الەمدىك ادام قۇقىعىن قورعاۋ ۇيىمىنان! قازاقتىڭ ادىلەتتى قولدايتىن ازاماتتارىنان! باتىر قىز سايراگۇل ساۋىتبايقىزىنا اراشا سۇرايمىن!

23 ماۋسىم كۇنى تالدىقورعان ۋاقىتشا ۇستاۋ اباقتىسىندا لا155/16 جاتقان سايراگۇلدىڭ ميى شايقالىپ، اۋىرۋحاناعا  تۇسكەن. بۇل تۋرالى اقپارات قۇرالدارى جارىسا جازۋدا.

قىتايداعى ادام توزگىسىز قىرعىنشىلىقتىڭ سالدارىنان شەكارانى زاڭسىز كەسىپ ءوتتى دەگەن ىلىكپەن ايىپتالىپ وتىرعان سايراگۇل ساۋىتبايقىزىنا قىسىم تۇسۋدە!

قازىرگە دەيىن ەركىن ازيا، Chaina Ait سياقتى الەم اقپاراتىندا قىتايدا 500 مىڭ قازاقتىڭ گەنوتسيتكە ۇشىراپ جاتقانى ايتىلىپ، دالەلدەنۋدە. ساياسي ۇيرەنۋ دەگەن جان توزگىسىز ورتالىقتىڭ ازابىن، تۇتقىننان بوساعان ازاماتتار مەن الەم اقپاراتى جارىسا جازۋدا...  ەش جازىقسىز سوتتالىپ، ءىز-توزسىز ءولتىرىلىپ جاتقان قانداستاردىڭ وبالى، ەگەر اراشا تۇسپەسەك ءبىزدىڭ موينىمىزدا!

ءۇش ميلليون قازاقتىڭ بەستەن ءبىرى تۇرمەدە، ودان قالعانى ءولتىرىلىپ جاتىر. يمامداردىڭ ءبارى  ولتىرىلگەن. سول جاقتاعى قالالاردىڭ ءوزىن تۇرمەگە اينالدىرىپ، بوستاندىقتا جۇرسە دە باقىلاۋ تەتىكتەرى قويىلىپ، وسى ارقىلى سوتتالىپ، اتىلىپ جاتىر. قىتاي قازاعىنان قازىرگە دەيىن ەش تەرروريست، ەكسترەميست شىقپاعانىن قر ىشكى ىستەر ءمينيسترى دالەلدەپ بەردى. ءتىپتى قىتاي بيلىگىنىڭ  وزىدە بۇل تۋرالى كەزىندە بەيجىڭ دە وتكەن قۇرىلتايدا «قازاق - بەيبىت حلىق» دەپ اتاپ وتكەن. سونىمەن ەش جازىقسىز اپاتقا ۇشىراپ جاتقان جەر شارىندا ءبىر حالىق بولسا، ول - قازاق. بۇگىنگى وركەنيەتتى قوعامدا ادام تەپە-تەڭدىگىنەن القىعان زۇلىماتتى توقتاتىپ، قانداستارعا اراشا بولۋىن سۇراۋ ءاربىر ازامات ءۇشىن پارىز!

قىتايدا جۇرگەندە، مەكتەپتىڭ  قىتاي ءتىلى ءپانىنىڭ مۇعالىمى بولعان سايراگۇل، بولىپ جاتقان زۇلىمدىقتىڭ سۇمدىعىن جانىمەن سەزىنگەن. سەبەبى ول ساياسي ۇيرەنۋ ورتالىعى دەگەن فاشيستىك ازاپتاۋ لاگەرىنە قىلمىستى دەپ ايپتالعان ادامداردى جەتكىزىپ وتىرعان. سول كەزدە، سول ورتالىقتىڭ بەل ورتاسىنا كەلگەن دە تۇتقىنداعىلاردىڭ شىڭعىرعان، شۋلاعان ازاپتى داۋىسىن ەستىپ جانى تۇرشىككەنىن وتكەندەگى ءباسپاسوز جيىنىندا بەلسەندى ازاماتتار ايتقان بولاتىن. سونىمەن بۇل كۇن بۇكىل قازاقتى شارپيتىنىن، امان قالاتىن تۇركى حالقى بولمايتىنىن بىلگەن سوڭ، وسىنداعى بالا-شاعاسى ءۇشىن، ول جاقتىڭ زوبالاڭىنان قاشىپ شىققان. «بۇتاعا قورعالاعان تورعاي امان قالادى» دەيدى، تاۋەلسىز ەلىمىز سول بۇتا قۇرلى جوق پا؟  

ول وسىدان بىرەر اپتا بۇرىن قوعامدىق «دات»گازەتىنە جازعان حاتىندا ۋاقىتشا ۇستاۋ اباقتىسىندا جان-جاقتىلى قينالىپ جاتقانىن جەتكىزگەن. تەرگەۋ بارىسىندادا ءتۇرلى قىسىم كورسەتىلىپ، بولماعان قىلمىستى مويىندا دەپ جاتقانىن جازعان. ول اباقتىدان شىققان ازاماتتار ارقىلى رەداكتسياعا جولداعان حاتىندا بىلاي بىلاي دەپتى:

«قۇرمەتتى ەرمۇرات اعا باستاعان، باقىتگۇل اپاي قوستاعان «دات» گازەتىنىڭ رەداكتسيا القاسىنا، مەن سىزدەردەن كومەك سۇرايمىن. مەنىڭ تاعدىرىما، وتباسى جاعدايىما نەمقۇرايدىلىق تانىتپاعاندارىڭىزعا العىسىمدى ايتامىن! ءدال قازىر مەن تالدىقورعان تەرگەۋ اباقتىسىندا قاماۋدامىن. بارلىق مۇمكىندىكتەن شەكتەۋلى ەكەنىم بەلگىلى. بۇل جەردە مەنىڭ ءتىلىم كوپ نارسەگە جەتپەيدى. ورىس ءتىلىن مۇلدەم تۇسىنبەيمىن. قىزمەتكەرلەردىڭ جانە سوتتالعانداردىڭ ءبارى ورىس ءتىلدى بولعاندىقتان، قاتتى قينالۋدامىن. تەرگەۋ بارىسىندادا ءتۇرلى قىسىم كورسەتىلىپ، بولماعان قىلمىستى مويىندا دەپ قىسپاققا الۋدا. وتباسىممەن جولىعۋ مۇمكىندىگى مۇلدە جوق. سىزدەردەن ءوتىنىش مەنىڭ وسى جازعان حاتىمدى ۇكىمەتكە جەتكىزۋگە جانە ءباسپاسوز ارقىلى تارالۋىنا كومەكتەسىڭىزدەر. وتباسى، بالا-شاعام ءۇشىن وسى قورلىققا بارعانىمدى ەل اعالارى مەن ەل-جۇرت بىلسە ەكەن دەيمىن. وزىمە اراشا ىزدەيتىن ەش مۇمكىندىك بولماي تۇر.

سايراگۇل ساۋىتباي 20.06.2018

بۇل حاتتان سەزىنگەنىمىز جانە وسى تاقىرىپ تۋرالى بەلسەندى ازاماتتاردىڭ ايتۋى بويىنشا وسى حاتتان كەيىن ساراپتاعان ادام سايراگۇلدىڭ قانداي جاعدايدا ەكەنىن سەزەدى. كوڭىل-كۇيى جاقسى ادامنىڭ ميى شايقالا ما؟ بۇل ەندى ءبىر اللاعا ايان. ءوز وتانىمىزدا، ءوز جەرىمىزدە وتىرىپ، نازىك جاندى ايەل ادامدى وسىنشا قىسپاققا تاستاپ قويۋ - ەلدىگىمىزگە سىن. ەگەر اۋرۋحانادان ساۋىعىپ شىقسا اپكەمىزگە بوستاندىق بەرىلسىن! الەمدىك ادام قۇقىتارىن قورعاۋ ۇيىمىنىڭ اراشا بولۋىن ءۇمىت ەتەمىن!

سەرجان وراز

Abai.kz