تاجىكستان جانە وزبەكستاننىڭ ەڭبەك ميگرانتتارى وتىرعان ون اۆتوبۋستىڭ شەكارادان وتە الماي تۇرعانىنا ەكى كۇن بولعان. كەدەن قىزمەتكەرلەرىنىڭ تۇسىندىرۋىنشە، رۇقسات بەرۋ ماسەلەسىنىڭ شەشىلمەۋىنە بايلانىستى اۆتوبۋستار قازاقستان جاعىنا قاراي وتە الماي تۇر جانە كۇنىنە ءبىر اۆتوبۋستان عانا وتكىزۋگە رۇقسات بەرىلگەن.
رەسەيدىڭ نوۆوسيبيرسك، تومسك، كراسنويارسك قالالارىنان كەلە جاتقان جولاۋشىلار قۇربان-ايت مەرەكەسىنە وراي ۇيلەرىنە بارعىسى كەلگەن. "ولاردىڭ اراسىندا ايەلدەر مەن بالالار دا بار" دەپ جازدى جەرگىلىكتى total.kz سايتى.
جولاۋشىلاردىڭ تاماق-سۋلارى تاۋسىلعان، ال اۆتوبۋس تۇرعان ماڭدا دۇكەندەر جوق.
ء“بىزدىڭ سۇراقتارىمىزعا جاۋاپ بەرمەيدى. كۇتىڭدەر دەيدى…سۋ جوق، تاماق جوق. بۇگىن (18 تامىز – رەد.) تۇسكە دەيىن اۆتوبۋستان بىردە-ءبىر ادامنىڭ شىعۋىنا رۇقسات بەرمەدى، ال مەن وتىرعان اۆتوبۋستا 17 بالا بار، ولاردىڭ اراسىندا كوكىرەك سۇتىنەن شىقپاعان بالالار دا بار” دەيدى اۆتوبۋس جۇرگىزۋشىلەرىنىڭ ءبىرى ابىلايحان ماقسۇت.
Youtube-تا جاريالانعان مىنا ۆيدەودا نارازى جولاۋشىلاردىڭ سۇراعىنا جاۋاپ بەرىپ تۇرعان كەدەن بەكەتىنىڭ وكىلى كۇنىنە ءبىر اۆتوبۋستان وتكىزەتىنىن ايتادى.
ازاتتىقتىڭ “سيبير.رەالي” سايتى ومبى كەدەنىنىڭ ءباسپاسوز قىزمەتىنە حابارلاسقانمەن جاۋاپ الا الماعان.
Abai.kz
