الماتى وبلىسىنىڭ ىلە اۋدانىنداعى قاراوي اۋىلىنىڭ تۇبىندە ورنالاسقان ۇقك اسكەري ينستيتۋتىنا قاراستى №2466 اسكەري بولىمشەسىنىڭ وق-ءدارى قويماسىندا دۇيسەنبى كۇنى كەشكىسىن ءورت شىعىپ، جارىلىستان ءبىر جاۋىنگەر قازا بولدى، دەپ حابارلادى توتەنشە جاعدايلار جونىندەگى مينيسترلىكتەن.
تجم كۇش جانە قۇرالداردى دايىنداۋ باسقارماسىنىڭ باستىعى، پولكوۆنيك كونستانتين ەۆتۋشەنكونىڭ ايتۋىنشا، اسكەري ينستيتۋتتىڭ وقۋ-جاتتىعۋ پوليگونىنداعى وق-ءدارى قويماسىندا ءورت شىققانى تۋرالى حابار الماتى وبلىستىق توتەنشە جاعدايلار جونىندەگى دەپارتامەنتكە كەشكى التىلار شاماسىندا تۇسكەن. ءЂرتتى سوندىرۋگە بىردەن كىرىسۋگە ۇزدىك-سوزدىق جارىلىپ جاتقان قويماداعى جاياۋ اسكەر ماشيناسىنا ارنالعان 30 مم سناريادتاردىڭ جارىلۋى كەدەرگى بولعان. سوعان قاراماستان ءورت سوندىرۋشىلەر تۇنگى ەكى كەزىندە جالىننىڭ بەتىن قايتاردى. قاراوي جاتتىعۋ پوليگونىنداعى جارىلىستار تاڭ بوزارىپ اتقاندا سايابىرسىعان. سوڭعى جارىلعان سناريادتى توتەنشەلىكتەر كەشە 05.20 مينۋتتا تىركەپتى.
Ђرتەنگەن وق-ءدارى قويماسىنىڭ اينالاسىن زالالسىزداندىرۋ ماقساتىندا قورعانىس مينيسترلىگىنىڭ 61993 اسكەري بولىمىنەن ەكى ساپەرلەر توبى جەتكىزىلدى. بۇلار جاتتىعۋ پوليگونىنان ءبىر شاقىرىم جەردە تۇرعان قاراوي اۋىلىنىڭ اينالاسىن جارىلعىش زاتتاردان تەكسەرىپ شىقتى. توتەنشە جاعدايلار جونىندەگى مينيسترلىكتىڭ ايماقتىق ورگاندارى، ىلە اۋدانىنىڭ اكىمشىلىگى، قورعانىس مينيسترلىگىنىڭ اسكەري-تەرگەۋ باسقارماسى، الماتى گارنيزونىنىڭ اسكەري پروكۋراتۋراسى جانە اۋداندىق ىشكى ىستەر ءبولىمى وكىلدەرىنەن قۇرىلعان جەدەل شتاب جۇمىسقا كىرىستى. سناريادتاردىڭ جارىقشاقتارى تيۋ قاۋپى بولعاندىقتان، اسكەري ءبولىم اۋماعىنداعى 46 وتباسى مەن 120 جاۋىنگەر قاۋىپسىز جەرگە ەۆاكۋاتسيالاندى. اكىمدىك ولار ۋاقىتشا پانالايتىن دالا لاگەرىن قۇرىپ، ازىق-تۇلىكپەن قامتاماسىز ەتتى.
جارىلىس كەزىندە №2466 اسكەري بولىمشەسىندە بورىشىن وتەپ جۇرگەن قاتارداعى جاۋىنگەر ن.وۆچارەنكو قازا تاپقان. بۇل دەرەكتەردى ۇقك اسكەري ينستيتۋتى باستىعىنىڭ ورىنباسارى، پولكوۆنيك قايرات قۇلتاەۆ راستادى. وقيعا بولعان جەردە توتەنشە جاعدايدىڭ زارداپتارىن جويۋ جونىندەگى ارنايى كوميسسيا قۇرىلىپ، ءورتتىڭ نەدەن شىققانىن انىقتاۋدا.
الماتى وبلىسىنىڭ ىلە اۋدانىنداعى قاراوي اۋىلى ماڭىندا ورنالاسقان №2466 اسكەري بولىمشەسىندە وق-ءدارى قويماسىندا ءورت بولۋ فاكتىسى بويىنشا، قىلمىستىق كودەكسىنىڭ 390-بابىنا سايكەس، قىلمىستىق ءىس قوزعالدى، دەپ حابارلادى كەشە باس اسكەري پروكۋراتۋرانىڭ ءباسپاسوز قىزمەتى.

قايىرجان تورەجان
«ايقىن» گازەتى، 10 ماۋسىم 2009 جىل