بولسا دا تۋىلعان بالالاردىڭ ايلىق جاردەماقىسى مەن مەكتەپ جاسىنداعى بالالاردىڭ نانىن تارتىپ الدىڭدار.

ال ەندى قاراپايىم حالىق بالا-شاعاسى تۇگىلى وزدەرىن ارەڭ اسىراپ جۇرگەندە، "سالىق تولەتەمىن" دەپ، نە دەگەن كورەگەن ءبىلىمدى ادام ەدىڭىز. ءسىز وسىنداي "انتينارودنىي" رەفورماڭىزبەن حالىقتان العان سالىقپەن، كىمدى بايىتامىن دەپ وتىرسىز؟! مەملەكەتتى مە، الدە ارامتاماق شەنەۋنىكتەر ارمياسىن با؟ ونسىز دا حالىقتى بيلىك وتىز جىلعا جۋىق، جۇمىسپەن قامتاماسىز ەتە الماي جازالاپ كەلە جاتقان جوق پا؟ جۇمىسى بار، ەرتەڭىنە سەنىمدى ادام ونسىز دا سالىق تولەيدى.

ءسىز نەگە الدىڭىزعا 2-3 ملن. حالىقتى جۇمىسپەن قامتاماسىز ەتىپ، كەدەيشىلىكپەن كۇرەسەمىن دەگەن ماقسات قويمادىڭىز؟ كەرىسىنشە ەمەس؟

جىعىلعانعا جۇدىرىق دەمەكشى، قازىر قازاقستان حالقىنىڭ 80 پايىزى نانىمدى قالاي تاۋىپ جەيمىن جانە بالا-شاعامدى قالاي اسىرايمىن دەپ تەرەڭ كۇيزەلىسكە تۇسكەن. ءتىپتى كوبىسى 50 جاسقا دا جەتپەي قان قىسىمى مەن ينسۋلتتەن ءولىپ جاتىر. ال ءسىز تاعى دا مەد. ستراحوۆكانى ماجبۇرلەپ تولەۋدى الدىڭىزعا مىندەت ەتىپ قويىپ وتىرسىز. ونسىز دا وتىز جىلدان بەرى حالىقتىڭ سترەسس پەن ۇزاق دەپرەسسيالىق كۇيزەلىستەن دەنساۋلىعى جوق دەسەك تە بولادى.

ەندى ءسىز ءوز كۇنىن ارەڭ كورىپ جۇرگەن حالىققا سالىق تولەتىپ جانە ءماجبۇرلى مەديتسينالىق ساقتاندىرۋدى ەندىرسەڭىز حالىقتىڭ جاعدايى نە بولماق؟!

مەنىڭ ماماندىعىم - ەكونوميست.

ال ەندى ەكونوميست رەتىندەگى مەنىڭ كوزقاراسىم، بۇل ناعىز - گەنوتسيد...

ارداق ءƏشىم

Facebook-تەگى پاراقشاسىنان