قاۋىزىڭدى، جاراسىڭ، قاشان – باعىم؟!

ساتىپ،
الار ما؟ – ەدىك، تاڭداماي گۇل،
جان يەسى، تاڭداۋى، ءار قالاي بۇل...
وزگە گۇلدى، سۋىرىپ، وزەگىنەن،
«ءوز قاۋىزىن» كەي جاندار، اڭداماي ءجۇر...

قىلامىز دا،
ۇنەمى، ءۇرىن – سەبەپ،
كەيىنگى ورىن، ەتەمىز، كۇتىم تەجەپ.
ءار ءىستىڭ دە، وزىندىك، ۋاقىتى بار،
سول سەبەپتى، ءبارىن دە، «كۇتۋ قاجەت»...

ۇسىنعىم-اق،
كەلەدى، ۇشىرماي - باق،
مەكەن ەتۋ، باقىتتىڭ، تۇسىن بويلاپ.
«ماڭگى، قاۋلاپ تۇرساڭ» - دەپ، تىنىمسىزبىن،
تاڭ اتىرام، ءار - اپتا، ءۇشىن دە ويلاپ...

قاۋىزىڭدى،
جاراسىڭ، قاشان – باعىم؟!
سول ءسات – مەندىك، تايادى، اجاردان-مۇڭ.
ماعان – وزگە، گۇلدەردىڭ، قاجەتى جوق،
تەك، وسىلاي، ۇنايدى - گوزال قالپىڭ...

سۋالماشى،
«ءزام-ءزامدى»، شولپىلدەتەم،
شۋاق – شاشقان، نۇرىما، كوركىم دە - سەن.
ماڭگى- قۇلپىر، جارىعىم، باقشامداعى،
تولعان – ءۇمىت، سەنىمدى، ولتىرمەسەڭ...

تاڭ قارايدى 

تىرشىلىگى تىندى دا تاڭ قارايدى،
مەن قۇشاقتاپ وتىرمىن زاڭعار ايدى.
تۇندە مەندە تىنىمسىز تىرشىلىك بار،
بىراق ونى كوبىسى اڭدامايدى.

اق ۇسىنىپ بار ءناسىپ جەگىزگەن ەل،
پاك ارمانىن ۇمىتپەن ەگىز كورەر.
ەشكىم جوققا شىعارماس -ول ءبىر نانىم،
ءتۇن جارىمدا جۇرەدى پەرىشتەلەر.

ارنايىن دەپ ەلىمە ەڭ ىزگى ولەڭ،
تۇلەن تۇركەن تۇلەندەي تارىزدەنەم.
قىلتيمادا قىلتيىپ مەن وتىرمىن،
اق پەرىشتەم كەلەر دەپ مەن ىزدەگەن.

جۇلدىزىمدى سوندىرمە اشىق ايىم،
دەپ جانارعا جاسىردىم تامشىداي مۇڭ.
سۇراۋ سالساڭ ءتاڭىرىم تايماس باستان،
باقىتىمنان مەڭ -دەيىن باق سۇرايمىن.

باق قونادى باسىما قانشالاعان،
ۇعا الام با دەيمىن دە ارشا بولام.
مەن بارىندە كەشىردىم ال ۇيىقتايىن،
كەشىرىڭدەر مەنى دە بارشا ادام.

ءومىر سىندى شاحماتتىڭ تاقتاسى

كۇندەس تۋعان،
قاراسى مەن اق – قاسى،
شەكەر ءارى شىرت تۇكىرتەر شاقشاسى.
العا جۇرسەڭ ورالا دا المايتىن،
ءومىر سىندى شاحماتتىڭ تاقتاسى.
بار پەندەگە اشىق تۇرعان قاقپاسى...

وعان اقىل،
قاجەت ەنشە ايلالىق،
شالىس قىلسا، ەكى جەيسىن، پايدا-ۇق.
سابىرلىقپەن كۇتۋ كەرەك اقىرىن،
ءوز الدىڭا كەلەر كۇندى اينالىپ.
شەكتى زاڭنىڭ كىندىگىنە بايلانىپ...

تەزدەتەيىك،
ۋاقىت جاتىر سانالىپ،
ەكى مارە، قىل-كوپىرلىك، ارالىق.
«بيگە» - جەتسە، ءوز قولىڭدا بيلىگىڭ،
وسى جولدا جانكەشتىمىز جاڭالىق.
جان بەرگەن ءبىز،
سەنەرسىز بە، جان الىپ؟!

دامىلداۋعا،
مۇرسات جوق دەپ ۇزىك ءبىز،
تالاي مارتە ويىن شارتىن بۇزىپپىز.
قوس پىراعىم جىعىلعاسىن اۋەلى،
ماعان ءسىرا كورىنەدى قىزىقسىز .
تورەشىمىز تورەلىگى تۇسىنىكسىز...

ءادىل قازى ساراپشىسى اقىرەت،
جاببار يەم جاراتقانىم راقىم ەت.
قالت جىبەرمەس قامقى تىرلىك الدانىش،
تاعدىر اشىق ساباعىڭا راقىمەت...

قول بۇلعاپ، وزدەرىنە، شاقىرادى..

كوك مايسا،
جەلەك ەتكەن-اتىرابى،
قارا شي، وزەن بويلاپ، جاتىر - ءانى.
تۇسىمە، ەنە قالسا، انام-اكەم،
قول بۇلعاپ، وزدەرىنە، شاقىرادى...

جۇرەكتە،
سوڭعى، دەمشە-امالدايىن،
ساعىمعا، بولەسە دە، سانامدى-اي مۇڭ.
مەن-ءتىرى، سەندەر-ءولى، ەكى-الەمبىز،
جوق، كەشىر، ازىرگە ەرتە، بارالمايمىن...

كورگەندە،
قۋشاق جايعان، ەلەستەرىن،
جۇگىرە، قۇشاقتاماي مەن نە ىستەدىم؟!
ۇلىمنىڭ، «كەتپە» - دەگەن، ءۇنىن-ەستىپ،
بەكىندىم، «باسامىن»- دەپ، جەر-وكشەسىن...

جانىندا،
اعا، اجە – قارىنداسىم،
بەرگى بەت، سۇلىق تۇرمىن، جارىم-باسىم.
جاناردان، جاس تامادى، وكسىپ-سەبەپ،
ون ءۇش جىل، كورمەگەلى، ساعىنعاسىن...

اق كيىپ
اتام، تۇڭعىش-ۇلىم دا ءجۇر،
ەستىرمە، ەكەنمىن ءبىر، ءۇنىڭدى-اسىل.
جاراتقان، عۇمىر، ءناسىپ-ەتكەنىندە،
جۇرەر مە، قۇلدىراڭداپ، بۇگىن قازىر...

قول سوزىپ،
وكىنىش – ۋ، اھ ۇرادى،
نە بولار، پاك-ءۇمىتىم، باقىلاۋى؟!
ازىرگە، بارالمايمىن، «كەشىر-قالقام»،
«مەن»-دەگەن، جەر بەتىنىڭ، اقىماعى...

بۇگىن-جۇما

ۇندەمەيمىز،
وكپەلىمىز، كۇن مەنەن تۇنگە كەي ء*بىز*.
حاق پارىزى، بەس ۋاقىت نامازىڭ جوق،
دۇرىسى،تىم - كەدەيمىز...

ار *ايىقشى*,
تاعارمىز وتكەن شاققا بار *ايىپتى*.
بۇگىن - جۇما، *راحىمنىڭ*, نۇرى - جاۋعان،
دوسىم ءجۇر، *بارايىقشى*...

تاعات بار ما؟
ءومىر ولشەپ بەرەتىن ساعاتتاردا،
ناماز وقىپ كۇنəدəن ارىلايىق،
بولەنىپ، ساۋاپتارعا...

جازىمىشتار،
جان بالاسى جاقسىعا جانى قۇشتار.
فانيدە، كەزدەسەمىز - قوشتاسامىز،
قالارى، ساعىنىشتار...

راقىمدى اللا،
"اماندىق بەر", جۇرتىما،
جاقىندارعا.
جۇرەگىنە يمان بەر - جاراتۋشىم،
ورلەتىپ، اقىلدى - العا...

سۇيەمىن...

اناشىم!!!
ءسىز – مەنى،
«Cاعىنعان» - شىعارسىز؟!
مەن – ءسىزدى، كورۋگە اسىقپىن،
جانىمدى، جاۋلادى، مۇڭ – ارسىز،
شىن ايتسام، ءبىر قىزعا - عاشىقپىن...

ونىڭ دا،
جانارى - سىزدەيىن،
Əردايىم، كۇلىمدەپ تۇرادى.
مەن – سىزدەي، ونى دا – ىزدەيمىن،
جەتپەي تۇر، جانىما – شۋاعى...

اناشىم، ەسىمى، ەرەكشە،
مىنەزى، قاتالداۋ، وجەتتى.
الاما، ءجيى – ول، مەنى ەسكە،
دەي، المان، «وكپەمىز»، از ءوتتى...

اق ءجۇزى،
اي تۇنعان، انامداي،
ءجۇرىسى، سويلەۋ – ءسوز، ادەبى.
بەرەمىن وزىڭدەي الاڭداي،
سەبەبى،
«سۇيەمىن»، مەن – ونى...

ۇنەمى، ەلەڭدەپ، جۇرەگى،
ءزىل مۇڭىن،
جاسىرىپ – جانارعا.
ءىش – جىلاپ، تۇرسا دا، كۇلەدى،
وسى – جاي،
ءتان – انا، ساعاندا...

جەكسەنبى...
جانىمدا، جالقى - مۇڭ
تاعدىرلىق،
كۇي جەڭگەن، جابىرقاۋ...
ىزدەۋمەن، وتۋدە، ءار كۇنىم،
قازىر جوق،
مۇمكىن بە، ساعىنباۋ؟!

ۇمىتپايمىن 

ءتۇبى سەزىپ،
بۇل كۇيدى،
بىلەمىن – ءبىر،
«ءبىر ەتسىنشى»،
تاڭىردەن، تىلەۋىم – بۇل...
سەزەسىڭ بە؟ - جارقىنىم،
جۇرەگىڭنىڭ جانىندا جۇرەگىم ءجۇر...

كەتە المايدى،
نەلىكتەن؟
شاراسىزدىق،
قيماستىق پا،
جانار دا،
قارادى ۇزدىك؟!
ۇكىمىنە تاعدىردىڭ،
قارسى كەلمەي، قينالا، ارانى ۇزدىك...

«ۇمىتامىن» - دەپ، جاساپ، باتىل – قادام،
باعىنبايدى، ءتۇسىنشى، اقىل – ماعان. . .
ءسال - ارالىق قوسپايدى،
جەتكىزبەيدى، قالعانمەن، جاقىن – قادام...

ىزدەمە دە، وتىنەم، حابارلاس پا؟!
بار باقىتتى، كەم ەتكەن، ماعان، باستا...
تەلەفونعا تەلمىرگەن،
شىرىلىنان، وزگەنىڭ، الاڭ – بوسقا. . .

ەستيسىڭ بە؟
ءۇنىمدى. «كەتپە» - دەيمىن،
جەك كورمەيمىن، تاستا-سەن، ورتكە مەيلىڭ.
ەگەر كەتسەڭ جانىمنان،
وكىنەمىن، ومىرلىك، وكپەلەيمىن . . .

ماحابباتىم،
وجەتتى، ءۇمىتتى ايبىن،
جىلاۋىن دا، بىلمەيتىن، كۇلىپ، قاي – كۇن؟!
سەنەسىڭ بە؟ – التىنىم،
مەن سەنى، ەشقاشاندا، ۇمىتپايمىن...

اناشىم...

اناشىم...
ەكەن عوي تاعدىرىم تاراسىم.
ۋاقىت ءومىردىڭ ولشەمى،
مەڭزەيتىن ءولىمنىڭ اراسىن.

دارا شىڭ...
ەسىمدە ءۇنىڭ دە قاراسىڭ.
ەسكە الىپ جاناردان جاس تامدى،
تاڭا الماي جۇرەكتىڭ جاراسىن.

ۇنىڭدە...
جەتكەنىم كەشەدەن بۇگىنگە.
ماداقتاپ كەلىپ تۇر مىسكىندەر،
قادىرىڭ بىلىنبەي تىرىڭدە...

بەينەڭىز...
كەزىككەن جاندايمىز بەينە ءبىز.
وڭىمدە جۇرگەندەي سەزىنەم،
تۇسىمە ەنگەندە كەيدە ءسىز...

وتەر ءىز...
جولىعار ساتتەرگە جەتەمىز.
پەندەلەر قوناقتىق مەكەندى،
سىزدەردەي ءبىز تاستاپ كەتەمىز.

اتىلدى وق...
شيمايلاپ قويامىن اقىن بوپ.
قاسىمدا ءسىز جوقسىز ەندەشە،
ساعىنباي جۇرۋگە حاقىم جوق.

قۋ دۇنيە...

جانارىما جاسىرىپ مۇنار ايدى،
ءوز تاعدىرىم وزىمە ۇنامايدى.
جەتىم مىنا جۇرەكتىڭ جاراسى اۋىر،
جاۋتەڭدەيتىن جانار ما سىعالايدى؟!

ادالدىعىم نامىسىم قالايدى اعىن،
بىلەم مەندىك شۇعىلاڭ اراي بارىن.
ەلەسىڭدى كەمسەڭدەپ بالالىعىم،
ەسكە الىپ وكسىكپەن قارايلادىم.

جەتكىزبەيتىن قۋعاننان جالعان ارمان،
اربالعاننان شارشادىم الدانعاننان.
كۇتەتىندەي قۋانىش زارلى جۇرەك،
تاڭداپ العان شۋاقتى تاڭنان الدان.

ۋاقىت جەبىر، قاراساڭ قاسقىر ايدى،
جىل جىلجيدى بەرىك دەر تاس شىدايدى.
ساناداعى جاۋاپسىز سۇراقتارعا،
جاۋاپ ىزدەپ جاناردان جاس قۇلايدى.

الاڭداماس مەن ءۇشىن الاڭدارىم،
مەنىڭ سەنگەن ىزدەيتىن ادامدارىم.
جالعان ماعان جالت ەتكەن باعىن بەرگەن،
قۋ دۇنيە قاس قىلعان ماعان ءبارىن...

اينا الدىندا

اينا الدىندا،
وتىرمىن – بەتپەردەسىز،
«وزگەرگەنسىڭ» - دەيسىڭ بە؟ وتكەندە – ءسىز...
بۇگىن – قالاي؟- « سۇيەمىن» - دەپ ايتاسىز ،
كەشە عانا، ول جاندى، جەككورگەنسىز...

وتكەن ساعان...
تاڭسىق پا؟ - كەكتەنگەنىم،
سىزاتى ما؟
جۇرەكتە - وتكەندەردىڭ
اينا – Cەنەن، «ەشتەڭە جاسىرمايمىن»،
ايناسىسىڭ ەسكىرمەس بەتپەردەنىڭ...

كۇلەيىن بە؟
ەمەس قوي – شىنايىلىق،
كەيپىم جاتقان سەكىلدى مۇڭ ايىعىپ.
جۇباتامىن دەگىنىڭ جىلاتادى،
كىم قوسىلىپ،
بارادى، كىم ايىرىلىپ؟!

جانارىمدا،
جۇمباق سىر. ايان - ساعان،
جاۋابىنا قانىقسا ايار عالام.
اينا ايتشى، بايانسىز تىرلىگىمدە،
ءتامام بولار، قاي تۇستا، باياندامام؟!

سىناق ءومىر، ايتارمىز كەسىمدەي ءبىز،
«اينا» - دەيمىز. نە قىلدىڭ، كەسىردەي - ءسىز.
سىنساڭ،
سىزدەي، قوقىسقا – لاقتىرادى،
مىڭ - كەسىر وي؟
كەسىمسىز ەسىركەيمىز...

اينا – قارا،
«اق شاش تۇر» - بايقادىڭ با؟!
جابى مۇڭنان؟
قالماپتى، جاي -تانۋعا…
ءاجىم – ءارىن،
ماڭدايعا – جاسىرىپتى،
ءباز كۇن قايدا؟
بولماي ما، قايتارۋعا؟!

جۇپار قىلسا الەمگە ءاتىرىمىز،
جات بولار ما، ەدى، بۇل – جاقىنىمىز؟!
اللا الدىندا،
«قۇنىڭىز». قانشا – ءسىزدىڭ،
اقىر كۇننىڭ، قوناعى، اقىرى – ءبىز...

ۇلدە – دۇنيە،
بۇلدەلى، ءۇر – دەنەنى،
پەندەلەردى قالايشا كۇرمەگەنى
نەگە؟ – دەگەن، سۇراقتى، ءجيى – قويام،
جاۋىبى - جوق، كۇبىرلەر بىردەڭەنى...

«اينا» - ايتشى،
جاتىم كىم، جاقىنىم كىم؟!
اڭعارمايمىن ازدىعى اقىلىمنىڭ.
جار قۇلاتار،
قانايدى، قۇزعىن - ۋاقىت
جاۋ استىندا، جاستانىپ، جاتىر – ۇلگىم…

قايتەم ەندى،
تاعدىرىم، تەرىس – كورسە،
كەرىسكەنشە،
سابىرلىق. «كونىس» – كونسە،
ءسال وتىرسام، ومالىپ، قالا بەرەم،
اينا - بولدى،
مەن كەتتىم- كورىسكەنشە...

شارشادىم 

سارالاسا،
پەندە، ناقتى – اڭداسا،
«ءبارى جاقسى»،
تەك – «جارالى- قالماسا»
ءولىم قۇنى،
Cونشا، اۋىر - بولماسا،
ءومىر ءمانى، تىم – ارزاندار
دالباسا...

اۋعان شاقتا،
جانارىڭا مۇنار شاق،
تۇمانىنان
سۇراۋ ىزدەپ، كۇن - اڭساپ
ءومىر – ءولىم، قاتار تۋعان، قوس قۇلىن،
اي مەن كۇندىك
ارالىعى تىم الشاق...

كەزدەسۋدىڭ،
قوشتاسۋى، بار، انىق،
جان بەرەمىز، سۇيگەن ءۇشىن، جان الىپ
جاراتقانىم
كەشىرىمدى، بولسادا،
كەشىرمەيمىز، ەت – سۇيەكتەن، جارالىپ...

جۇباتپايمىز،
تانىماساق، "ارمەندە"...
نە قىلامىز،
اللا بەرگەن، پارمەنگە؟!
جەڭىلىسى – جەڭىسىمەن
تەتەلەس،
ءوز مۇڭىنا، ءوزى كۋا، ءار پەندە...

«ىشتەي جىلاپ سىرت كۇلۋى» بارشانىڭ،
مەن - حانزادا
بولسام، يگى،
حانشا كىم؟
ءلايلى – ءماجنۇن
ماحابباتى باياندى،
مەن بايانسىز، تىرلىگىمنەن، شارشادىم...

Abai.kz اقپاراتتىق پورتالىندا جاريالانعان ماقالاعا پىكىر ايتىپ، ويىڭىزدى بىلدىرگىڭىز كەلسە، مىنا پاراقشاعا جازىپ قالدىرىڭىز!

Abai.kz