الماتىدا 10-12 قىركۇيەك ارالىعىندا «قۇبىلمالى الەمدەگى زاماناۋي ادەبيەتتىڭ ءرولى» تاقىرىبىندا جازۋشىلاردىڭ ءى حالىقارالىق فورۋمى وتەدى. قازاق ەلىندە باس قوساتىن الەم ادەبيەتشىلەرى قازىرگى زامانعى ادەبيەت توڭىرەگىندەگى وزەكتى دە قىزىقتى پىكىرلەرىمەن بولىسەتىن بولادى.

بۇل تۋرالى ۇلتتىق كىتاپحانادا وتكەن حالىقارالىق قازاق پەن- كلۋبىنىڭ جۋرناليستەرگە ارناپ ۇيىمداستىرعان ءباسپاسوز ءماسليحاتىندا ايتىلدى.

حالىقارالىق پەن-كلۋبىنىڭ پرەزيدەنتى بيگەلدى عابدۋلليننىڭ ايتۋىنشا، فورۋمعا شەت ەلدەردەن 80-گە جۋىق اقىن-جازۋشى  مەن ادەبيەت­تانۋشىلار قاتىسادى.

قازاقستان 1973 جىلدان بەرى مۇنداي اۋقىمدا حالىقارالىق دەڭگەيدە الەم جازۋشىلارىنىڭ باسىن قوسىپ كورمەگەن ەكەن. جاھاندانۋ داۋىرىندەگى قازىرگى ادەبيەتتىڭ ءجاي-كۇيى مەن ونىڭ قازاق ادەبيەتىندەگى كورىنىسى جان-جاقتى تالقىلاناتىن مۇنداي ماڭىزدى جيىندى جىل سايىن وتكىزۋ  جوسپارلانىپ وتىر. حالىقارالىق دەڭگەيدەگى مادەني شاراعا الەمنىڭ 17 مەملەكەتىنەن، ونىڭ ىشىندە فرانتسيا، اقش، انگليا، پولشا، يزرايل، قىتاي، پالەستينا، تۇركيا، موڭعوليا، گەرمانيا، چەحيا، رەسەي جانە ت.ب. ەلدەردەن اسا كورنەكتى ءسوز زەرگەرلەرى قاتىسادى دەپ كۇتىلۋدە. سونداي-اق، 2019 جىلعى نوبەل سىيلىعىنىڭ يەگەرى اتاناس ۆانچەۆ دە تراسسي (فرانتسيا), يانۋش ۆيشنەۆسكي (پولشا), سەندووگين حاداا (موڭعوليا), حاناان اۆااد (پالەستينا), الەكسەي تسۆەتكوۆ (يرايل), يۋسۋف امينە ەلالامي (ماروككو), باقىت كەنجەەۆ (اقش), سەرگەي گاندلەۆسكي (رەسەي) سىندى الەمگە ايگىلى جازۋشىلار قاتىسادى. حالىقارالىق قازاق پەن-كلۋبىنىڭ پرەزيدەنتى بيگەلدى عابدۋللين جۋرناليستەر تاراپىنان قويىلعان ساۋالدارعا جاۋاپ بەردى.

Abai.kz