استانا – الماتىدان ەنشى الىپ شىققان قالا.

قىدىر قونىپ، قۇت دارىعان كيەلى قونىس، مۇباراك مەكەن – الماتى! بيىككە سامعاپ، قيىردى شارلاۋ،  زاماننان قالماي زاۋلاۋ – مىنا بىزدەرگە ءوزىڭ بەرگەن تاربيە، ءوزىڭ كورسەتكەن ونەگە، ءوزىڭ تاپسىرعان تاريحي امانات.

الماتى – تاۋەلسىزدىگىمىزدىڭ بەسىگى بولسا، استانا – بولاشاعىمىزدىڭ بەسىگى.

مەن الماتىنى جەر جۇزىندەگى ەڭ ادەمى قالا دەپ بىلەمىن. ونىڭ تامىلجىعان باۋلارى مەن جايناعان پاركتەرىن، كوككە شانشىلعان تيان-شان شىرشالارىن، «كوكتوبە شامشىراعىن» جانە باسقا دا تالاي عاجايىپتارىن ۇناتامىن…

«دەربەستىك!» دەپ شىققان داۋىس العاش الماتىدا ەستىلىپ، الماتىدا سەزىلدى.

الماتى – حالىقارالىق ساراپشىلاردىڭ ايتۋىنشا، عالامدىق قالالاردىڭ تىزىمىنە كىردى. ول – دەترويت، ەدينبۋرگ، مانچەستەر، سانكت-پەتەربور، دوحا سياقتى الەمدىك ەكونوميكانىڭ ورتالىعى بولىپ وتىر.

الماتى – قازاقستان مەملەكەتتىگىنىڭ التىن بەسىگى. بۇل ءبىزدىڭ تاۋەلسىزدىگىمىز كوككە سامعاپ، قازاقستاندى بۇكىل الەمدىك قاۋىمداستىققا تانىتقان ىستىق ۇيا. بارلىق قازاقستاندىقتار الماتىنى ماقتان ەتەدى جانە ونى ءاردايىم ماقتان ەتە بەرمەك.

ۇكىمەتتىڭ، مينيسترلىكتەردىڭ جانە پرەزيدەنت رەتىندە مەنىڭ دە الدىمدا ايرىقشا مىندەت – الماتىعا بۇرىنعىدان دا كوبىرەك قامقورلىق جاساۋ مىندەتى تۇر.

1993 جىلدىڭ سوڭىندا مەن ءوزىمنىڭ سويلەگەن سوزدەرىمنىڭ بىرىندە قازاقستاننىڭ استاناسىن الماتىدان باسقا قالاعا كوشىرۋ تۋرالى ايتىپ، اڭىستى اڭدادىم. سول كەزدە مەنى جاڭىلىپ كەتتى نە شامالى شارشاعان بولار دەپ ويلاسا كەرەك. وسى جەردە شارل دە گوللدىڭ «جوعارى بيلىك ادامدى جالعىزدىق پەن مۇڭعا باتىرادى» دەگەن ءسوزىن ەرىكسىز ەسكە تۇسىرەسىڭ.

…قيىپ كەتەتىندەي قالا ما الماتى؟! تاۋەلسىزدىگىمىزدىڭ تال بەسىگى ەمەس پە، ول! جەلتوقساننىڭ اق قارىنا الاۋ جاققان ۇل-قىزدارىمىزدىڭ ازاتتىقتى اڭساپ الاڭعا شىققان قالاسى ەمەس پە ول؟

…تۋعان اۋىلىما ءتيىپ تۇرعان جەر ەمەس پە الماتى؟ ارقا جەرىندە جيىرما جىلداي جۇرگەنىمدە قانشا رەت تۇسىمە كىرگەن اياۋلى مەكەن عوي ول! العاشقى نەمەرەلەرىم دۇنيەگە كەلگەن قالا عوي ول! وسىلاردىڭ ءبارىن ويلايسىڭ. كۇندىز كۇلكىڭ، تۇندە ۇيقىڭ بۇزىلادى.

الماتى – عالامدىق كەڭىستىكتە ءوزىنىڭ سارا جولىن تاڭداعان كونە قالا.

الماتى – تۋىپ-وسكەن جەرىمىز. الماتى – ماحاببات، الماتى – جاستىق شاق. الماتى – زيالى قاۋىمنىڭ ورتاسى، عىلىم مەن مادەنيەتتىڭ ورداسى.

قازاقستاننىڭ مادەنيەتى مەن عىلىمىنىڭ، ساياساتىنىڭ باستى ورتالىعى الماتىعا قاشان  دا شىعارماشىلىق پەن ەركىن وي احۋالى ءتان بولاتىن.

قالا ءومىرى 24 ساعات بويىنا توقتامايدى. الماتى ورتالىق ازيانىڭ قارجى ورتالىعى، تمد-نىڭ ەڭ سۇلۋ قالاسى. الماتى ءۇشىن ماقتانۋعا نەگىز كوپ.

تۇڭعىش پرەزيدەنت جانە ۇلت كوشباسشىسى رەتىندەگى مەنىڭ بورىشىم – حالقىمىزدى تاۋەلسىزدىكتىڭ تار جول، تايعاق كەشۋىنەن الىپ ءوتۋ.

كەز-كەلگەن مەملەكەتتىڭ قۋاتى – حالقىندا.

ءححى عاسىر قازاق حالقىنىڭ جۇلدىزى جاناتىن عاسىر بولاتىنىنا سەنەمىن.

مەن ءۇشىن قاشاندا مەملەكەت مۇددەسى مەن ەل يگىلىگى جولىندا قالتقىسىز قىزمەت اتقارۋدان ارتىق باقىت بولعان ەمەس.

قاسيەتتى قازاق جەرى – اتا-بابالارىمىزدىڭ داڭقتى تاريحىن اتىنىڭ تۇياعىمەن جازىپ كەتكەن جەر.

بۇل دۇنيەدە ءبىزدىڭ ءبىر عانا وتانىمىز بار، ول – تاۋەلسىز قازاقستان.

وتانىڭا دەگەن سەزىم مەن ماقتانىش ونىڭ رامىزدەرىنە دەگەن قۇرمەتتەن باستالادى.

ءوز مەملەكەتىمىز ءۇشىن ماقتانىش سەزىمىنە بولەنىپ، ءبىرتۇتاس وتباسى سەزىمىن سەزىنۋگە، قازىر بۇكىل  دۇنيەجۇزى بىلەتىن رەسپۋبليكا تۋىن، ەلتاڭباسىن، ءانۇرانىن ارداقتاپ، قۇرمەتتەۋگە ءتيىسپىز.

ءبىز سارىارقانىڭ سايىن دالاسىنا ساۋلەتى مەن داۋلەتى كەلىسكەن استانا سالدىق. ءسويتىپ، ءۇمىتىمىزدى ۇكىلەپ، بولاشاقتى بەتكە الدىق.

قازاق دالاسى – ۇلى تۇركى ەلىنىڭ قاراشاڭىراعى.

جاڭا استانا – ەجەلگى قازاق جەرىنىڭ ءتورى.

استانا – قازاقستان حالقىنىڭ كەلەشەگى ءۇشىن بارشامىز بىرىگىپ سالىپ جاتقان كوپىر.

Abai.kz

0 پىكىر