قىتايتانۋشى ەندريۋ دجەك: "قىتايدا ازامات سوعىسى قاۋپى جىل سايىن ارتۋدا. ونى قىتاي بيلىگى قانشا جوققا شىعارعىسى كەلسە دە، بۇل راس فاكت" دەپتى. راسىمەن سولاي سياقتى.

ىشىندەگى وزگە ۇلتتارعا قىسىمدى قارقىندى تۇردە ارتتىرۋى قىتاي بيلىگىنىڭ ساياسي مۇددەسىمەن قاتار ونىڭ قورقىنىشىن دا كورسەتەرى انىق. ياعني ىشكى تولقۋلار، كەي ۇلتتاردىڭ تاريحي جەرىن قايتارىپ الۋعا ۇمتىلىسى قىتاي باسشىلىعىن شوشىتارى بەلگىلى. سونىمەن قاتار ازاماتت سوعىسى قىتايداعى الەۋمەتتىك جاعدايمەن دە سيپاتتالۋى مۇمكىن. مىسالى شۇرشىتتەردە ءالى كۇنگە دەيىن 200 ملن. حالىق تاقىر كەدەي، ىشەرگە اس، كيەرگە كيىم تاپپاي وتىر. ال كەي حالىق وكىلدەرى تىپتەن شالقىعان باي، جەگەنى الدىندا، جەمەگەنى ارتىندا. سونىمەن قاتار كوممۋنيستىك پارتيا نارىقتىق ەكونوميكاعا رۇقسات بەرسە دە، حالىق جاعدايىنىڭ تەڭ دارەجەدە بولارىن مالىمدەسە دە، ولاي ەمەس. مۇنىڭ بارلىعى حالىققا ۇلكەن وي سالارى جاسىرىن ەمەس.

ونىڭ ۇستىنە قىتايدىڭ ايماقتارى اراسىنداعى ەكونوميكالىق ايىرماشىلىق ءار ءتۇرلى. وڭتۇستىك-شىعىسى باي، ال باتىسى مەن سولتۇستىگى سالىستىرمالى تۇردە جۇپىنىلاۋ. شانحاي، گۋانچجوۋ سىندى ءىرى قالالار مەن ايماقتار دەربەس ەل بولۋدى قالايدى. ولار "تايۆاننىڭ كۇنى بىزدەن جاقسى" دەگەن ۇراندى ۇستانادى. سونىمەن قاتار "ناعىز قىتاي كىم؟" دەگەن تاريحي تارتىس قالجىڭنان، ساياسي تەكەتىرەسكە اينالىپ بارادى. قاراسى ما، سارىسى ما، وزدەرى دە بىلمەي دال. الايدا ەكى تاراپ تا ء"بىزبىز" دەۋدەن تايىنبايدى.

قىسقاسى قىتايتانۋشى دجەكتىڭ ءسوزىنىڭ جانى بار-اۋ. اقش-تا قىتايداعى ازامات سوعىسىنا مۇددەلى سياقتى. ونى ساۋدا سوعىسى دالەلدەپ تۇر. بولسا بولسىن. ءبىر-ءبىرىن باۋداي تۇسىرسە، باۋىرلارىمىز كەڭ تىنىستار ەدى.

اسحات قاسەنعالي

Facebook-تەگى پاراقشاسىنان