دۇيسەنبى, 25 ماۋسىم 2018
691 4 پىكىر 12 ماۋسىم, 2018 ساعات 12:34

قازاقستاندىق مەكتەپ وقۋشىلاردىڭ روبوتتارى ماسكەۋدى باعىندىردى

قازاقستاننىڭ جاس ينجەنەرلەرى 2018 جىلعى ماۋسىمدا ماسكەۋ قالاسىندا وتكەن "LEAS Russia & Kazakhstan EV3 robotics challenge" روبوت تەحنيكاسى بويىنشا حالىقارالىق بىرىنشىلىكتىڭ جۇلدەگەرلەرى اتاندى.

جازدىڭ العاشقى كۇندەرى رەسەي استاناسىنداعى Kids City («بالالار ماماندىقتارىنىڭ قالاسى») بالالارعا ارنالعان ءبىلىم بەرۋ-ساۋىقتىرۋ جوباسى الاڭىندا وتكەن LEAS (LEGO Education Afterschool Programs) Russia & Kazakhstan EV3 robotics challenge روبوت تەحنيكاسى بويىنشا جارىستاردىڭ گراند-فينالى قازاقستاندىق ۆۋندەركيندتەردىڭ كەزەكتى جەتىستىگىمەن ەستە قالدى. قازاقستاننىڭ بەس جۇلدىزى – رۋمەيسا ۆارول، تولەۋتاي قاسەنوۆ، كيريلل تاباچنيكوۆ، يمران مۋحامماد جانە ۆالەريا پريماچەنكو – فۋنكتسيالارى جەردىڭ تىرەك وربيتالارىندا عارىشتىڭ ءىرى قالدىقتارىن ىزدەۋ، جيناۋ جانە كادەگە جاراتۋدى كوزدەيتىن، اۆتونومدىق روبوتتاردى جيناۋ جانە باعدارلامالاۋ بويىنشا كۇردەلى تاپسىرمالاردى ءساتتى ورىنداپ شىقتى.

سونداي-اق، سايىستا پەرم، ەكاتەرينبۋرگ، جەلەزنودوروجنىي جانە كراسنوگورسك قالالارىنىڭ مەكتەپ وقۋشىلارى لايىقتى ونەر كورسەتتى. كونكۋرس «جەر ماڭايىنداعى عارىشتىق كەڭىستىكتى بىرگە تازالايىق!» دەگەن ۇرانىمەن، كىشى (ون جاسقا دەيىنگى) جانە ۇلكەن (ون جاستان ۇلكەن) ەكى جاس كاتەگوريالارىندا ءوتتى.

Abai.kz

4 پىكىر