ۇلتتىق قاۋىپسىزدىك كوميتەتى الماتى قالالىق دەپارتامەنتىنىڭ قىزمەتكەرلەرى ىشكى ىستەر ورگاندارىمەن بىرلەسىپ، جوعارى وقۋ ورىندارىنا قابىلداۋعا ارنالعان تەستىلەۋ تەحنولوگياسىن بۇزۋشىلىق فاكتىلەرىن انىقتادى، دەپ حابارلادى پودپولكوۆنيك بولاتبەك تولەتاەۆ.
قاۋىپسىزدىك قىزمەتكەرلەرى تەستىلەۋدىڭ ءبىرىنشى كۇنى-اق سۇراقتارىنىڭ دۇرىس جاۋاپتارى جازىلعان كودتى ساتۋعا ارەكەت جاساعان قىلمىستىق توپتى انىقتادى. الاياق توپ ەمتيحان سۇراقتارىنىڭ دۇرىس نۇسقالارى جازىلعان ديسكىنى 3000-3500 دوللارعا ساتپاقشى بولعان. بۇلارعا قاتىستى الاياقتىق جاساعان دەگەن ايىپ تاعىلىپ، قىلمىستىق كودەكستىڭ 177-بابىنىڭ 2-بولىگىمەن قىلمىستىق ءىس قوزعالعان. قازىر قاماۋدا وتىرعان كورىنەدى.

ۇلتتىق قاۋىپسىزدىك كوميتەتى الماتى قالالىق دەپارتامەنتىنىڭ قىزمەتكەرلەرى ىشكى ىستەر ورگاندارىمەن بىرلەسىپ، جوعارى وقۋ ورىندارىنا قابىلداۋعا ارنالعان تەستىلەۋ تەحنولوگياسىن بۇزۋشىلىق فاكتىلەرىن انىقتادى، دەپ حابارلادى پودپولكوۆنيك بولاتبەك تولەتاەۆ.
قاۋىپسىزدىك قىزمەتكەرلەرى تەستىلەۋدىڭ ءبىرىنشى كۇنى-اق سۇراقتارىنىڭ دۇرىس جاۋاپتارى جازىلعان كودتى ساتۋعا ارەكەت جاساعان قىلمىستىق توپتى انىقتادى. الاياق توپ ەمتيحان سۇراقتارىنىڭ دۇرىس نۇسقالارى جازىلعان ديسكىنى 3000-3500 دوللارعا ساتپاقشى بولعان. بۇلارعا قاتىستى الاياقتىق جاساعان دەگەن ايىپ تاعىلىپ، قىلمىستىق كودەكستىڭ 177-بابىنىڭ 2-بولىگىمەن قىلمىستىق ءىس قوزعالعان. قازىر قاماۋدا وتىرعان كورىنەدى.
– ۇلتتىق بىرىڭعاي تەستىلەۋدى وتكىزۋ ءتارتىبى جانە دۇرىس جاۋاپتاردىڭ كودى مەملەكەتتىك قۇپيا قۇجاتتارىنىڭ ساناتىنا جاتقىزىلعاننان بەرى قىلمىستىڭ وسىنداي جاڭا تۇرلەرى شىقتى. ۇبت-نىڭ دايىن جاۋاپتارىن ساتىپ جۇرگەندەر مۇنىڭ قىلمىس ەكەنىن بىلگەنمەن، ونى ساتىپ الۋشىلار قانشالىقتى قىلمىس جاساعانىن بىلە بەرمەيدى. سونداي-اق تەستىلەۋ وتكىزىلەتىن دارىسحاناعا ۇيالى بايلانىس تەلەفوندارىن، باسقا ەلەكتروندىق تەحنيكانى الىپ كىرۋ جانە پايدالانۋ دا زاڭ بۇزۋشىلىق بولىپ سانالادى. دەگەنمەن وتكەن جىلدارداعىداي ەمەس، ءتارتىپ بۇزۋشىلاردىڭ سانى جىلدان-جىلعا ازايىپ كەلەدى. بىلتىر ۇبت ءوتىپ جاتقان دارىسحاناعا ۇيالى تەلەفوندارىن ىشكە الىپ كىرمەك بولعان 24 ادام جانە ەمتيحان كەزىندە پايدالانعان 4 ادام انىقتالسا، بيىل ونداي 3 تالاپكەر عانا ۇستالدى. تەستىلەۋگە قاتىساتىن تالاپكەردىڭ ورنىنا باسقا ادامنىڭ كىرىپ كەتۋ فاكتىلەرى دە انىقتالدى. ءتارتىپ بۇزىپ، ۇستالعانداردىڭ بارىنە مەملەكەتتىك كوميسسيا ءتيىستى شارالار قولدانىپ، ولاردىڭ تەستىلەۋ كەزىندەگى بەرگەن جاۋاپتارىن جوققا شىعارادى، – دەيدى ۇلتتىق قاۋىپسىزدىك كوميتەتىنىڭ الماتى قالالىق دەپارتامەنتىنىڭ ءباسپاسوز قىزمەتكەرى بولاتبەك تولەتاەۆ.
قازىر الماتى قالالىق دەپارتامەنتىنىڭ قىزمەتكەرلەرى، الماتى قالالىق پروكۋراتۋراسىنىڭ سانكتسياسىمەن، ۇبت جاۋاپتارىنىڭ دۇرىس نۇسقالارىن الىپ، ونى تاراتۋعا قاتىسى بار ادامداردى انىقتاۋ جانە مەملەكەتتىك قۇپيا ساناتىنداعى ۇبت كودتارىنىڭ تۇپكى تارالۋ كوزىن انىقتاۋ جۇمىستارىن جالعاستىرىپ جاتىر. تەستىلەۋ سۇراقتارىنىڭ دۇرىس نۇسقاۋلارى جازىلعان ديسكىلەردى ساتىپ الىپ، قولدانعان تالاپكەرلەر ۇبت سىناعىنان الاستاتىلىپ، جوعارى وقۋ ورىندارىنداعى بايقاۋعا قاتىسۋ قۇقىنان ايىرىلادى.

قايىرجان تورەجان
«ايقىن» گازەتى، 9 ماۋسىم 2009 جىل