بەيسەنبى, 28 ناۋرىز 2024
2986 1 پىكىر 16 شىلدە, 2018 ساعات 12:09

شىمكەنتتە ايىپ تۇراعىندا 45 كولىك جانىپ كەتتى

شىمكەنتتە بۇگىن تۇندە ايىپ تۇراعىندا شىققان ءورت سالدارىنان ونداعان اۆتوكولىك جانىپ كەتكەن. بۇل تۋرالى قازاقستان ىشكى ىستەر مينيسترلىگى توتەنشە جاعدايلار جونىندەگى كوميتەتىنىڭ ءباسپاسوز قىزمەتىنە سىلتەمە جاساپ جەرگىلىكتى اگەنتتىكتەر حابارلادى.

ء"ورت سالدارىنان ايىپپۇل سالىنعان 10 اۆتوكولىك پەن جارامسىز دەپ تانىلىپ، جويىلادى دەپ قويىلعان 35 ماشينا جانىپ كەتتى" دەپ حابارلايدى توتەنشە جاعدايلار جونىندەگى كوميتەتتىڭ ءباسپاسوز قىزمەتى.

مامانداردىڭ بولجامىنشا، ورتكە ايىپ تۇراعىنداعى "كاماز" ماركالى جۇك كولىگىنىڭ تۇتانۋى سەبەپ بولعان. كەيىن تۇراقتاعى جەڭىل اۆتوكولىكتەر مەن سول جەرگە جاقىن ورنالاسقان ەكى قاباتتى جيحاز تسەحىنىڭ شاتىرى جانعان. ءورتتىڭ جالپى اۋماعى 294 شارشى مەتردى قۇراعان.

توتەنشە جاعدايلار جونىندەگى كوميتەتتىڭ مالىمەتىنشە، تۇنگى ساعات بىردەن كەتە شىققان ءورت ەكى ساعاتقا جۋىق ۋاقىتتان كەيىن تولىق سوندىرىلگەن.

ايىپ تۇراعىنداعى ورتتەن ادامدار زارداپ شەكپەگەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528