جۇما, 29 ناۋرىز 2024
انىق-قانىعى 4518 128 پىكىر 23 اقپان, 2018 ساعات 12:29

قاماۋعا الىنعان قىرعىز دەپۋتاتى قازاقستان ازاماتى بولىپ شىقتى

الماتى وبلىسى مەن بىرقاتار وڭىرلەردە جۇرگىزىلگەن ارنايى وپەراتسيا كەزىندە ۇستالعان قىرعىز دەپۋتاتىنا قاتىستى جاڭا دەرەك پايدا بولدى.  دالىرەك ايتساق، قىرعىزستان جوعارعى كەڭەسىنىڭ دەپۋتاتى داميربەك اسىلبەكۇلى قازاقستان رەسپۋبليكاسىنىڭ ازاماتى بولىپ شىقتى.

بۇل تۋرالى قر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋباەۆ مىرزا مالىمدەدى.

ونىڭ ايتۋىنشا، قاماۋعا الىنعان قىرعىز دەپۋتاتى جامبىل وبلىسىنىڭ قورداي اۋدانىنىڭ تۇرعىنى. ۇلتى - قازاق ەكەن. داميربەك اسىلبەكۇلى كامەلەت جاسقا تولعاننان كەيىن جەكە باسىن راستايتىن كۋالىك پەن قازاقستاننىڭ پاسپورتىن العان. 2010 جىلى كۋالىك مەرزىمىنىڭ اياقتالۋىنا بايلانىستى قۇجاتتارىن قايتا جاڭالاعان.

"قازاقستان ازاماتتىعىنان شىعۋ تۋرالى ارنايى ورگاندارعا ءوتىنىش جازباعان. قازىرگى تاڭدا تەكسەرۋ جۇمىستارى ءجۇرىپ جاتىر",-دەيدى سادۋباەۆ مىرزا.

ەستەرىڭىزگە سالا كەتەيىك، 15-16 اقپان كۇندەرى الماتى، جامبىل، وڭتۇستىك قازاقستان وبلىستارىندا ارنايى وپەراتسيا ءجۇرىپ، 8 ۇيىمداسقان قىلمىستىق توپتىڭ 35 مۇشەسى قۇرىقتالعان بولاتىن. ولاردىڭ ىشىندە قىرعىزستان جوعارعى كەڭەسىنىڭ دەپۋتاتى، قىرعىز پارلامەنتىندەگى "قىرعىزستان" فراكتسياسىنىڭ وكىلى داميربەك اسىلبەكۇلى دا بولعان.

ال 17 اقپان كۇنى الماتىداعى المالى اۋداندىق سوتى 17 ادامدى قاماۋ تۋرالى شەشىم شىعارعان. بۇل 17 ادامنىڭ ۇشەۋى قىرعىزستان ازاماتى. قۇرىقتالعان ازاماتتارعا - ەكونوميكالىق كونتراباندامەن اينالىستى دەگەن ايىپ تاعىلىپ وتىر.

Abai.kz

128 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544