ەباديدىڭ سوزدەرىنشە، يران كونستيتۋتسياسى ەلدىڭ ازاماتتارىنا نارازىلىق بىلدىرۋگە قۇقىق بەرەدى، سول ءۇشىن ولار كوشەدە قالا بەرۋلەرى كەرەك. ول سونىمەن بىرگە يراندىقتاردى سالىقتى، كوممۋنالدىق تولەمدەردى تولەمەۋگە، مەملەكەتتىك بانكتەردەن اقشالارىن قايتارىپ الۋعا شاقىردى. "ەگەر بيلىك 38 جىل بويىندا حالقىن تىڭداماي كەلسە، ۇكىمەتتى دە ەلەمەۋگە ۋاقىت كەلدى", – دەيدى ەبادي.

وسىعان دەيىن نەمىستىڭ Die Welt باسىلىمىنا سۇحبات بەرگەن ەبادي يرانداعى كوررۋپتسيا كولەمىن "سۇمدىق جاعدايعا" تەڭەگەن. ونىڭ ايتۋىنشا، اكتسياعا قاتىسىپ جاتقانداردىڭ دەنى - جۇمىسسىز جۇرگەن جاستار.

يرانداعى دەمونستراتسيا ءبىر اپتادان بەرى جالعاسىپ جاتىر. ولار ۇكىمەتكە الدىمەن ەكونوميكالىق ۇندەۋلەر تاستاعان، كەيىن بيلىكتىڭ كەتۋىن تالاپ ەتە باستادى. ەرەۋىل بارىسىندا 20-دان استام ادام قازا تاۋىپ، جۇزدەگەن ادام ۇستالدى. سارسەنبى كۇنى ەلدىڭ بىرقاتار قالالارىندا ۇكىمەتتى قولداعان ەرەۋىل بولدى.

Abai.kz