الماتى اكىمى باۋىرجان بايبەك كۇندەلىكتى جۇمىس بارىسىندا تۇركسىب اۋدانىنىڭ كوممۋنالدىق-شارۋاشىلىق ينفروقۇرىلىمىن قالپىنا كەلتىرۋ قارقىنىن تەكسەردى. ەگەر وتكەن جىلى مۇندا 80 اۋلا جاڭارتىلسا، بيىلعى جىلى 130 اۋلادان اسىپ وتىر. وسىلايشا، تەك ەكى جىلدا قالانىڭ كونە اۋدانىندا بارلىق اۋلالاردىڭ جارتىسى جاڭارتىلدى، - دەپ حابارلايدى اباي-اقپارات الماتى قالاسى اكىمدىگىنىڭ سايتىنا سىلتەمە جاساپ.

باۋىرجان بايبەك ب.مايلين كوشەسى مەن ءسۇيىنباي داڭعىلىنىڭ تۇرعىندارىمەن كەزدەسۋ بارىسىندا قالا ينفروقۇرىلىمدى مودەرنيزاتسيالاۋ اياسىندا 524 كوشە مەن 800 كيلومەتر ينجەنەرلىك جۇيەلەر جوندەۋدەن وتكەنىن ايتتى. جىل اياعىنا دەيىن 80% دەيىن جاڭا اۆتوبۋستار سانى كوبەيەتىن بولادى.

«الماتى – بۇل قالا ورتالىعى عانا ەمەس. قالانىڭ بارلىق اۋداندارىنىڭ جايلى جانە قاۋىپسىز ورتاعا قۇرىلۋى - ءبىز ءۇشىن ابسوليۋتتىك باسىمدىلىق. قالاداعى بارلىق جەراستى وتكەلدەرىنىڭ كۇردەلى جوندەۋ جۇمىستارى اياقتالىپ، بەينەكامەرالار قويىلۋدا. ءۇش جىل ىشىندە 700 مىڭ ادام تارتىلىپ، 1400 اۋلا كورىكتەندىرىلدى. سوڭعى بىرنەشە جىلدا ءبىز الماتىنىڭ بارلىق اۋلالارىن جوندەۋدەن وتكىزەمىز»، - دەپ اتاپ كورسەتتى قالا اكىمى.

جاڭارتىلعان اۋلالاردا بالالاردىڭ سپورتپەن اينالىسۋى ءۇشىن قولايلى جاعداي تۋعىزۋ ماقساتىندا جاڭا بالالار جانە سپورت الاڭدارى، ترەنارجەر مەن ويىن جيىنتىقتارى قويىلدى. جاسىل جەلەك الاڭقايلارى كوبەيتىلدى، جاڭا ورىندىقتار مەن قوقىس جاشىكتەرى پايدا بولدى، ءاسفالتتى جانە رەزينا جابىندىلار ورناتىلدى. «قاۋىپسىز قالا» اياسىندا جارىقتاندىرۋ تىرەكتەرى جاڭارتىلدى. ولار پيلوتتىق رەجيمدە كۇن ساۋلەسىمەن جۇمىس ىستەيدى.

جىل اياعىنا دەيىن تۇرعىن ءۇي جانە كوممۋنالدىق-شارۋاشىلىقتى مودەرنيزاتسيالاۋ بويىنشا تاعى دا 174 ءۇيدىڭ قاسبەتتەرى، شاتىرلارى مەن پودەزدەرى جوندەۋدەن وتەتىن بولادى، 226 ليفت اۋىستىرىلادى.

قالانىڭ تاريحي ورتالىعىنىڭ قايتا قۇرىلۋى جالعاسادى. ەگەر وتكەن جىلى پانفيلوۆ، جىبەك جولى، گوگول، قابانباي باتىر، تولەباەۆ، بايسەيتوۆا كوشەلەرى مەن «استانا» الاڭى جاڭارتىلسا، بيىلعى جىلى اباي، ابىلاي حان، دوستىق، نازارباەۆ، جەلتوقسان داڭعىلدارى، «الماتى-2» ۆوكزال ماڭىنىڭ اۋماعى جانە رەسپۋبليكا سارايىنىڭ الدىناعى الاڭدى جوندەۋ قامتىلىپ وتىر.

Abai.kz