ەشكىم شاتاق شىعارعان جوق ەدى
كەشەدەن بەرى قىتاي جىگىتىنە تۇرمىسقا شىققان قىزدىڭ سىرعا سالىپ جاتقان سۋرەتىن جولداپ، "بۇعان نە ىستەۋگە بولادى؟، بۇعان جول جوق" دەپ، وقىرمانداردان حابارلاما كەلىپ جاتىر.
قانشاما بويجەتكەن قىتايدان بالا تۋىپ، اقتوبە، اتىراۋدا ، الماتىدا ءومىر ءسۇرىپ جاتىر. ولاردان سۇحبات الىپ، تەلەارنادان ەكى جىل بۇرىن كورسەتتىك. ەشكىم شاتاق شىعارعان جوق ەدى. بۇل جولى ەركەكتەردىڭ ورە تۇرەگەلۋىنە نە تۇرتكى بولدى؟
سول اقپاراتتى جولداعان ادام كىم؟ ماقساتى نە؟ الەۋمەتتىك جەلىنىڭ كومەگىمەن بىرەۋدەن كەگىن الىپ، كوزدەگەن ويىن جۇزەگە اسىرعان جوق پا؟
وسى جۇرتتى دۇرلىكتىرگەن ادام بالكىم سول تويدا بيلەپ ، پاكەتىنە سارقىتىن تولتىرىپ قايتقان شىعار.
ءوز ويىم عوي . شاقىرۋ قاعازىن نە ءۇشىن جاريالادى ەكەن دەگەن ساۋال دا مازالايدى.
ال وقىرمانداردىڭ حابارلاماسىنا ەشقانداي جاۋاپ جازعان جوقپىن. اركىم ءوز ومىرىنە جاۋاپ بەرۋى كەرەك. كۇيەۋىن اتارعا وق تاپپاي جىلاپ جۇرگەندەردىڭ سۇرىنگەندى تابالاعاندا توبە شاشىم تىك تۇردى.
جازيرا بەگالىنىڭ Facebook-تەگى پاراقشاسىنان
Abai.kz
