كەشىرىڭىزدەر... وتىرىك مايموڭكەلەي المايمىن... وتىرىك ادەپتى دە بولعىم كەلمەيدى. قىتايلاردىڭ قاپتاۋىنا قارسىلىق بىلدىرگەن كەز-كەلگەن تالپىنىستى قۋانا قابىلدايمىن.

"قىتاي ەشقاشان ەشبىر ەلدى جاۋلاپ الماعان" دەگەندى دايەك ەتكەندەردىڭ نوتاتسياسىن وقۋعا اسا پەيىلدى ەمەسپىن. قىتايلاردىڭ قىتايداعى باۋىرلارىمىزدى قيناپ جاتقانىن كورە تۇرىپ، تۇك بىلمەگەنسىپ قارىز الۋ، ەكىجاقتى كەلىسىمدەرگە وتىرۋ - ساتقىندىق! ۇلتقا جاسالعان ساتقىندىق! جانە بولاشاققا جاسالعان وپاسىزدىق!

سينوفوبيانىڭ ۇدەۋىنە سەبەپ كوپ، قورقىنىش نەگىزسىز ەمەس. قارابايىر سوزبەن جازايىن:

بىرىنشىدەن, كوپ مولشەردە قارىزبىز. قارىزىڭ بولسا، ارىزىڭدى قايتىپ ايتپاقسىڭ؟

ەكىنشىدەن, قىتاي - گيگانت ەل. بارلىق جاعىنان. حالىق سانى، ەكونوميكا، قورعانىس قۋاتى تبب.

ۇشىنشىدەن, ولار جۇرگەن جەرگە ء"شوپ شىقپايدى". جات ەلدىڭ اۋىلشارۋاشىلىق جەرلەرىن ايامايدى. دالەل كوپ بۇعان.

تورتىنشىدەن, ەكونوميكالىق باسەكەگە قاۋقارسىزبىز. جەمقورمىز. جالتاقپىز. باقىلاۋ مەن جاۋاپكەرشىلىك جوق بىزدە.

بەسىنشىدەن, ولاردا ءدىنسىز قوعام. قازاق ەجەلدەن تامىر ۇزگەن جات قوعام.

التىنشىدان, قىتاي ەلىندەگى قازاقتارعا قارسى رەپرەسسيا ۇدەپ كەتتى.

جەتىنشىدەن, شيكىزات رەسۋرستارىنا باي ەلمىز.

سەگىزىنشىدەن, قىتايلىقتاردىڭ ۇلەسىندەگى وتاندىق كومپانيالار (مۇنايدان باستاپ) تىم كوبەيىپ كەتتى.

توعىزىنشىدان, گەندىك تۇرعىدا ساقتالعان ۇرەي جوق ەمەس.

ونىنشىسى, جاسىرىن قىتايلارعا جالعا بەرىلگەن جەرلەردىڭ بار ەكەندىگى تۋرالى جەل ءسوز ۇدەپ تۇر. ۇكىمەتتىڭ بۇل تۇرعىدا كوپ اقپاردى جاسىرىپ، قوعاممەن جاسىرىنباق ويناۋى - كۇدىكتى مولايتتى.

ون ءبىرىنشى سەبەپ، xالىق بۇل بيلىككە سەنبەيدى!

ون ەكىنشى فاكتور، قىتايدىڭ سۋپەردەرجاۆاعا اينالۋىنان، كىپ-كىشكەنتاي، جاڭا تاۋەلسىزدىك العان كورشىلەس ەل - ءبىز تۇگىل، اقش-تان باستاپ - بۇكىل الەم قورقىپ وتىر. الەۋمەتتىك زەرتتەۋلەر ناتيجەسى سينوفوبيانىڭ بارلىعىن كورسەتكەن.

"قىتايسىز داميتىن قازاقستان" اتتى ۇزاقمەرزىمدى ستراتەگيالىق جوسپارلار كەرەك! سوعان قىزمەت ەتۋگە دايىنمىن!

P.S.: وسى جەردەگى قىتايسۇيگىش ءارى كەرەمەت توللەرانتتى ءبىر جىگىتتىڭ پوستىنان سوڭ، تەز-تەز تەرە سالدىم... بارلىق اسپەكت قامتىلمادى. ايىپ ەتە كورمەڭىزدەر...

دينا ەلگەزەك، جۋرناليست

Abai.kz