بەيسەنبى, 28 ناۋرىز 2024
اباي.tv 9852 29 پىكىر 17 ماۋسىم, 2018 ساعات 17:09

«استانا-الماتى» باعىتىندا قاتىنايتىن پويىز اپاتقا ۇشىرادى (فوتو-ۆيدەو)

«استانا-الماتى» باعىتىندا قاتىنايتىن پويىزدىڭ اپاتقا ۇشىراۋىنا بايلانىستى قاۋىرت جەلى ىسكە قوسىلدى. بۇل تۋرالى قر ءىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ ءمالىم ەتتى، - دەپ حابارلايدى قازاقپارات ءتىلشىسى.

«استانا-الماتى» باعىتىندا قاتىنايتىن №9 جولاۋشىلار پويىزىنىڭ 6 ۆاگونى رەلستەن شىعىپ كەتىپ، ۇشەۋى اۋدارىلدى. سونىڭ سالدارىنان 4 ادام زارداپ شەكسە، بىرەۋى قازا تاپتى. قازا تاپقان ادامنىڭ اتى-ءجونى انىقتالىپ جاتىر»، - دەدى ول.

ونىڭ دەرەگىنشە، توتەنشە وقيعا ورنىندا قۇتقارۋشىلار بريگاداسى، جول بويىنداعى مەديتسينالىق قۇتقارۋ بەكەتى جەدەل ارەكەت ەتۋ بريگاداسى جۇمىس ىستەپ جاتىر.

«پويىزداعى جولاۋشىلارى «استانا-قىزىلوردا» باعىتىنداعى جولاۋشىلار پويىزىمەن «شۋ» ستانساسىنا جونەلتىلدى. ساعات 15-10-دا «قازاۆياقۇتقارۋ» تىكۇشاعىمەن وقيعا ورنىنا وبلىس اكىمىنىڭ ءبىرىنشى ورىنباسارى ب.ورىنبەكوۆ، وبلىستىق دەنساۋلىق ساقتاۋ باسقارماسىنىڭ جەتەكشىسى، جامبىل وبلىستىق تجد باسشىسى اتتاندى. جامبىل وبلىستىق توتەنشە جاعدايلار دەپارتامەنتىندە قاۋىرت جەلى ىسە قوسىلدى. تەلەفون ءنومىرى: 51-35-75, 51-41-67»، - دەدى رۋسلان يمانقۇلوۆ.

قازىرگە بەلگىلى دەرەكتەر تومەندەگىدەي:

وقيعا 13.25-تەر شاماسىندا، «شىعاناق-شۋ» ۋچاسكەسىنىڭ «جيدەلى-بىرلىك1» پەرەگونىندا بولعان. № 9 پوەزدىنىڭ 6 ۆاگونى رەلستەن شىعىپ كەتكەن.

توتەنشە جاعداي سالدارىنان 3 ادام جاراقاتتانىپ، ءبىر ادام قازا تاپتى (جەكە بەلگىلەرى انىقتالۋدا).

وقيعا ورنىنا جوتجد «وسجانەاقجق» مم-نەن 2 بىرلىك، اتس اۆتوكىلىگىمەن 7 ادام، شۋ اۋدانىنداعى توتەنشە جاعدايلار بولىمىنەن 2 ادام، 1 دانا تەحنيكا، «تولە بي» اۋىلى ماڭىنداعى كۇرەجولدىق مەديتسينالىق قىزمەتىنىڭ شۇعىل ارەكەت جاساعىنان 4 ادام، 1 رەانيموبيل، شۇعىل مەديتسينينالىق جاردەمنەن 2 دانا تەحنيكا جانە 6 ادام تارتىلدى.

وبلىس اكىمى اسقار مىرزاحمەتوۆتىڭ تىكەلەي تاپسىرماسىمەن وقيعا ورنىنا وبلىس اكىمىنىڭ ءبىرىنشى ورىنباسارى ب.س.ورىنبەكوۆ، وبلىس اكىمدىگىنىڭ دەنساۋلىق ساقتاۋ باسقارماسىنىڭ باسشىسى م.س.جۇمانقۇلوۆ، توتەنشە جاعدايلار كوميتەتىنىڭ جامبىل وبلىستىق توتەنشە جاعدايلار دەپارتامەنتى باسشىسىنىڭ م.ا. ت.ن.سابيروۆ، جەرگىلىكتى پوليتسيا قىزمەتى باسشىسىنىڭ ورىنباسارى م.ك.بايسەركەنوۆ «كازاۆياسپاس» تىكۇشاعىمەن اتتاندىرىلدى.

سونىمەن قاتار، ساعات 15.30-دا «جەدەل قۇتقارۋ جاساعى» مم-نەن 2 دانا تەحنيكا جانە 8 ادام توتەنشە جاعداي ورىن العان اۋماققا كومەككە كەلىپ جەتتى.

توتەنشە جاعدايلار كوميتەتىنىڭ جامبىل وبلىستىق توتەنشە جاعدايلار دەپارتامەنتىندە ىستىق جەلى (51-35-75, 51-41-67) ورناتىلدى. وندا جوتجد «وسجانەاقجق» مم-نەن جانە «جەدەل قۇتقارۋ جاساعى» مم-نەن الدىرىلعان پسيحولوگتار تۇرعىنداردىڭ اتالعان وقيعا بويىنشا سۇراقتارىنا جاۋاپ بەرەتىن بولادى.

Abai.kz

29 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3521