يسلام سوپىلىق تانىمىندا "تاحاللاقۋ بياحلاقيللاھ" ۇستانىمى بار. ياعني ادامنىڭ اللاعا، ونىڭ سيپاتتارىنا ۇقساۋعا ۇمتىلۋى. ادام اللانىڭ سيپاتتارىن تانۋى ونىڭ ءدىني تانىمدىق تۇجىرىمىنان كورىنەدى. مىسالى سوپىلار اللانىڭ "جامال، ياكي ديدارىنا" عاشىق بولادى.

كەزىندە ابايداي قازاق داناسى وسى ۇستانىمدى باستى تۇعىر ەتىپ، ەندى بۇدان بىلاي قازاقتار، ەل بولۋ ءۇشىن اللانىڭ "سۋنعاتىنا" عاشىق بولۋدى ۇندەگەن. "بولماساڭ دا ۇقساپ باق!" نەگىزى بۇل ابايدىڭ اللاتانۋ ۇستانىمى تۋرالى ايتقان ويى. وي ءارينە تەرەڭ، قۇراندا ايتىلعانداي اللانىڭ سيپاتىنا ۇقساۋ، ماتۋريدي اقيداسىنا ساي، ياساۋي مادەنيەتىنىڭ ءدىني تاجىريبەسىنە نەگىزدەلگەن.

ادام ۇقساسا دۇرىس، ال مەملەكەت ۇقساسا ول شىركەۋگە اينالادى. سوندىقتان بۇل ۇستانىمدى ساياساتقا قولدانۋعا بولمايدى. ساياساتقا قولدانساڭ "بولۋ مەن كورىنۋ" سياقتى تەاترلاندىرىلعان ساحنادان قۇتىلا المايسىڭ (مىسالى وتىرىك سايلاۋ سياقتى).

ول دەگەنىڭ مەملەكەتتىڭ كيەلىلىك سيپاتىنا جاسالعان ەڭ سوراقى "قيانات".

ول مەملەكەت پەن قوعامدىق ينستيتۋت اراسىنداعى ساتقىندىق. مەملەكەتتىڭ قولىمەن جاسالعان ءوزىنىڭ قۇرۋشى تۇعىرىن، وتىرعان بۇتاعىن بالتالاۋى. بۇل دەموكراتيا، ەل سەنىمى، مەملەكەت پەن قوعام بىرلىگى، ەلدىك ۇلتتىق مۇددە ۇندەستىگى سياقتى اسىل قۇندىلىقتاردىڭ قۇنسىزدانۋىن داعدىعا اينالدىراتىن كەشەگى ۇدەرىستىڭ جالعاسى...ۇدەرىس جالعاسا بەرەدى، سەبەبى وندا زامان قىسىمى بار...

ال قازاق سول زامان تالابىنا ساي وسى ۇدەرىسكە ءوز "ۇيىتقىسىن/ كومپونەنتىن" ارالاستىرماسا، ءوزى دە مىنا زامانعا بوتەن بولىپ قالادى.

دوساي كەنجەتاي

Facebook-تەگى پاراقشاسىنان