الماتى. 11 ماۋسىم. قازتاگ – وزبەكستان باسشىلىعى قىرعىزستانمەن شەكاراعا وتە جاقىن ورنالاسقان ۇيلەردە تۇرىپ جاتقان ءوز ازاماتتارىن كوشىرە باستادى، دەپ حابارلايدى «فەرعانا.رۋ».

ەسكە سالا كەتەيىك، جاقىندا وزبەكستان ءبىر جاقتى تۇردە قىرعىزستانمەن شەكارالاس جاتقان ءاندىجان وبلىسىنىڭ سىرتىنان تەرەڭدىگى جانە ەنى ءۇش مەتر بولاتىن ور قازا باستادى. ال فەرعانا وبلىسىنىڭ ريشتان اۋدانىندا قىرعىزستانمەن شەكارانىڭ بويىنا بيىكتىگى جەتى مەترلىك بەتون دۋالدار ورناتىلىپ جاتىر. قىرعىزستان شەكارا قىزمەتىنىڭ مالىمەتتەرىنە سايكەس، قىرعىزستاننىڭ سوزاق، اقسىي جانە نووقات اۋداندارىمەن شەكارالاساتىن اۋماقتاردا، ءتىپتى بەيتاراپ بولىكتەردە دە ور قازىلىپ جاتىر. ال مۇنداي ارەكەتتەر ءوزارا ۋاعدالاستىقتاردى بۇزۋ بولىپ تابىلادى. ولارعا سايكەس، ەكى ەلدىڭ پارلامەنتتەرى مەملەكەتتىك شەكارانىڭ سىزىعىن اقىرىنا دەيىن انىقتاپ، راتيفيكاتسيالاعانشا،  قۇرىلىس جانە قورشاۋ قۇرىلىستارىن ورناتۋعا تىيىم سالىنادى.

«فەرعانا.رۋ» دەرەك كوزدەرىنىڭ اقپاراتىنا سايكەس، قىرعىزستاننىڭ وڭتۇستىگىندە قىرعىز -وزبەك شەكاراسى مۇلدەم جابىق. وزبەكستان ازاماتتارى ءوز ەلدەرىنە قىرعىزستاننان ورالا الادى، بىراق كورشى ەلدىڭ اۋماعىنا ەشكىم شىعا المايدى. ءوز كەزەگىندە قىرعىزستاندىق شەكاراشىلار قىرعىزستانعا وزبەكستاننان قايتىپ كەلە جاتقان ءوز ازاماتتارىن عانا وتكىزىپ جاتىر.

الماتى. 11 ماۋسىم. قازتاگ – وزبەكستان باسشىلىعى قىرعىزستانمەن شەكاراعا وتە جاقىن ورنالاسقان ۇيلەردە تۇرىپ جاتقان ءوز ازاماتتارىن كوشىرە باستادى، دەپ حابارلايدى «فەرعانا.رۋ».

ەسكە سالا كەتەيىك، جاقىندا وزبەكستان ءبىر جاقتى تۇردە قىرعىزستانمەن شەكارالاس جاتقان ءاندىجان وبلىسىنىڭ سىرتىنان تەرەڭدىگى جانە ەنى ءۇش مەتر بولاتىن ور قازا باستادى. ال فەرعانا وبلىسىنىڭ ريشتان اۋدانىندا قىرعىزستانمەن شەكارانىڭ بويىنا بيىكتىگى جەتى مەترلىك بەتون دۋالدار ورناتىلىپ جاتىر. قىرعىزستان شەكارا قىزمەتىنىڭ مالىمەتتەرىنە سايكەس، قىرعىزستاننىڭ سوزاق، اقسىي جانە نووقات اۋداندارىمەن شەكارالاساتىن اۋماقتاردا، ءتىپتى بەيتاراپ بولىكتەردە دە ور قازىلىپ جاتىر. ال مۇنداي ارەكەتتەر ءوزارا ۋاعدالاستىقتاردى بۇزۋ بولىپ تابىلادى. ولارعا سايكەس، ەكى ەلدىڭ پارلامەنتتەرى مەملەكەتتىك شەكارانىڭ سىزىعىن اقىرىنا دەيىن انىقتاپ، راتيفيكاتسيالاعانشا،  قۇرىلىس جانە قورشاۋ قۇرىلىستارىن ورناتۋعا تىيىم سالىنادى.

«فەرعانا.رۋ» دەرەك كوزدەرىنىڭ اقپاراتىنا سايكەس، قىرعىزستاننىڭ وڭتۇستىگىندە قىرعىز -وزبەك شەكاراسى مۇلدەم جابىق. وزبەكستان ازاماتتارى ءوز ەلدەرىنە قىرعىزستاننان ورالا الادى، بىراق كورشى ەلدىڭ اۋماعىنا ەشكىم شىعا المايدى. ءوز كەزەگىندە قىرعىزستاندىق شەكاراشىلار قىرعىزستانعا وزبەكستاننان قايتىپ كەلە جاتقان ءوز ازاماتتارىن عانا وتكىزىپ جاتىر.

كەيبىر مالىمەتتەرگە سايكەس، وزبەك تەلەارنالارىندا وزبەكستان اۋماعىندا قارا-سۋ قالاسىنىڭ قىرعىز بولىگىندە ورنالاسقان فەرعانا القابىنىڭ وزبەك بولىگىن دە قىتايلىق تاۋارلارمەن قامتاماسىز ەتىپ وتىرعان  ورتالىق ازياداعى ءىرى كيىم بازارىن سالۋ تاقىرىبى تالقىلانا باستادى. قىرعىزستان قىتايلىق تاۋارلاردىڭ رەەكسپورتىنان ايتارلىقتاي پايدا تاۋىپ وتىر.

شەكارا جابىلعان سوڭ قىرعىز بازارلارىندا وزبەكستاننان اكەلىنەتىن جەمىس-كوكونىستەردىڭ باعاسى قىمباتتاپ كەتتى. الايدا ۋاقىت وتە كەلە كونترابانداشىلار كورشى ەلدەن جەمىس-كوكونىستى مەملەكەتتىك شەكاراداعى رەسمي ەمەس وتكەلدەر ارقىلى جەتكىزۋدى جولعا قويدى.

7 ماۋسىمدا وسىنداي كاسىپكەرلەردىڭ ءبىرى – وزبەكستاندىق قۇلپىناي ساتۋمەن اينالىسقان قىرعىزستان ازاماتى، قارا-سۋ قالاسىنىڭ 29 جاستاعى تۇرعىنى ۋلۇقبەك جوروكانوۆ وزبەك شەكاراشىلارىنىڭ قارۋىنان قازا تاپتى. ونىڭ دەنەسى ءالى كۇنگە دەيىن تۋىستارىنا بەرىلمەي وتىر. وزبەك جاعى ونىڭ دەنەسىن بەرۋ تۋرالى كەلىسسوزدەردەن باس تارتى.