قۇقىققورعاۋ، قاداعالاۋ ورگاندارى جانە سوتتاردىڭ وزدەرى جەمقورلىققا باتقان، دەپ مالىمدەدى پرەزيدەنت. ول كۇرەستى كۇشەيتىپ، مەكەمەلەردى جەمقور قىزمەتكەرلەردەن تازارتۋدى تالاپ ەتتى. ساراپشىلار مەملەكەت باسشىسىنىڭ جەمقورلىقتى جەڭۋ تۋرالى ۋادەلەرىن تۇرلىشە باعالاپ وتىر.

​سوورونباي جەەنبەكوۆ مەملەكەتتىك ۇلتتىق قاۋىپسىزدىك كوميتەتىنىڭ جەمقورلىققا قارسى قىزمەتىنىڭ جۇمىسىن ساپاسىز دەپ اتادى. سوعان بايلانىستى ول جۇمىس فورماتىن وزگەرتۋدى، ءاربىر قىزمەتكەردى جۇمىسىن قانشالىقتى دۇرىس اتقارىپ وتىرعانىن تەكسەرۋدى تاپسىردى. پرەزيدەنت سوتقا، قۇقىققورعاۋ جانە قۇزىرلى ورگاندارعا تۇسەتىن ءاربىر سالماقتى ارىزدى باقىلاۋعا الاتىنىن اتاپ ءوتتى.

جەەنبەكوۆتىڭ مالىمدەۋىنشە، "ۇيىمداسقان قىلمىسپەن كۇرەستىڭ ءساتسىز بولۋىنىڭ نەگىزگى سەبەبى - جەمقورلىق".

رەسمي مالىمەتتەرگە قاراعاندا، سوڭعى ەكى جىلدا قۇقىققورعاۋ ورگاندارى 76 مىڭنان استام قىلمىستىق ءىس قوزعاعان. بىراق سولاردىڭ جارىمىنا جۋىعى جابىلعان نەمەسە كۇدىكتى تابىلماۋىنا بايلانىستى توقتاتىلعان. قىلمىستىق ىستەردىڭ 30 پايىزى عانا سوتقا جەتسە، سولاردىڭ 10 پايىزىندا ايىپتاۋ ۇكىمى شىعارىلعان.

Abai.kz