جالپى، ادامداردىڭ بارلىعى ومىرىندە كورگەنىن، وقىعانىن، ەستىگەنىن، سەزىنگەن، بىلگەنىن جانە ت.ب. جايتتەردىڭ اقيقاتتىعىن قاجەتىنە قاراي، كۇندەلىكتى قارىم-قاتىناستا سان رەت كۋالەندىرەدى نەمەسە تەرىسكە شىعارادى.

سونداي كۋالاندىرۋدىڭ ءبىرى – قازاق حالقىنىڭ سالت-داستۇرىندەگى ۇيلەنۋشى جۇپتاردىڭ ەرىكتىلىكپەن وتاۋ قۇرعاندارىن راستاۋ. ال

سوڭعى جىلدارى قازاقستاندا، سونىڭ ىشىندە شىمكەنت قالاسىندا سونداي كۋالاندىرۋشىلاردىڭ جاڭا ءتۇرى – «يەھوۆا كۋاگەرلەرى» دەگەندەر پايدا بولدى. بۇلاردىڭ كۋالىكتەرى ءۇزىلىسسىز، قازىرگى قالىپتاسقان مەملەكەتتىك جۇيەلەردى كۇشپەن جوياتىن، ۇكىمەتتەر الماستىرىلاتىن ۋاقىتى ادامداردان جاسىرىن، وزدەرىنىڭ ارماگەددون شايقاسىندا، ەگەر كۋالاندىرۋلارى راس بولسا، وندا «جەڭىسكە جەتەتىن» كۇنىنە دەيىن جالعاسا بەرەتىن سياقتى. بۇلاردا كۋالىككە تۋراتىن جاعدايلار مەن قۇبىلىستاردىڭ تۋىنداتار مارەسى – «ارماگەددون» شايقاسى مەن «سوت» ناتيجەسىنىڭ شىنايىلىعى ءۇشىن جاۋاپكەرشىلىك قاۋىم مۇشەلەرىندە ەمەس، قۇداي-يەھوۆا، ونىڭ رۋحاني ۇلى (بالاسى) – يسا ءماسىح (كەيدە فەلدمارشال تىركەسىمەن جانە قوس ءمۇيىزدى «توقتى» دەپ تە كورسەتىلەدى.) پەن ولاردىڭ قاسىنداعى 144 مىڭ تولەمدەرىن وتەگەن، تاڭداۋلى «ساربازداردا» بولاتىن سياقتى. ارينە، ەگەردە ولارمەن بەتپە-بەت كەزدەسەتىن بولساق.  (I)

بۇلار باستاپقىدا 1870 جىلدارى اقش-نىڭ پەنسيلۆانيا شتاتىندا «كيەلى كىتاپتى» (تاۋرات، زابۋر نەمەسە مويسەيدىڭ «بەس كىتابى»، ءىنجىل دەپ ءتۇسىنىڭىز) زەرتتەۋ توبى رەتىندە قۇرىلعان. حريستيان ءدىنىن ۇستانۋشى الەمنەن وقشاۋلانۋ ءۇشىن، 1931 جىلى «يەھوۆا كۋاگەرلەرى» اتاۋىن قابىلداعان. ەگەر رەسمي اقپاراتتارى راس بولسا، ولاردىڭ وسى كۇندەرى الەمنىڭ 230 ەلىندە قۇرعان بولىمشەلەرىندە 6,0 ميلليونعا جۋىق مۇشەلەرى بار. سولاردىڭ ءبىرى - ءبىزدىڭ شىمكەنت قالاسىنداعى 2001 جىلدىڭ قىركۇيەگىندە قۇرىلعان بولىمشەسىندە شومىلدىرۋ راسىمىمەن شوقىندىرىلعان ءارى «رۋحاني دارەجەگە» يە بولعان، ءارتۇرلى ۇلت وكىلدەرىن قۇرايتىن، مىڭداپ سانالاتىن «كۋاگەرلەرى» بار.

قاۋىمدا باستاپقىدا «كيەلى كىتاپ» اتاۋىمەن قۇرعان، ءارى باسشىلىق ەتكەن راسسەل ءوزىن قۇدايدىڭ جارشىسىمىن دەپ جاريالايدى. ودان كەيىن بيلىك ەتكەن رازەرفورد «كۋاگەرلەر» سەنىمىنە كىرگەننەن سوڭ، ءوزىن «يەھوۆا» مەنمىن دەگەنگە دەيىن بارادى.

شىنىندا، مەن ءماسىحپىن دەپ قاۋىم مۇشەلەرى مەن باسقا اڭعال دا سەنگىش ادامداردى الداپ، اداستىرعان «ماسىحسىماقتاردىڭ» ومىردە تالايىنىڭ بولعانى تاريحتان ءمالىم.

مىسالى، گريلتون موشە (ۇلتى ەۆرەي دەگەن دەرەكتەر بار): «مەن سەندەردىڭ قۇتقارۋشىلارىڭمىن. ماعان ەرىڭدەر. بارلىعىمىز كوككە ۇشامىز. ءبارىمىز ۇشىپ، قاسيەتتى قۇدىس قالاسىنا بارامىز»،-دەپ سەندىرگەن. ءسويتىپ، ولاردى اعاش ۇستىنە شىعارىپ، تەڭىزگە سەكىرتىپ، ءبارىن ولىمگە دۋشار ەتكەن. باسقا بىرەۋى: «مەن ءماسىحپىن. مەنى قىلىش تا كەسە المايدى»،-دەپ موينى قىرقىلىپ ولگەن.

وندايلاردىڭ «قوشاقانداردى» الداپ-ارباپ، سوڭىنا ەرتكەن «سەركەدەي»، ءالى دە سەرۋەن قۇرىپ جۇرگەندەرىنىڭ قانشا ەكەنىن كىم بىلەدى.

قاۋىم مۇشەلەرى وزدەرىنىڭ ءدىني قىزمەتتەرىن اتقارۋلارىنا بايلانىستى اقش-نىڭ جوعارى سوتىندا قارالعان 43 ءىستى ۇتقاندارىن، سونىمەن قاتار باسقا ەلدەردەگى دە سونداي «جەڭىستەرىن» ماقتان تۇتادى، ابىروي سانايدى.

بۇل، ارينە، ولاردىڭ ءوز ەرىكتەرى. بىراق، مەنىڭشە ونداي فاكتور ءدىن مەن جاراتۋشىعا جاقىن جانە دارىپتەۋشى ۇيىمدار مەن ولاردىڭ باسشىلارىنىڭ مارتەبەسىن كوتەرىپ، ابىرويىن ارتتىراتىن ەمەس، كەرىسىنشە، قىزمەتتەرىندە شيكىلىكتەر مەن شاتاقتاردىڭ بارىن كورسەتەتىندەي.

يەھوۆا كۋاگەرلەرىنىڭ ورتالىعى اقش-تىڭ نيۋ-يورك شتاتىنىڭ برۋكلين قالاسىندا ورنالاسقان. بۇلاردىڭ جالعىز ءدىني مەرەكەسى – «ۆەچەريا» يسا ءماسىح ءولىمىن ەسكە الۋ تۋرالى يۋدەيلەردىڭ ءدىني مەرەكەسى كۇنىندە اتاپ وتىلەدى.

بۇل ەكى فاكتوردان يەھوۆا كۋاگەرلەرىنىڭ اسا بەلسەندىلىگى، ايلاكەرلىگى، سۋسىمالىلىعى، بەتپاقتىعى، سەكەمشىلدىگى، دۇشپان كوزدىلىگى مەن زىمياندىلىعىنىڭ سەبەپتەرى، سونىمەن قاتار مورالدىق، ماتەريالدىق، ۇيىمدىق، قۇقىقتىق جانە ت.ب. قولداۋ، قورعاۋ كورەتىن مەملەكەتتەرى مەن حالىقتارىنىڭ، سونىمەن قاتار ۇلتتارىنىڭ كىمدەر ەكەنىن اڭعارۋ قيىن ەمەس.

يەھوۆا كۋاگەرلەرى قۇدايىنىڭ ەسىمى - يەھوۆا، ەۆرەي تىلىندەگى ءتاڭىر  ۇعىمىن بىلدىرەدى ەكەن. ول ءوز ەسىمى مەن سوزدەرىن ءوزىنىڭ سەنىمدى وكىلدەرى، دوستارى ءارى شارتتاستارى - يۋدەيلەردەن تاراعان بىرنەشە پايعامبارلار ارقىلى اشىپ، ونى «زاڭداعى » (تاۋراتتاعى): «يزرايل بالالارىنا ايتسايشى، يەھوۆ ءبىزدىڭ اكەلەرىمىزدىڭ قۇدايى، اۆراامدار قۇدايى، يسااكتار قۇدايى جانە ياكوۆتار قۇدايى، مەنى سەندەرگە جىبەردى. مىنە، مەنىڭ ماڭگىلىك ەسىمىم جانە ۇرپاقتان - ۇرپاققا اتالۋىم ءۇشىن»، -دەپ جەتكىزگەندەي.

يەھوۆا قۇدايدىڭ سول يزرايل بالالارىنا ۋادە ەتكەن اۆراامنىڭ «ۇرىعى»- يسا ءماسىح ەكەنىن ەسكەرسەك، ول ارماگەددون شايقاسىنان كەيىن اسپان مەن جەردە ءوز پاتشالىعىن قۇرادى ەكەن. ءسويتىپ يەھوۆ قۇدايدىڭ قالاۋىمەن قايتا ءتىرىلىپ، رۇحتارى كوككە كوتەرىلگەن 144000 تاڭداۋلى «كىشى پادانىڭ» (مالوە ستادو) كۇشىمەن جەر بەتىندە جۇماق ورناتىپ، ماڭگى ۇستەمدىك ەتەتىن سياقتى. اتالعان قوعامنىڭ شىمكەنتتەگى ءبولىمى جينالىسىنىڭ باستىق-اقساقالى لي بوريستىڭ ايتۋىنشا، ول جاققا ءالى 8000-نان استام «كىشى پادانى» قۇراۋشى، يەھوۆا «قالاۋلىلارى» كوتەرىلۋى ءتيىس ەكەن. سودان كەيىن عانا «ارماگەددون شايقاسى» باستالسا كەرەك. وندا ءوزىنىڭ اسپانداعى فەلدمارشالى يسۋس حريستوس ارقىلى باسقارۋشى، ماڭگىلىك بيلىك پاتشاسى - يەھوۆا ۇلى قاسىرەت كەلگەندە، الدىمەن ۇلى ۆاۆيلوننىڭ حريستيان الەمىن جانە باسقا دىندەردى جازالايدى ەكەن.

يەھوۆا كۋاگەرلەرى وزدەرى باسشىلىققا الاتىن، قولداناتىن جانە كۋالىككە تۇراتىن نانىم - تانىمدارى مەن ءىلىم-بىلىمدەرى ەۆرەيلەر «زاڭىنىڭ» كانوندارىنا ساي كەلەدى. وندا جازىلعاندار اقيقات، عاسىرلار بويى وزگەرىسكە، بۇرمالاۋعا جانە تۇزەتۋلەرگە ۇشىراماعان. ناعىز تازا ءدىن - يەھوۆا كۋاگەرلەرىنىڭ ءدىنى، ال باسقا دىندەردىڭ بارلىعى جالعان... تاۋرات زاڭىنىڭ ءبىر كىشكەنتاي سىزىعىنىڭ ءتۇسىپ قالعانىنان گورى اسپان مەن جەردىڭ جويىلىپ كەتۋى وڭايىراق ەكەنىن كورسەتەدى.

مەنىڭشە، بۇل شەكتەن شىققان استامشىلىق. ويتكەنى، ول قايبىر زاماندارداعى يۋدەيلەردىڭ قۇدايمەن جاساسقان «كەلىسىمىن» بۇزىپ، ونى تىڭداماي، قارسى شىققاننان دا ارتىعىراق. ول بۇكىل عالامنىڭ ماتەريالدىق-رۋحاني بولمىس – ءبىتىمىن جاساپ، رەتتەپ،... وزگەرتۋشى اسا قۇدىرەتتى - جالعىز جاراتۋشىنىڭ جاعاسىنا جارماسقانمەن تەڭ. سونداي تۇجىرىمدارىمەن، ونى وزدەرىنە قىزمەت ەتۋگە ءارى تاۋراتتى قايتسە دە اقيقات دەگەن ءسوزى مەن دالەلىن بەرۋگە ماجبۇرلەيتىندەي. ولاي ەتپەسە، اسپان جانە جەرمەن قوسا، قۇدايدىڭ ءوزىن دە جويامىز دەپ ۇرەيلەندىرىپ، ونىڭ ۋادەسىن بەتباقتىققا سالىپ، بالەقورلىقپەن الۋعا بەيىمدەرىن بىلدىرەدى.

بىراق ونداي «شاتاقتىققا» وزدەرى ويلاپ تاپقان قۇداي - يەھوۆا بولماسا، الەمنىڭ اقنيەتتى، ادال، ادىلەتتى يەسى ءارى ءامىرشىسى – ءتاڭىر تاۋرات زاڭىنىڭ ءبىر سىزىعى ءتۇسىپ قالماق تۇگىلى، تولىعىمەن تەرىس اينالدىرىپ جازسا دا كونبەس. سونىمەن قاتار، جاراتىلىستىڭ ءبىر مولەكۋلاسىنىڭ دا ءىز-ءتۇزسىز جويىلۋىنا جول بەرمەس، ءارى ول ءۇشىن قاتاڭ جازالار.

فيلوسوفيا عىلىمدارىنىڭ دوكتورى، رەسەي پرەزيدەنتى جانىنداعى مەملەكەتتىك قىزمەتتىڭ رەسەي اكادەمياسىنىڭ ءدىنتانۋ كافەدراسىنىڭ پروفەسسورى ف.گ.وۆسيەنكو يەھوۆا كۋاگەرلەرى ۇيىمىنىڭ قىزمەت ەرەكشەلىكتەرىن زەرتتەپ: «يەھوۆا كۋاگەرلەرىنىڭ جەتەكشىلەرى بارلىق دىندەردى جىن-پەرىلەر جاساعان، تەك وزدەرىنىڭ كونفەسسياسى عانا اقيقات، ناعىز ءدىن دەگەن پىكىردى ۇستانادى. وزدەرىن ءوز قۇدايلارىنا قىزعانىشپەن، بەرىلە قىزمەت ەتۋشى، باسقا ادامداردان وزگەشە، دارالانعان، ەرەكشە تازا حالىق سانايدى.

يەھوۆا كۋاگەرلەرى ءۇشىن اينالا الەم – شىن مانىندە دۇشپاندار الەمى. سەبەبى، ول ءىبىلىس، جىن-پەرىلەر كورىنبەي باسقاراتىن، قۇدايدىڭ كورىنەتىن ۇيىمىنان، ياعني ولاردىڭ قاۋىمىنان بولەك ءومىر سۇرەتىن، ۇيىمداسقان ادامدار قوعامى. ەگەر، سەن قۇداي جاسايتىن، جاڭا جۇيەنى قالاساڭ (ارينە، ارماگەددون شايقاسىنان كەيىن قالىپتاستىرىلاتىن), ونداي جالعان ءدىندى الەمنەن اۋلاق بولۋىڭ كەرەك. سوندىقتان، يەھوۆا كۋاگەرلەرى قاۋىمىنىڭ شىنايى مۇشەلەرى ولاردىڭ، ياعني قازىرگى كەزدەگى بار مەملەكەتتەر ۇستانىمدارىن ورىنداماۋعا بولادى جانە قاجەت دەپ ۇعىندىرادى»،-دەگەن تۇجىرىم جاساپتى.

يەھوۆا كۋاگەرلەرى گرەك حريستيانداردىڭ كىتابى- جاڭا وسيەت پەن ەۆرەيلەردىڭ كىتابى-كونە وسيەتتىڭ ماتىندەرىندەگى ايقىن بەينەلىك نەمەسە سيمۆولدىق ماعىنا بەرەتىن سوزدەردەن باسقالارىن مويىندايدى جانە تۇسىنەدى. پراۆوسلاۆتىق جانە كاتوليكتىك دىندەردەگى ۇشبىرلىكتى قۇداي-اكە، بالا جانە قاسيەتتى رۋحتىڭ بىرلىگىن مويىندامايدى، ياعني يسا ءماسىحتى ومىرگە قىز ءماريامنىڭ اكەلگەنىن جوققا شىعارادى.

سولاي بولا تۇرا، ولاردىڭ كىتاپتارىنداعى يەھوۆا قۇداي ەسىمى، ءسوزى مەن يسا ءماسىحتىڭ اسپان مەن جەردەگى ومىرگە امىرلىك ەتۋگە تاعايىندالعان پاتشا ەكەنىن كۋالاندىراتىن تۇستارىن ۇتىمدى جانە تولىعىمەن پايدالانىپ «قوسمەكەندىلىك» قاسيەت-قابىلەت كورسەتەدى.

يەھوۆا كۋاگەرلەرى : «... ءاربىر كەزەڭدەردە قۇدايدىڭ وزىنە قىزمەت ەتۋشىلەردىڭ تەك ءبىر توبىمەن عانا قاتىناستاردا، ياعني شارتتا، ۋادەدە جانە دوستىقتا بولعانىن بىزدەر كورۋدەمىز... سول سياقتى بۇگىندەرى دە قۇداي ءوزىنىڭ شىنايى جانە سەنىمدى قىزمەتشىلەرى رەتىندە ءبىر عانا حالىقتى تاڭداپ، مويىنداۋى مۇمكىن. بىراق سوڭىنا ەرتۋگە بولاتىن، قۇداي باسشىلىعىنا مويىنسۇنىپ، وعان باس يەتىن حالىقتى ءبىز قالاي بىلەمىز»،-دەيدى. ءسويتىپ وعان: «قۇدايعا بەرىلە سەنەتىن، ونىڭ باسشىلىعىنا ىنتىزارلىقپەن كونەتىن - يەھوۆا كۋاگەرلەرى»،- دەپ وزدەرى جاۋاپ بەرەدى.

يەھوۆالىقتاردىڭ نانىم-تانىمدارى مەن تۇجىرىمداۋلارىنشا، بەك - مىرزالار ادەتتە ءوز قۇپيالارىن قىزمەتشىلەرىنە ايتپايدى، اسا ەرەكشە جانە قۇندى ويلارىن، تۇپكى كوكەيتەستى ماقسات-مۇددەلەرىن ولارعا بىلدىرمەيدى ەكەن. ال دوس دوسقا سەنەدى. يەھوۆا قۇداي اۆراامدى دوس ەتكەن، سوندىقتان ءوز قۇپيالارىن، اسا ەرەكشە جانە قۇندى ويلارى مەن تۇپكى ماقسات-مۇددەلەرىن وعان سەنگەن، ءارى جەتكىزگەنىن كۋالاندىرادى.

ەگەر، وسىنى شىندىق دەپ قابىلداساق، وندا يەھوۆا ءوز قۇپيالارى مەن تۇپكى، كوكەيتەستى ماقسات-مۇددەلەرىن قاتارداعى، ءوز ءسوزى مەن ەسىمىنە كۋالىككە تۇراتىن «سىناقتان» وتۋشىلەر تۇگىلى، شومىلدىرۋ راسىمىمەن شوقىنعان جانە «رۋحاني دارەجەگە» يە بولعان، قوعامنىڭ 6,0 ملن-عا جۋىق زاڭدى مۇشەلەرىنىڭ اۆراامنىڭ «ۇرىعىنان» ەمەستەرىنە، ياعني باسقا ۇلت وكىلدەرىنە سەنبەيتىنى جانە جەتكىزبەيتىنى انىق.

ونداي جاعدايدا، بۇنى بىرىنشىدەن جاڭا، ءارى جاساندى قۇداي-يەھوۆانىڭ ءوزى نەمەسە ونىڭ اتىنان ارەكەتتەنۋشى، اتالعان قوعام باسشىلارىنىڭ ادامداردى ۇلتتىق، رۋلىق، تايپالىق، الەۋمەتتىك-تۇرمىستىق جاعىنان ديسكريميناتسيالاۋ; ەكىنشىدەن، وزدەرىنىڭ سەكەمشىلدىك، كۇدىكشىلدىك، ارامپيعىلدىق بەلگىلەرى بارىن; ۇشىنشىدەن وزدەرىنىڭ باسقالاردان ارتىق ەكەندەرىن بىلدىرگەندەرى دەۋگە بولادى.

وسى جەردە ايتا كەتەتىن ءبىر ءجايت، ول- نەگىزگى جانە ءداستۇرلى دىندەردەگى قۇدايلاردىڭ بولمىس-ءبىتىمى، قاسيەت-قابىلەتى، قۇدىرەتى مەن تۇيسىكتىك دارەجەسى، وزى جاراتقان جاندارىن الالاپ ديسكريميناتسيالاۋ سياقتى ادامي السىزدىكتەن الدەقايدا جوعارى، ءارى ونداي قاراپايىم پەندەلىككە دەيىن تومەندەمەيتىنىنە سەنىمىمىزدىڭ بارلىعى. اسىرەسە اسا قۇدىرەتتى جالعىز جاراتۋشى - اللا تاعالانىڭ ءوزى جاساعان جۇپ - ادام اتا مەن حاۋا انادان وسىپ-ونگەن پەندەلەرىنىڭ ارالارىنا سونداي جىك سالۋى لوگيكا زاڭدارىنا قايشى.

سوندىقتان، مۇنى جالپى دىندەر ۇعىمى مەن ولاردىڭ ەرەكشەلىكتەرىن پايدالانىپ، ۇلتتاردى سونداي الاۋلاۋشىلىق پەن ديسكريميناتسيالاۋمەن ءوزارا وشىكتىرىپ، كەكتەندىرىپ، جاۋلاستىرىپ، ابىگەرلەپ، السىرەتۋدى كوزدەيدى دەۋگە نەگىز بار. مۇنى سونداي-اق، سوعان قول جەتكىزگەننەن كەيىن، ولارعا ۇستەمدىك ەتۋگە ۇمتىلۋشى يەھوۆا كۋاگەرلەرى قاۋىمىن قۇرايتىن كەيبىر ۇلتتار وكىلدەرىنىڭ، مەملەكەتتەر مەن ۇيىمدار باسشىلارىنىڭ ارام پيعىلدى، جانى جادىگويلەنگەن، رۋحاني - پسيحولوگيالىق احۋالدارىندا وزىندىك «ەرەكشەلىكتەرى» مەن «وزگەشەلىكتەرى» بار ەتنيكالىق-كلاندىق توپتارىنىڭ ماقسات-مۇددەلەرى دەۋگە بولادى.

بۇل پىكىردى: “قۇدايدىڭ قالاۋىنشا بارلىق حالىق اۆراام “ۇرىعى” ارقىلى جارىلقانۋى ءتيىس. قۇداي “زاڭداعى” وسيەتتى تەك يزرايل حالقىمەن عانا كەلىسىپ، جەر بەتىندەگى باسقا حالىقتارمەن جاساسپادى ... بىزدەر قۇداي ەتىلگەن ۋادەسىن قاشان ورىنداپ، اۆراام “ۇرىعى” - يسا ءماسىح ءوز شاپاعاتىن جەردەگى باسقا حالىقتار وكىلدەرىنە (ارينە، وزدەرىنە مويىنسۇنعان جانە ەرگەن “كۋاگەرلەرگە”. - اۆتور) شاشاتىن باقىتتى ءساتتى تاعاتسىزدانا كۇتۋدەمىز...

...سوندا پەرىشتە مەنى كيەلى رۋحتىڭ اسەرىمەن بيىك تە ۇلى تاۋدىڭ باسىنا الىپ شىعىپ، ماعان قاسيەتتى يەرۋساليم قالاسىن كورسەتتى... ونىڭ قاقپالارىندا يزرايل حالقىنىڭ ون ەكى رۋىنىڭ اتتارى جازىلعان ەكەن... قالا قابىرعاسىنىڭ ون ەكى ىرگەتاسى دا بار ەكەن، ولارعا توقتىنىڭ ون ەكى ەلشىسىنىڭ ەسىمدەرى جازىلىپتى... مەن ماڭدايلارىنا قۇداي تاڭباسى سالىنعانداردىڭ سانى 144000 ەكەنىن ەستىدىم; ولار يزرايلدىڭ بارلىق رۋلارىنان ەدى. ءاربىر رۋدان، ياعني ياھۋدي، رۋبەن، عاد، اشير، نافتاليم، ماناسا، شيمون، لەۋى، يساتار، زابۋلون، ءجۇسىپ جانە بۋنيامين رۋلارىنان ون ەكى مىڭنان ادامعا تاڭبا سالىندى (بۇل دەرەكتەر اۆراام «ۇرىعىنان» ەمەس لي بوريستەن قۇپيا ساقتالسا كەرەك. اۆتور).

...يا، بىزدەر بارلىق جەردە جۇماقتىڭ ورناعانىن كوكسەۋدەمىز»، - دەگەندەرى قۋاتتايدى. ءسويتىپ، سول «شاپاعاتتى» شاشاتىن يزرايلدىق ەۆرەيلەر ەكەنىنە باسا نازار اۋدارىپ، وزگە ۇلت وكىلدەرىنىڭ وي-سانالارىنا سىناشا قاعىپ، سىڭىرە تۇسەدى. مۇنى ولاردىڭ وزگەلەرگە وكتەمدىك ەتۋدەگى ماقسات-مۇددەلەرىنە جەتۋ جولىندا، وزدەرىن قۇدايدىڭ (ارينە يەھوۆانىڭ عانا) قالاۋلىلارى، سەنىمدى، ماملەلەس دوستارىنداي كورسەتىپ، باسقا ۇلتتاردى «تاستاندى» كەيپىندەگى كونبىس پسيحولوگياعا دايىنداۋ دەۋگە بولادى.

يەھوۆالىقتاردىڭ نانىم-تانىمدارىنشا، ناقتى ۋاقىتى قۇپيا ساقتالعان “ارماگەددون شايقاسىندا” يسا ءماسىح الدىمەن اسپانداعى شايتان-پەرىلەردى قۇرتادى. سودان كەيىن جەرگە ءتۇسىپ، زالىمدەر، زۇلىمدار، “دۇرىس جولعا تۇسپەگەندەر” مەن يەھوۆا قۇداي باسشىلىعىنا ءتاجىم ەتپەگەندەردى جويادى ەكەن. قازىرگى مەملەكەتتەردە ورىن العان ادىلەتسىزدىكتەر، تەڭسىزدىكتەر، جەكسۇرىندىقتار مەن باسقا دا زياندى قۇبىلىستاردىڭ ورىن الۋىنا كىنالى تۇلعالاردى سوتتاۋ وكىلەتتىگى يسا ماسىحكە بەرىلىپتى. ول كيەلى كىتاپتاعى: “قۇدايدان ەمەس بيلىك جوق،”- دەگەن تۇجىرىمدى بىلە تۇرا، وسى كۇندەردەگى قالىپتاسقان مەملەكەتتىك جۇيەلەردى جويىپ، ادامدار قۇرعان ۇكىمەتتەردى قۇرتىپ، «كىشى پادانى» قۇراۋشىلارمەن الماستىرادى ەكەن. ال باسقا دىندەر ءومىر سۇرۋلەرىن وزدىگىنەن توقتاتاتىن سياقتى.

وسى جەردە پروفەسسور ف.گ. وۆسيەنكونىڭ: «يەھوۆا كۋاگەرلەرى ءدىني نانىم-تانىمدارىنىڭ نەگىزدەرى مەن ۋاعىزدارىندا، باسقا دىندەرگە سەنىمدى جويۋ، ولارعا قاسكويلىك كوزقاراس پەن تۇيسىكتى قالىپتاستىرۋ; كاتوليكتىك، پراۆوسلاۆتىق، پروتەستانتتىق، بۋددالىق، يسلامدىق جانە باسقا دىندەردى ۇستانۋشى ازاماتتارعا دۇشپاندىق سەزىمدەردى قوزدىرۋ; ءدىني جەككورۋشىلىك پەن ارازدىقتى ءورشىتۋ نيەتتەرى، پيعىلدارى مەن يدەيالارى بار»،- دەگەن قورىتىندىسىن كەلتىرگەندى ءجون كوردىم.

بۇل يەھوۆانىڭ ءسوزى، ەسىمى مەن ءوزىن شاتاق شىعارۋ ءۇشىن پايدالانىپ، ءدىني دۇربەلەڭ سالۋ، لاڭكەستىكتى ءورشىتۋ، ۇلتتاردى ءوزارا جاۋىقتىرۋ مەن مەملەكەتارالىق قىرعي قاباقتىق تۋىنداتۋدىڭ ناعىز ىشمەرەزدەنگەن ايلا-شارعىسى ەمەس پە ؟

سونىمەن قاتار، ولار وزگە ءدىندى ۇستانۋشىلارمەن بىرگە، جالپى ادامزاتقا ارماگەددون شايقاسىندا فيزيكالىق كۇش پەن قۇقىقتىق جازا قولدانىلۋى مۇمكىندىگىن ەسكەرتىپ، ۇرەيلەندىرۋ جولىمەن، ولاردى ءداستۇرلى دىندەرىنەن جەرىتۋگە، شىعۋعا جانە ءوز قاۋىمدارىنا كىرگىزۋگە باعىتتالعان: “يەھوۆا قۇدايدان باسقاعا باس يۋ – قىلمىس. جىن-شايتاننىڭ جالعان دىنىنە تەلىنگەن كاتوليكتىك، پروتەستانتتىق، يسلامدىق، بۋددالىق، يندۋيستىك دىندەگىلەر قۇدايدى، ونىڭ ماحابباتىن، ەسىمىن جانە بالاسىن ساتقاندارى ءۇشىن تولىق جاۋاپ بەرىپ، جازالانادى”،- دەگەن مورالدىق – پسيحولوگيالىق بوپسالاۋ ءادىسىن قولدانادى.

مۇنى بۇيرىقتىق رايداعى نۇسقاما رەتىندە، تەك ءدىني نانىم-تانىم ەرىكتىلىگى تاراپىنان عانا ەمەس، قازاقستان رەسپۋبليكاسىنىڭ ازاماتتىق، اكىمشىلىك، قىلمىستىق كودەكستەرى مەن حالىقارالىق قاۋىپسىزدىك تۇرعىسىنان زەرتتەپ، ساراپتاپ، قولدانىلۋىنا تىيىم سالىنۋى ءتيىس تۇجىرىم دەۋگە نەگىز بار.

يەھوۆا كۋاگەرلەرىنە سەنسەك، يسا ءماسىحتىڭ باسشىلىعىمەن جەردە مىڭ جىلدىق سوعىسسىز، ۇرەيسىز، ادىلەتتى، زورلىق-زومبىلىقسىز، قىلمىسسىز، اۋرۋ-سىرقاۋسىز، ءولىمسىز، جۇماقتىق ءومىر قالىپتاستىرىلىپ، بارلىق ادامدار ءۇيلى بولادى ەكەن. ءسويتىپ يسا ءماسىحتىڭ كوكتەگى ماڭگى قۇرىمايتىن پاتشالىعى جەردە دە ورناپ، ول ءوز دۇشپاندارىنىڭ اراسىندا ءامىرىن جۇرگىزەتىن سياقتى. ونداعى جالعىز پاتشالىقتىڭ، ياعني جاڭادان قۇرىلاتىن مەملەكەتتىڭ باسشىلىعى “باسقا ادامدارعا” بەرىلمەيدى، ءارى يەھوۆا قۇداي ودان ءارى قاراي دا «وزگە ادامداردىڭ»، ياعني اۆراامنىڭ «ۇرىعىنان» ەمەستەردىڭ جەردەگى ۇكىمەتتى بيلەۋىن بولدىرمايدى ەكەن.

بۇل ءوز كەزەگىندە، يسلام دىنىندەگى و دۇنيەلىك «جانناتتىك» ءومىر، بۇل دۇنيەلىك «كوممۋنيزم» كورىنىسى رەتىندە، تەك ءوز ورتالىقتارى ورنالاسقان اقش-ى مەن جالعىز ءدىني مەرەكەلەرى-«ۆەچەرياسىن» قابىلداعان يزرايلدە عانا قۇرىلادى ما؟ جوق، الدە يسا ءماسىحتىڭ قالاۋىمەن باسقا مەملەكەتتەر اۋماعىندا دا بولۋى مۇمكىن بە؟ “وزگە ادامدار” مەن “دۇشپاندار” كىمدەر؟ قانداي حالىقتار مەن ۇلتتاردىڭ وكىلدەرى؟ - دەگەن زاڭدى سۇراقتاردى تۋىنداتادى. بىراق، ونى يەھوۆا كۋاگەرلەرىنىڭ اقش-تىڭ برۋكلين قالاسى مەن ءيزرايلدىڭ وكتەمدىكپەن يەمدەنىپ، ءوز استاناسى–دەپ جاريالاعان يەرۋساليمدەگى باس باسقارما باسشىلارى بىلمەسە، باسقا ەلدەردەگى “قوسشىلارىنىڭ”، اسىرەسە وزگە ۇلت وكىلدەرىنەن تۇراتىن «كىشكەنە قوشاقاندار» مەن «تۋما توقتىلاردىڭ» ناقتى تۇسىنىكتەرى جوق سياقتى. ونى قوعامنىڭ شىمكەنتتەگى ءبولىمىنىڭ كوشە كەزىپ، كۋالىككە تۇراتىن قاتارداعى كۋاگەرلەرى مەن لي بوريس سياقتى «رۋحاني دارەجەلى» قىزمەتكەرلەرىمەن پىكىرلەسۋ كورسەتتى.

سونىمەن قاتار، بۇلار جوعارىداعىداي «كۋالىكتەرىندە» بوگدە ادامداردى الدامشى ساعىمدىي ءۇمىت پەن جان جاسىتار ۇرەيگە تەڭ توعىتىپ جۇرگەن “ارماگەددون” شايقاسى، قازىرگى مەملەكەتتىك جۇيەلەردى جويىپ، ۇكىمەتتەردى قۇلاتۋدىڭ دىنمەن كومكەرىلگەن ساياساتى ءارى تۇپكى ماقساتى دەۋگە بولادى. ول “گەنەتيكالىق ءتۇرى وزگەرتىلگەن” -يۋدايزم نەگىزىندە قۇرىلعان، يەھوۆالىقتاردىڭ جاڭا، ءدۇبارا ءدىنىنىڭ قاڭقاسىنا ەت ءبىتىرىپ، جان بەرىپ، اڭعال حالىقتى جەردە «جاڭا جۇماق»-«ەسكى كوممۋنيزمدى» ورناتامىز دەپ، الداپ-ارباۋمەن اينالاسۋدىڭ ارامزا جانە كونبىس «قوزى-قويعا» اينالدىرۋدىڭ ايلا-شارعىسى دەۋگە نەگىز بار.

سونداي يدەيالاردىڭ بىرەگەيى – و دۇنيەلىك ءجانناتتى جەر بەتىنە شىعارىپ، اتەيزمگە نەگىزدەلگەن “كوممۋنيستىك قوعام” قۇرۋ يدەياسىنىڭ نەگىزىن اۆراامنىڭ ءحىح عاسىرلىق «ۇرىعى» - ك.ماركستىڭ قالاعانى تاريحتان بەلگىلى. سول كوممۋنيزمدى بۇكىل الەم تۇگىلى، تەك رەسەيدە ورناتۋدىڭ ءوزى ورىس ۇلتى مەن پاتشالىعىنا، سونىمەن قاتار دۇنيە ءجۇزى حالىقتارى ءۇشىن نەگە ءتۇسىپ، نەمەن تىنعانىن ءومىر كورسەتتى.

بولشەۆيكتىك كومپارتيانىڭ رەۆوليۋتسيالىق ۇرانى: “بارلىق ەلدەردىڭ پرولەتارلارى بىرىگىڭدەر،”- دەگەن مەن يەھوۆو كۋاگەرلەرىنىڭ ارماگەددوندىق ۋاعىزى: “بارلىق ەلدەردىڭ تارىعىپ - زارىققان مۇڭلاستارى ۇيىمداسىڭدار”،- دەگەندەردىڭ ۇعىمدارى مەن ماقساتتارى ءبىر – ولاردى وزدەرىنە قولايسىز نەمەسە مويىنسۇنباعان مەملەكەتتىك جۇيەلەردى جويىپ، ۇكىمەتتەردى قۇلاتىپ، ءوز ۇستەمدىكتەرىن ورناتۋدىڭ تاپتىق كۇرەستەرىنە مورالدىق، رۋحاني جانە پسيحولوگيالىق تۇرعىدان دايىنداۋ، بىرىكتىرۋ جانە ناقتى ارەكەتتەرگە بەيىمدەۋ. (II)

ەگەر يەھوۆانىڭ وزىنەن باسقالارعا باس يۋ – قىلمىس،-دەگەنى اقيقات بولسا، وندا يەھوۆانىڭ وزىمەن باسەكەلەس باسقا دا قۇدايلاردىڭ نەمەسە تابىنۋعا تۇرارلىق، تۇرلۋلى تۇلعالاردىڭ بارىنان سەكەم الۋىن اڭعارۋ قيىن ەمەس. ءسويتىپ، ولار قانداي قۇدايلار؟ ەسىمدەرى قانداي؟ قايسى ۇلتتار مەن حالىقتاردىڭ قۇدايلارى؟ – دەگەن ساۋال سالۋدى سۇرانادى.

يەھوۆا كۋاگەرلەرى: «بىزدە ادامداردى ناسىلدىك، ۇلتتىق، الەۋمەتتىك جانە باسقا بەلگىلەرى بويىنشا الالاۋشىلىق جوق، ءبارى ءبىر ءماسىحتىڭ وزىندە»،- دەيدى. قۇدايلارىنىڭ ەسىمى، ءسوزى مەن يسانىڭ پاتشالىق قۇرۋ وكىلەتتىگىن راستاۋ ءۇشىن، اۆراامنىڭ “ۇرىعىنان” تاراعان يزرايلدىك ەۆرەيلەردىڭ “بىرەگەي بالالارىنىڭ” اتى- جوندەرىن تىزبەلەپ، تاۋرات، زابۋر، ىنجىلمەن قاتار قۇراننان دا كوپتەگەن دەرەكتەر كەلتىرەدى. بىراق اللا تاعالا جىبەرگەن سول قۇراندى باسشىلىققا الىپ، يسلام ءدىنىن قالىپتاستىرعان جانە الەم حالىقتارىنا جەتكىزگەن، ادامزات تاريحىنداعى تۇرلاۋلى تۇلعالار تىزىمىندە ءبىرىنشى بولىپ تۇرعان مۇحاممەد (س.ا.ۋ.) پايعامباردىڭ ەسىمىن ءبىر رەت تە اتامايدى. بۇل ناعىز الالاۋشىلىق، قىزعانشاقتىق، كورە الماۋشىلىق پەن كەكشىلدىك ەمەي نەمەنە؟

مۇمكىن يەگوۆالىقتار مۇحاممەد (س.ا.ۋ.) ورتاق اكەلەرى اۆراامنىڭ «تۇڭعىش ۇرىعىنىڭ» ۇرپاعى رەتىندە، ونىڭ قازىرگى تەكتەستەرى - ارابتاردىڭ ەۆرەيلەرگە قويار بەلگىلى ءبىر الەۋمەتتىك-تۇرمىستىق، مورالدىق، ازاماتتىق نەمەسە ماتەريالدىق- قۇقىقتىق تالاپ قويۋلارىنان ساقتاناتىن بولار؟ جوق، الدە اللا تاعالانىڭ مۇحاممەد (س.ا.ۋ.) ءوزىنىڭ سەنىمدى ەلشىسى جانە سوڭعى پايعامبار، - دەگەن ۇكىمىنە قارسى نارازىلىقتارى مەن بۇلىكتەرى مە؟ ايتەۋىر ءبىر بالەكەتتىڭ بارى انىق، ءارى ول دىننەن گورى ساياسي-قوعامدىق، رۋلىق-تايپالىق جانە ۇلتتىق-ەكونوميكالىق ماقسات-مۇددەدەن تۋىندايتىنداي.

وسىندا كورسەتىلگەندەردەن باسقا دا، كوڭىل بولەرلىك جانە كۇماندى جايتتەردى شىن مانىندە بايقامادى ما، ايتەۋىر «ادىلەت» جوعارعى قۇقىق مەكتەبىنىڭ قىزمەتكەر – عالىمى ز.ا.تۋفان يەھوۆا كۋاگەرلەرىن زالالسىز، پەرىشتەدەي پاك، قايعى-قاسىرەت شەككەندەر، تارىققاندار مەن زارىققاندار قامقورشىسى، قورعاۋشىسى جانە جارىلقاۋشىسىنداي ەتىپ كورسەتىپتى.

قۇداي مەن زۇلىمدىق كۇشتەرىنىڭ سوڭعى ارماگەددون شايقاسى، ولاردىڭ كادىمگى رۋحاني بالاعاتتاسۋلارىن كورسەتەتىن جالپىلاما تۇسىنىكتەر. سوندىقتان ولاردى سوعىستى ناسيحاتتاۋ دەپ قاراۋعا بولمايدى. وندا ناقتى تۇلعالارعا قارسى اسكەري ارەكەتتەرگە شاقىرۋ جوق، — دەپتى.

ال پروفەسسور ف.گ.وۆسيەنكو، جوعارىدا كەلتىرىلگەن پىكىرىن: «يەھوۆا كۋاگەرلەرى وزگە ءدىندى ۇستانۋشى ادامدارعا قاتىستى ارازدىق پەن دۇشپاندىقتى تۇتاتادى. قاۋىمعا تارتىلعانداردى، اسىرەسە جاستاردا ۇلتتىق ادەت-عۇرىپ، سانا-سەزىم مەن سالت-ءداستۇردى ساقتاپ، ۇستانۋشىلارعا توزىمسىزدىك پەن وشپەندىلىكتى قالىپتاستىرادى...

قاۋىمنىڭ تىركەلگەن ەرەجەلەرى مەن كۇندەلىكتى، ناقتى جۇرگىزىلەتىن ءىس-شارالارىندا ايىرماشىلىقتار بار»، - دەپ جالعاستىرىپتى.

ارينە، اركىم دە، اسىرەسە عالىمدار ءوز ويلارى، پىكىرلەرى مەن كورۋلەرىن ءبىلدىرىپ، ونى ناسيحاتتاپ، قورعاۋعا قۇقىلى، سونىمەن قاتار جاۋاپتى ەكەندەرىن دە ەسكەرمەۋگە بولمايدى. بىراق...

بىراق، ز.ا.تۋفاننىڭ سونداي «تۇككە تۇرمايتىن» جانە ءمان بەرۋگە بولمايتىن، اسا قۋاتتى جانە قاراما-قارسى تاراپتاردىڭ «كادىمگى رۋحاني بالاعاتتاسۋلارى» ءۇشىن، يەھوۆا قۇداي مەن يسا ءماسىحتىڭ كوككە تەك يسرايلدىڭ 12 رۋىنان تۇراتىن 144000 نوكەرلەردى شوعىرلاندىرىپ، جەردەگى 6,0 ملن-عا جۋىق «رۋحاني دارەجەلى» كۋاگەرلەردى 230 ەلدىڭ كوشەلەرى مەن الاڭدارىندا كەزدىرىپ، ۇيلەر، پاتەرلەر ەسىكتەرىنىڭ الدارىندا تەلمىرتىپ، ءدىني دۇربەلەڭ سالۋدىڭ كەرەگى نە؟ دۇنيە جۇزىندەگى مەملەكەتتەر مەن ۇكىمەت باسشىلارىن «پاتشا»- يسا ءماسىح ارماگەددون شايقاسىن قاشان باستايدى، وزدەرىن قاشان سوتتايدى دەپ الاڭداتىپ، باسقا ادامداردى ۇرەيلەندىرىپ، قىرۋار ماتەريالدىق-قارجىلىق شىعىن جاساپ، رۋحاني-فيزيكالىق كۇش جۇمساپ، ۋاقىتتى سارپ ەتىپ، قۇقىق بۇزۋشىلىقتار مەن سوتتاسۋلارعا بارۋداعى تۇپكى ماقسات نە؟ — دەگەن زاڭدى سۇراقتار تۋىندايدى.

ول سۇراقتارعا جاۋاپ تابۋ ءۇشىن، يەھوۆا كۋاگەرلەرىنىڭ ۇيىمدىق-قۇقىقتىق، نانىم-تانىمدىق جانە قىزمەتتىك-قۇرىلىمدىق تۇرپاتىنىڭ ىقشامدالعان الگوريتمدىك ءمودۋلىنىڭ كورسەتكىشىن جاسايىق.

1. اتاۋى – يەھوۆا كۋاگەرلەرى.

2. اۆتورى – قوعامنىڭ باس باسقارماسى.

3. قوزعاۋشى كۇشتەرى – يەھوۆا قۇداي، يسا ءماسىح جانە اسپانعا كوتەرىلگەن، تەك ءيسرايلدىڭ، ياعني قازىرگى ەۆرەيلەر اتا-بابالارىنىڭ بارلىق ون ەكى رۋىنىڭ وكىلدەرىنەن تۇراتىن 144000 «كىشى پادا».

4. نەگىزگى تىرەگى – تورا «زاڭدارى» (تاۋرات، زابۋر، ءىنجىل، پايعامبارلار جازبالارى جانە قوعام جارعىسى).

5. اقپاراتتىق قور كوزدەرى – يۋدايزم، حريستيان مەن باسقا دىندەرگە نەگىزدەلگەن ۋاعىزدىق كىتاپتار، جۋرنالدار، تراكتاتتار، بۋكلەتتەر مەن باسقا دا ءدىني ادەبيەتتەر.

6. ماقساتى - الەمنىڭ بارلىق ەلدەرىندە ءوز بولىمدەرىن قۇرىپ، ولارعا «كۋاگەرلەردى» نەعۇرلىم كوبىرەك تارتۋ، ۇيىمداستىرۋ جانە اتقارۋشى ورگاندار جاساقتاپ، ولاردىڭ قولداپ، قاتىسۋلارىمەن ارماگەددون شايقاسىن جۇرگىزۋ. ونداعى جەڭىس ناتيجەسىندە (ارينە، سولاي بولا قويسا) قازىرگى مەملەكەتتىك جۇيەلەردى جويىپ، ۇكىمەتتەردى الماستىرۋ، جالعىز ءدىن – يەھوۆا كۋاگەرلەرىنىڭ ءدىنى مەن ولاردىڭ مۇشەلەرىنىڭ عانا قالۋىن قامتاماسىز ەتۋ، جەردە جۇماقتىق ءومىر ورناتۋ (كسرو-دا «كوممۋنيزم» قۇرۋ جوسپارى مەن ونىڭ ناتيجەسىنىڭ 19.08.1991 جىلى «قورىتىندىلانۋىن» ەسكەرگەن ءجون) جانە «سوتتى» جۇزەگە اسىرۋ.

7. ارماگەددون شايقاسىنىڭ باستالۋىنا قولايلى، قاجەتتى جانە جەتكىلىكتى فاكتورلار:

7.1. يەھوۆا كۋاگەرلەرىنىڭ دۇنيەجۇزىلىك ۇيىمىنىڭ زاڭدى تۇلعا رەتىندە پايدا بولۋى، 230 ەلدە (بولاشاقتا بارلىق ەلدەردى قامتۋ كوزدەلگەن) بولىمدەرىنىڭ قۇرىلۋى جانە ولاردا 6,0 ملن. (بولاشاقتا ودان دا كوپ) «كۋالىككە تۇرۋشىلاردىڭ» بولۋى.

7.2. قازىرگى بار مەملەكەتتىك جۇيەلەر مەن ۇكىمەتتەردەگى قالىپتاسقان جاعدايعا قاپا، كۇيىنىشتى، نارازى، تارىققان-زارىققان، مۇڭلاس، مۇددەلەس ادامداردى نەعۇرلىم كوپ جانە تەز ىزدەپ تاۋىپ شوقىندىرۋ، «رۋحاني دارەجە» بەرۋ، قوعام مۇشەلىگىنە قابىلداۋ جانە كۋالىككە تۇرعىزۋ، ارماگەددوندىق شايقاسقا دايىنداۋ، بەيىمدەۋ، ۇيىمداستىرۋ.

7.3. يەھوۆا قۇداي ۋادە ەتكەن اۆراامنىڭ «ۇرىعى» - اسپانداعى مەسسيا – يسا ءماسىحتىڭ جانە وندا كوتەرىلگەن 144000 «كىشى پادانىڭ» جەرگە ءتۇسىپ، ارماگەددون شايقاسىن ۇيىمداستىرۋلارى جانە باسشىلىق ەتۋلەرى.

8. ارماگەددون شايقاسى بولاتىن مەرزىم – يەھوۆا كۋاگەرلەرى ۇيىمىنىڭ بولىمدەرى قۇرىلعان ەلدەردىڭ بارلىعىندا، نەمەسە بەلگىلى ءبىر بولىگى مەن ناقتى مەملەكەتتەردە قولايلى، قاجەتتى جانە جەتكىلىكتى جاعدايدىڭ تۋىنداۋى.

9. ارماگەددون شايقاسى باستالاتىن ۋاقىت پەن جەر اۋماقتارى:

9.1. كەيبىر مەملەكەتتەر مەن ولاردىڭ ساياسي-ەكونوميكالىق وداقتاس ەلدەرىندە جانە اسكەري سوعىس قۇرامالار ارالارىنداعى قاراما-قايشىلىقتاردىڭ ۇيىسا ءورشۋى، قاقتىعىستار مەن سوعىستاردىڭ ورىن الۋى، ۇدەۋى جانە جيىلەۋى.

9.2. كولونيالانعان جانە وككۋپاتسيالانعان ەلدەردىڭ بوستاندىق، تاۋەلسىزدىك ءۇشىن كۇرەستەرى مەن كوتەرىلىستەرىنىڭ ورىن الۋلارى مەن باسقا دا قيراتۋشىلىق قۇبىلىستار.

ەگەر وسى الگوريتمدىك كورىنىستىڭ ءبىر بولىگى جالعان، ارەكەتسىز نەمەسە جوق بولسا، وندا يەھوۆا قۇدايدىڭ ەسىمى، ءسوزى، يسا ءماسىحتىڭ ەكى ومىردە بارلىعى مەن وكىلەتتىگىنىڭ شىنايىلىعى جانە 144000 «كىشى پادانىڭ» كوككە كوتەرىلگەندىگى، ەڭ باستىسى- كيەلى كىتاپتىڭ اقيقاتتىعى دالەلسىز، ياعني يەھوۆا كۋاگەرلەرى ۇستاناتىن ءدىنى جالعان، ءىلىم-بىلىمدەرى جارامسىز بولىپ شىعادى. ال الگوريتمدىك مودۋل تولىققۋاتتى، ومىرشەڭ جانە ارەكەتتى بولسا، وندا قازىرگى مەملەكەتتەر مەن ۇكىمەتتەردى يسا ءماسىحتىڭ باسشىلىعىمەن 144 000 «كىشى پادانىڭ» تالقانداۋىن، جويۋىن جانە الماستىرۋىن قالاۋشىلار – يەھوۆا كۋاگەرلەرى قاۋىمىنىڭ باس باسقارماسى مەن جەرگىلىكتى بولىمدەر باسشىلارى جانە ولاردىڭ 6,0 ملن-عا جۋىق مۇشەلەرى بولادى. ولار، يەھوۆالىقتار كۋالاندىرعان ارماگەددون شايقاسى، قوعام بولىمدەرى ۇيىمداستىرىلعان 230 ەلدىڭ بارلىعىندا، سونىڭ ىشىندە قازاقستاندا دا جۇرگىزىلەدى، ياعني قازىر دە قۇپيالى تۇردە دايىندالۋدا دەۋگە نەگىز بار.

سوندىقتان، بۇل حالىقارالىق ىنتىماقتاستىق پەن قاۋىپسىزدىكتى قامتاماسىز ەتۋ تۇرعىسىنان قاراۋدى، قاداعالاۋدى، زەرتتەۋدى، تالقىلاۋدى جانە ساقتىق شارالارىن جاساۋدى تالاپ ەتەتىن ءجايىت.

يەھوۆا قۇدايدىڭ «زاڭىندا» (تاۋراتتا): «قۇداي ءوز باسشىلىعىن ادامدارعا جازباشا، تىكەلەي ايتىپ جازدىرۋ، ءتۇس پەن وڭىندە كورۋ جانە پەرىشتەلەر ارقىلى بەرۋدى ءجيى پايدالانادى. قۇداي كوپ جاعدايدا وز رۋحىمەن جەبەگەن ادامدارعا كورگەنى مەن جەتكىزىلگەن حاباردى ءوز سوزىمەن جازۋ ەركىن بەردى. بىراق ونىڭ قاتە جىبەرمەۋىن ءوزى قاداعالايدى»،-دەگەن انىقتاۋلار بار. سونى ەسكەرىپ، ءبىز دە اسا قۇدىرەتتى جاراتۋشىنىڭ رۋحاني جەبەۋىنەن ۇمىتكەرلەر رەتىندە، ءوز مۇمكىندىگىمىز شەگىندە: «يەھوۆا كۋاگەرلەرىنىڭ نانىم-تانىمى مەن ءىلىم-بىلىمدەرى يۋدەيلىك-يزرايلدىق- ەۆرەيلىك دىندەر تامىرلارىنان ءنار العان «داراق» بۇتاعىنا وتە مۇقيات ۇلاستىرىلعان بۇرتىك قانا. ونىڭ ارتۇرلى «حيميكاتتار» تىقپىلاپ ءىسىندىرىپ، مەزگىلىنەن بۇرىن پىسىرگەن جەمىسىنىڭ ەلىكتىرگىش ءيىسى، دەلقۇل ەتەر ءدامى بار. اسا قۇدىرەتتى جاراتۋشى ءوزى جاساپ، ءوسىپ-ءونۋىن قالاعان ادام اتا مەن حاۋا اناعا ءجانناتتا جەۋگە تىيىم سالعانداي جەمىستى، يەھوۆالىقتاردىڭ «جەر جۇماعىن جاسايمىز» دەپ، بىزدەرگە ءدامىن تاتۋعا ۇسىنعان - «گەنەتيكالىق وزگەرتىلگەن» ءتۇرى ەكەنىنە كۋالىككە تۇرۋعا ەرىكتىمىز.

بۇل تۇجىرىمىمىزدىڭ دۇرىس-بۇرىستىعىن قاداعالاپ، تۇزەتۋ مۇمكىندىگىن قاۋىم مۇشەلەرى مەن ولاردىڭ «گەنەتيكالىق ءتۇرى وزگەرتىلگەن» قۇدايلارى-يەھوۆانىڭ ءوز ەركىنە قالدىردىق. سونىمەن قاتار، ونداي «گەنەتيكالىق ءتۇرى وزگەرتىلگەن» جەمىستەر جەۋدىڭ جەكە دارا تۇلعالار تۇگىلى، جالپى ادامزاتتىڭ قابىلەت-قاسيەتىنىڭ، سانا-سەزىمىنىڭ، ەرىك-جىگەرىنىڭ، وي-ءورىسى مەن بولمىس-ءبىتىمىنىڭ قالىپتاسۋىمەن قوسا، رۋحاني دەنىنىڭ ساۋلىعىنا دا تەرىس اسەر ەتەتىنىن ەستيار باۋىرلارىمىزعا جاريالاي جەتكىزۋدى ءجون كوردىك.

كەز-كەلگەن قوعام مەن ۇيىم قىزمەتىنىڭ ساپاسى، تازالىعى، ناتيجەسى، نەگىزىنەن ونىڭ ءبىرىنشى باسشىلارىنىڭ قابىلەت-قاسيەتتەرى، ءىلىم-بىلىمدەرى، ادال-ارامدىعى مەن پاراسات-پايىمدىلىقتارىنا تىكەلەي بايلانىستى بولاتىنى بەلگىلى. سوندىقتان، يەھوۆا كۋاگەرلەرى قوعامىنىڭ باس باسقارماسى مەن 230 ەلدەردەگى بولىمشە باسشىلارىنىڭ قانداي ءناسىل مەن ۇلت وكىلدەرى ەكەنىنە قاراماي، ولارعا باعانى شىمكەنت قالالىق بىرلەستىگىنىڭ توراعاسى ر.ر.شيبەلگۋتقا قاراپ بەرۋگە بولار دەپ ەسەپتەيمىز. سەبەبى، ولاردىڭ بارلىعى وزدەرى باسشىلىققا العان تورانىڭ، ءىنجىلدىڭ كيەلى كىتاپ پەن ءوز جارعىلارىنىڭ «ءبىر سىزىعىن تۇسىرمەي» جۇمىس ىستەيتىندەرىنە سەنگىمىز كەلەدى.

ر.ر.شيبەلگۋت مىرزاعا 2006 جىلى قاۋىمنىڭ ءدىني نانىم-تانىمدارىمەن تانىسۋ ماقساتىندا، قازاق تىلىندە سۇرانىم حات جولداعانمىن. وعان ول ورىس تىلىندەگى جازباشا جاۋابىنا، ءبىر بۋما ءدىني كىتاپتار مەن ادەبيەتتەرىن قوسىپ، مەنىڭ كەلىسىم-قالاۋىمسىز، ءوزى تىكەلەي پاتەرىمە اكەلىپتى. مەن وعان حاتتى مەملەكەتتىك ءتىل - قازاق تىلىندە ءتۇزۋىن ءوتىنىپ، قايتارىپ جىبەرگەنمىن. بىراق، ول ونى وزگەرىسسىز، كونۆەرتكە سالىپ، پوچتامەن قايتادان جىبەرىپتى. ءسويتىپ، ول مەنىڭ كونستيتۋتسيالىق قۇقىعىم، قازاقستان رەسپۋبليكاسىنىڭ «تىلدەر تۋرالى» زاڭى مەن پرەزيدەنتتىڭ زاڭ كۇشى بار «ازاماتتاردىن ارىز-شاعىمدارىن قاراۋ ءتارتىبى تۋرالى» جارلىعىن بۇزىپ، ءوزىنىڭ «شاتاقتىعىن» كورسەتكەن.

ونىڭ سونداي بىربەتكەي، وكتەم دە ءوزىمشىل ءارى زىمياندىعىنىڭ سەبەبىن، ول باسقارعان قوعام جارعىسىنداعى: «يەھوۆا كۋاگەرلەرى ءدىني ۋاعىزدارىن جانە كۋالىككە تۇرۋلارىن ادامداردىڭ ۇيىنە ەش كەدەرگىسىز، ەركىن جانە ءارتۇرلى جولدارمەن بارىپ، كىرىپ جۇزەگە اسىرۋعا قۇقىلى»، - دەگەن تۇجىرىمداردان ۇقتىم.

سوندا ولار: «كەدەرگىسىز، ەركىن جانە ءارتۇرلى جولدارمەن»،-دەگەن ۇعىمدارعا ازاماتتىق، اكىمشىلىك جانە تاعى باسقا قۇقىق بۇزۋشىلىقتاردى دا جاساي بەرۋگە بولادى،-دەگەندى دە كىرگىزىپ جىبەرگەن سياقتى.

وسىنداي، بوگدە، ياعني ءوز قاۋىمىنىڭ مۇشەسى ەمەس ادامداردىڭ ۇيلەرى مەن پاتەرلەرىنە ەركىن بارىپ، رۇقسات ەتىلمەگەن جەرلەردە ءدىني قىزمەتتەر كورسەتىپ، جيىندارىن وتكىزگەندەرى ءۇشىن، وڭتۇستىك قازاقستان وبلىستىق سوتى يەھوۆا كۋاگەرلەرىنىڭ شىمكەنت قالالىق قوعامدىق بىرلەستىگىنىڭ قىزمەتىن ۋاقىتشا - التى ايعا توقتاتقان ەدى. بىراق، ول وبلىستىق پروكۋراتۋرانىڭ قارسىلىق قاۋلىسى نەگىزىندە قايتا قارالىپ، وبلىستىق سوت كوميسسياسىنىڭ شەشىمىمەن مەرزىمىنەن بۇرىن بۇزىلىپ، سارىاعاش اۋداندىق سوتىنىڭ قاراۋىنا جىبەرىلدى.

ساتىپ العان جەرىن نىساندى ماقساتىندا پايدالانباعاندىعى ءۇشىن، ياعني تۇرعىن ءۇي ورنىنا ءدىني قىزمەت كورسەتۋگە ارنالعان لەكتسيالىق زالى بار قۇرىلىس جۇرگىزگەندىكتەن، ونى ماجبۇرلەپ بۇزدىرۋ تۋرالى كەنتاۋ قالالىق سوتىنىڭ شەشىمى دە وبلىستىق سوتتىڭ ازاماتتىق ىستەر القاسىنىڭ قاۋلىسىمەن ءشىنارا بۇزىلىپ، سول سوتتىڭ قايتادان قاراۋىنا ۇسىنىلدى. ءسويتىپ، شيبەلگۋت «شاتاقتىعىنىڭ» تاسى پروكۋراتۋرانىڭ قاداعالاۋىمەن ورگە دومالاپ، يەھوۆا كۋاگەرلەرى سوتتاسۋدا جەڭىسكە تۇرارلىق ەكى «يتجىعىسقا» قول جەتكىزدى.

وسى جەردە، سول ر.شيبەلگۋت باسقاراتىن شىمكەنتتەگى قاۋىمنىڭ «كۋاگەر»-مۇشەسى، «قازىعۇرت» ىقشام اۋدانىندا تۇراتىن م. (ماحامبەت. رەد. ءۇشىن) دەگەن ازاماتتىڭ اكەسى ا.ا.-نى (القوجين امانگەلدى-مارقۇم بولعان. رەد. ءۇشىن), سول قوعامعا مۇشە بولۋدان باس تارتقانى ءۇشىن، مورالدىق زورلىق پەن فيزيكالىق كۇش قولدانۋىنان مەزگىلسىز قايتىس بولعانىن ايتا كەتكەن ءجون. سول ۇلى اكەسىنىڭ تورقالى توپىراعىن سالىپ، جەرلەۋ ءۇشىن دە كەلمەگەن.

دەموكريتتىڭ: «ادال جانە ارام ادام نە ىستەگەنىمەن ەمەس، سونداي-اق نە قالايتىنىنان تانىلادى»-دەگەنىن ەسكەرسەك، يەھوۆا كۋاگەرلەرىنىڭ قازاقستاننىڭ مەملەكەتتىك ءانۇرانىن ورىنداماۋلارىنان (قاينار بۇلاقتاعى №83 مەكتەپتە 25 وقۋشى «يەھوۆا كۋاگەرلەرى» قاۋىمىنىڭ مۇشەسى بولعاندىقتان، ەلىمىزدىڭ ءانۇرانىن ورىنداماعانى ءمالىم) تۋىن، ەلتاڭباسىن جانە شەكارالارىن قابىلداماۋلارىنان، اسكەر قاتارىندا قىزمەت ەتپەۋلەرىنەن، مۇقتاج ادامعا قان بەرۋدەن باس تارتۋلارىنان، ءبىزدىڭ ەلگە دەگەن نيەتتەرى اق، قىزمەتتەرى ادال، جاقسىلىق قالايدى دەۋ اڭعالدىق بولار ەدى.

جوعارىدا ايتىلعانداردى قورىتا كەلە، يەھوۆا كۋاگەرلەرىنىڭ حالىقارالىق ۇيىمى:«ءوز قوعامىنىڭ مۇشەلەرى باسقا ادامداردان وزگەشە، دارالانعان، ەرەكشە تازا حالىق دەگەن الداپ-ارباۋ پىكىرلەرىنىڭ پاناسىندا، اۆراامنىڭ «ۇرپاقتارى»-«يۋدەيلىك-يزرايلدىق ەۆرەيلەر قۇداي قالاپ ۋاعدالاسقان، جاقىن دوس ەتكەن، ءوز قۇپيالارىن سەنگەن، وزگە ۇلتتارعا شاپاعات شاشۋشى رەتىندە تاڭدالعان حالىق»،- دەگەن پىكىردى بەكىتۋگە جۇمىس ىستەيدى دەۋگە بولادى.

ولار يەھوۆ قۇداي اۆراام «ۇرىعىنىڭ» ءوز رۇحىمەن جەبەلگەندەرگە «زاڭدى» (تاۋراتتى), زابۋر، ءىنجىل جانە پايعامبارلار جازبالارىن ءوز كورۋلەرىنشە، تەرە قولدانۋىنا رۇقسات ەتكەن، ارى زاڭدى ميراسقورلىق قۇقىعى بەرىلگەن. ولار يزرايلدىق ەۆرەيلەر ۇلت دەگەندى قايتا جاڭعىرتىپ، ولاردىڭ «بۇرىنعىداي  باسقا ۇلتتاردى جارىلقاۋشىلىعىن» قالپىنا كەلتىرۋدى كوزدەيدى. نەمەسە كەرسىنشە، باسقا ءدىندى ۇستانۋشى ۇلتتار، حالىقتار مەن مەملەكەتتەردى ولارعا وشىكتىرىپ، قارسى كوتەرىپ، «باياعىداي» تالقانداپ، بوسىتىپ جىبەرۋدى جانە ولاردان يەرۋساليمدى تاعى دا تازارتۋدى قالاۋدىڭ نىشاندارى بار دەۋگە نەگىز بەرەدى. (III)

قالاي بولعاندا دا، وسى «ەكى جاعدايعا» دا جول بەرمەس ءۇشىن، يەھوۆا كۋاگەرلەرى قوعامىنىڭ باس باسقارماسى مەن جەرگىلىكتى بولىمدەر باسشىلارىنىڭ، ولاردىڭ مۇشەلەرىنىڭ نە ۋاعىزداپ، نە ايتىپ، نە جازىپ، نە ىستەپ جۇرگەندەرىن ەمەس، باسقا ۇلتتار، حالىقتار مەن مەملەكەتتەرگە نە قالايتىندارىنا كوز جەتكىزگەن ءجون. ول ءبىر عانا قازاقستاندىقتاردىڭ قالاۋى بولماسا كەرەك، ءارى الداعى ماسەلە.

وسى جەردە، پارلامەنتتىڭ قازاقستان رەسپۋبليكاسىنداعى «ءدىني سەنىم-نانىم بوستاندىعى مەن ءدىني بىرلەستىكتەر تۋرالى» زاڭىنا كەشە عانا ەنگىزگەن وزگەرىستەرى مەن تولىقتىرۋلار قابىلداعانىن ادىلەتقۇمار قاۋىمنىڭ وڭ قابىلداعانىن ايتا كەتكەن ءجون. وندا حالىقارالىق تاجىريبە، جەتىستىك پەن جاعدايدى ەسكەرە، سونىمەن قاتار ەلدەگى قالىپتاسقان احۋالدى ايقىن كورە جاساعانى كوڭىلگە سەنىم ۇيالاتقان ەدى. سەبەبى، وندا يەھوۆا كۇاگەرلەرى مەن باسقا دا ءدىني قاۋىمداردىڭ جوعارىدا كەلتىرىلگەندەي «كەساپاتتىقتارى» مەن «شاتاقتىقتارىنا» تەجەۋ قويىپ، جالپى مەملەكەتتىك مۇددە مەن قوعام قاۋىپسىزدىگىنىڭ ساقتالۋىنا وڭ ىقپال ەتەتىن ۇيىمدىق-قۇقىقتىق جاعدايلار تولىق بولماعانىمەن، جەتكىلىكتى قاراستىرىلعانداي بولاتىن. بىراق ونى جوعارىدا كورسەتىلگەندەي، يەھوۆالىقتار سياقتى «بەتباقتار باتالوندارى»، «قوي تەرىسىن جامىلعان» قورقاۋ قاسقىرلارداي قاسقويلار «بەسىگىنە بولەتپەي»، جەلكەسىن «جورگەگىندە قيعانى» ءبىز ءۇشىن وكىنىشتى.

ال ونى «قىرىق مينۋت» تولعاتىپ دەگەندەي، دۇنيەگە اكەلگەن ماتەريالدىق اناسى مەن رۋحاني اتاسىنىڭ ورتالارىندا قالعان «بوس بەسىكتى تەربەتىپ»، ءۇنسىز قالا بەرگەندەرىن - سول «پەرزەنتتەرىنەن» بەزىنۋدىڭ، نە ءوز دارمەنسىزدىكتەرىن سەزىنۋدىڭ، نەمەسە الداعى ءبىر قاسىرەتكە كەزىگۋدىڭ العى شارتتارىن قالادى دەمەۋگە امالىمىز جوق.

ەندى يەھوۆا كۋاگەرلەرى سياقتى بەتباقتار مەن شاتاقتاردىڭ شابىتتانا كوشە كەزىپ، ۇيلەرىنە ءۇڭىلىپ، كوككە سامعاۋلارى ءۇشىن، ەسكى «زاڭدى» بۇرىنعىداي دورباعا سالىپ ەزىپ، ەرىتىندى ەتىپ ىشپەي-اق، بۇتىندەي شايناپ جۇتارى انىق. ال شىمكەنتتەگى ر.ر.شيبەلگۋت باسقاراتىن قاۋىم مۇشەلەرىنىڭ «تاسى تاۋعا شاپشيتىن» بولدى. سەبەبى، ولاردىڭ جەلىمدەي جابىسقاق، سىناپتاي سۋسىعان، جەرگىلىكتى «قوزى-قويلاردان» تۇراتىن، «تيتتەي پادانى» (ميكرو ستادو) قۇراۋشى «كۋاگەرلەردىڭ» الداپ-ارباۋىنا، تۇسۋشىلەر سانىنىڭ ۇدەمەلى ارتارى ءسوزسىز. ءسويتىپ، ءوز باۋىرلارىمىز بەن باسقا دا وتانداستىرىمىز، يەھوۆالىقتاردىڭ «گەنەتيكالىق ءتۇرى وزگەرتىلگەن» ءدۇبارا دىنىنە كىرىپ، دەلقۇل بولىپ، ءوز جانناتتەرى-شاڭىراقتارىن شايقالتىپ، كەرەگەلەرىن قيراتۋلارى قارقىنداۋى ىقتيمال. سوندا ەل اتاسى مەن اناسى «بوس بەسىكتى» ءبىر-بىرىنە يتەرمەلەپ، يتتەرشە ىرىلداسپاسا بولعانى دا؟؟؟

1. ماتەريالدىڭ مازمۇن-ماقساتى تەك «يەھوۆا كۋاگەرلەرى» ءدىني قاۋىمىنىڭ باسشىلارى مەن مۇشەلەرىنە، سونىمەن قاتار اتى-جوندەرى كورسەتىلگەن جەكە فيزيكالىق تۇلعالار مەن زاڭدى ۇيىمدارعا عانا قاتىستى.

2. سۋرەتتەردىڭ ورنالاسۋ رەتى:

ءى- باس قاڭقالارى; ءىى- بولشەۆيك ساربازى;                 ءىىى- ەشكى.