قاراعاندى. 8 ماۋسىم. قازتاگ – قاراعاندى وبلىسىنداعى «سارى-شاعان» پوليگونىندا قاتتى وتىندى زىمىران قوزعالتقىشتارىن (قوزق) رۇقساتسىز ورتەگەن جەرلەر انىقتالدى. 

قازتاگ-قا قورشاعان ورتانى قورعاۋ مينيسترلىگىنەن اقپاراتقا قانىق دەرەك كوزى ايتقانداي، قوزعالتقىشتار جەرگە جاتقىزىلىپ قويىپ توپ-توبىمەن ورتەلگەن. قوزعالتقىشتاردىڭ سىرتى تولىعىمەن جانىپ كەتكەن دە، تەك تالشىقتى شىنى ماتەريالدارىنان جاسالعان وت شىعاتىن تۇتىك – سوپلولارى قالىپتى. ساقتالىپ قالعان سوپلولار ول جەردە جۇزگە تارتا قوزعالتقىشتار جاعىلعانىن ايعاقتايدى. 

«زىمىرانداردى جاققان جەردە توپراق ۇلگىلەرى تەكسەرۋگە الىنىپ، حيميالىق زەرتتەۋلەر ءۇشىن زەرتحاناعا جىبەرىلدى»، - دەپ حابارلادى دەرەك كوزى. 

پوليگون نىساندارىن زەرتتەگەن ەكولوگتاردىڭ ەسەبى بويىنشا، زىمىران قوزعالتقىشتارىن رۇقساتسىز جاققان جەردە توپىراق 40 سم-گە دەيىن بالقىپ كەتكەن. 1 گەكتارداي جەر شىنى ىسپەتتەس قوقىممەن جابىلعان. انىق اقپارات كوزدەرىنەن الىنعان دەرەكتەر بويىنشا سارى-شاعان پوليگونىندا س – 300 جۇيەسىندەگى دەمونتاجدالعان زىمىراننىڭ قاتتى وتىندى  300-400 قوزعالتقىشتارى بار. بۇل قوزعالتىقىشتاردىڭ وتىندارىنىڭ سالماعى شامامەن 1-دەن 3 تونناعا دەيىن بارادى. «وسى قوزعالتقىشتار دا وسىنداي زاڭسىز جويىلۋعا دايىندالىپ قويعان دەپ بولجامداۋعا بولادى»، - دەيدى دەرەك كوزى. 

قاراعاندى. 8 ماۋسىم. قازتاگ – قاراعاندى وبلىسىنداعى «سارى-شاعان» پوليگونىندا قاتتى وتىندى زىمىران قوزعالتقىشتارىن (قوزق) رۇقساتسىز ورتەگەن جەرلەر انىقتالدى. 

قازتاگ-قا قورشاعان ورتانى قورعاۋ مينيسترلىگىنەن اقپاراتقا قانىق دەرەك كوزى ايتقانداي، قوزعالتقىشتار جەرگە جاتقىزىلىپ قويىپ توپ-توبىمەن ورتەلگەن. قوزعالتقىشتاردىڭ سىرتى تولىعىمەن جانىپ كەتكەن دە، تەك تالشىقتى شىنى ماتەريالدارىنان جاسالعان وت شىعاتىن تۇتىك – سوپلولارى قالىپتى. ساقتالىپ قالعان سوپلولار ول جەردە جۇزگە تارتا قوزعالتقىشتار جاعىلعانىن ايعاقتايدى. 

«زىمىرانداردى جاققان جەردە توپراق ۇلگىلەرى تەكسەرۋگە الىنىپ، حيميالىق زەرتتەۋلەر ءۇشىن زەرتحاناعا جىبەرىلدى»، - دەپ حابارلادى دەرەك كوزى. 

پوليگون نىساندارىن زەرتتەگەن ەكولوگتاردىڭ ەسەبى بويىنشا، زىمىران قوزعالتقىشتارىن رۇقساتسىز جاققان جەردە توپىراق 40 سم-گە دەيىن بالقىپ كەتكەن. 1 گەكتارداي جەر شىنى ىسپەتتەس قوقىممەن جابىلعان. انىق اقپارات كوزدەرىنەن الىنعان دەرەكتەر بويىنشا سارى-شاعان پوليگونىندا س – 300 جۇيەسىندەگى دەمونتاجدالعان زىمىراننىڭ قاتتى وتىندى  300-400 قوزعالتقىشتارى بار. بۇل قوزعالتىقىشتاردىڭ وتىندارىنىڭ سالماعى شامامەن 1-دەن 3 تونناعا دەيىن بارادى. «وسى قوزعالتقىشتار دا وسىنداي زاڭسىز جويىلۋعا دايىندالىپ قويعان دەپ بولجامداۋعا بولادى»، - دەيدى دەرەك كوزى. 

قازىرگى ۋاقىتتا قورشاعان ورتانى قورعاۋ مينيسترلىگىنىڭ كوميسسياسى اتالعان فاكتىنى زەرتتەۋدى جالعاستىرۋدا. «مۇنداي زىمىرانداردى كادەگە جاراتۋ ءۇشىن باسقا ەلدەردە، ونىڭ ىشىندە رەسەيدە دە، وسىنداي اسكەري-وندىرىستىك كەشەننىڭ قاۋىپتى قالدىقتارىن زيانسىز جوياتىن ارنايى جوعارى تەحنولوگيالىق زاۋىتتار سالىنادى. قاتتى وتىندى جاققاندا، بۇۇ ستوكگولم كونۆەنتسياسى انىقتاعان جەر شارىندا زياندى زاتتاردىڭ وندىقتار قاتارىنا ەنەتىن جوعارعى ۋلى ديوكسيندەر پايدا بولادى»، - دەيدى دەرەك كوزى.