سامارقان وبلىسى پاستدارگام اۋدانىنىڭ 62 جاستاعى تۇرعىنى ويدين راحماتوۆا ۇلى ۋتكير راسۋلوۆتى بەس جىل بويى كورمەگەنىن ايتادى. ەندى وبلىس باسشىسىنىڭ سوزدەرىنەن كەيىن، ۇلىن كورەمىن بە دەگەن ءۇمىتى ويانعانىن جاسىرمايدى.

"جينالىس كەزىندە مەن ۇلىمدى ەلگە قايتارۋعا كومەكتەسۋلەرىن سۇرادىم. ولار ەگەر ۇلىم ەلگە كەلسە، تۇرمەگە وتىرعىزبايمىز دەپ ۋادە بەردى. ەندى ناۋرىز مەرەكەسىنە دەيىن كەلىپ قالادى ما دەپ ۇمىتتەنىپ وتىرمىن", - دەيدى ويدين راحماتوۆا. ونىڭ ۇلى ۋتكير راسۋلوۆتى 2014 جىلى رەسەي دەپورتاتسيالاعاننان كەيىن، تۇركياعا جۇمىس ىزدەپ كەتكەن ەكەن. قازىر ستامبۇلدا ءجۇر.

راسۋلوۆتىڭ ءوزى سانكت-پەتەربۋرگتا جۇمىس ىستەپ جۇرگەن كەزىندە دوستارى ءدىني سەبەپپەن سوتتالعاننان كەيىن، وزبەكستان وعان ىزدەۋ جاريالاعانىن ايتادى.

"بۇگىنگى كۇنگە دەيىن مەنى نە ءۇشىن ايىپتاعاندارىن تۇسىنبەيمىن. تەك بىلەتىنىم - ماعان ىزدەۋ جاريالاعان. سامارقان بيلىگى مەنى اقتاعانىن ايتادى. بىراق دالەل كەلتىرەتىن قۇجاتتى مەن ءالى كورمەدىم", - دەيدى ۋتكير راسۋلوۆ.

ەسكە سالا كەتەيىك، بىلتىر 15 ماۋسىمدا ءدىني قىزمەتكەرلەرمەن كەزدەسكەن وزبەكستان پرەزيدەنتى شاۆكات ميرزياەۆ كۇش قۇرىلىمدار "قارا تىزىمگە" ەنگىزگەن ناماز وقيتىن ادامداردىڭ ءىسىن قايتا قاراۋدى تاپسىرعان.

Abai.kz