تۇركيا ەلشىسى "ساپات" ءبىلىم بەرۋ مەكەمەلەرى نەگىزىنەن تۇرىكتىڭ سالىق تولەۋشىلەرىنىڭ ەسەبىنەن قۇرىلعانىن مالىمدەدى.
"سىزدەر "ساپات" دەپ اتايتىن مەكتەپتەردىڭ دەنى تۇرىك سالىق تولەۋشىلەرىنىڭ ەسەبىنەن، تۇرىك ۇكىمەتىنىڭ قولداۋىمەن قۇرىلعان. بۇل ەندى «مااريف» قورىنا بەرىلەدى. ءبىز بۇل ارقىلى قىرعىز حالقىنا پروبلەما تۋىنداتپايمىز، كەرىسىنشە، ءبىلىم دەڭگەيىن كوتەرۋگە كومەكتەسەمىز", - دەدى ديپلومات.
قىرعىزستاننىڭ ءبىلىم ءمينيسترى گۇلميرا قۇدايبەرديەۆا كەلىسسوز تەك "مااريف" قورى بويىنشا جۇرگىزىلگەنىن ايتتى. تۇركيا ەلشىسىنىڭ سوزدەرىنەن كەيىن، ءبىلىم مينيسترلىگى ارنايى مالىمدەمە تاراتىپ، قانداي-دا ءبىر عيماراتتارى وزگە مەكەمەگە بەرۋ، نە بولماسا قايتا قۇرىلىمداۋ تەك قۇرىلتايشىلاردىڭ جينالىسىنان كەيىن بەلگىلى بولادى دەپ حابارلادى. ال قۇرىلتايشىلار قۇرامىندا قىرعىزستاننىڭ ءبىلىم مينيسترلىگى دە بار.
1992 جىلى قىزمەتىن باستاعان "سەبات" ءبىلىم بەرۋ مەكەمەسى "ساپات" بولىپ وزگەرگەن. تۇركيا بيلىگى بۇل مەكەمەگە اقش-تا تۇراتىن ءدىني قايراتكەر فەتحۋللاح گيۋلەننىڭ قاتىسى بار دەپ ەسەپتەيدى. تۇركيا بيلىگى فەتحۋللاح گيۋلەندى 2016 جىلدىڭ جازىندا توڭكەرىس جاساماق بولدى دەپ ايىپتايدى.
Abai.kz
