جۇما, 29 ناۋرىز 2024
2973 1 پىكىر 12 قىركۇيەك, 2018 ساعات 15:10

ۆيتسە-مينيستر: سيريا مەن يراكتاعى قازاقستاندىقتاردى ىزدەپ جاتىرمىز

قازاقستان بيلىگى سيريا مەن يراكتا جۇرگەن قازاقستاندىقتار تۋرالى حاباردار ەكەنىن جانە ولاردى ەلگە قايتارۋ ماسەلەسىن كوتەرىپ جاتقانىن مالىمدەدى.

12 قىركۇيەكتە قازاقستان سىرتقى ىستەر ءمينيسترىنىڭ ءبىرىنشى ورىنباسارى مۇحتار تىلەۋبەردىگە ءماجىلىس جيىنى اراسىندا جۋرناليستەر اتالعان ەلدەردەگى قازاقستان ازاماتتارى تۋرالى ساۋال قويعان. مۇحتار تىلەۋبەردى "سيريا مەن يراكتاعى ازاماتتارىمىز، يا بالالارىمىزدىڭ قايدا ەكەنى انىقتالىپ جاتىر. ولاردى ەلگە قايتارۋ ماسەلەسى كوتەرىلىپ جاتىر", - دەپ جاۋاپ بەردى.

تىلەۋبەردىنىڭ سوزىنشە، ازاماتتاردى ىزدەۋمەن قازاقستاننىڭ يوردانياداعى ەلشىلىگى جانە ليۆانداعى باس كونسۋلدىعى اينالىسىپ جاتىر. ۆيتسە-مينيستر قازىرگە دەيىن قانشا قازاقستاندىقتىڭ تابىلعانىن ايتپادى. ونىڭ ايتۋى بويىنشا، سيريا مەن يراك بيلىكتەرى "قازاقستاننىڭ ءبىراز ازاماتىنىڭ" تەررورلىق ءىس-قيمىلدارعا قاتىسى بارى ىقتيمالدىعىن ارنايى تەكسەرىپ جاتىر.

"ولاردى كىناسىز ەكەنى انىقتالسا، قازاقستان تاراپىنا تاپسىرادى", - دەدى تىلەۋبەردى. ول كەيبىر ازاماتتاردىڭ بالالارى بارىن دا ايتتى. تىلەۋبەردىنىڭ سوزىنشە، ول بالالاردى سيريا مەن يراكتان قازاقستانعا جەتكىزۋ ءۇشىن اتا-انالارىنىڭ كەلىسىمى قاجەت ءارى اتا-انالارىنىڭ ءوزى "ارنايى تەكسەرىس اياقتالعانعا دەيىن" سول ەلدەردە قالۋى ءتيىس.

قازاقستان ۇلتتىق قاۋىپسىزدىك كوميتەتىنىڭ (ۇقك) سوڭعى مالىمەتى بويىنشا، سيريا مەن يراكتا سوعىس باستالعالى تاياۋ شىعىسقا 800-گە تارتا قازاقستاندىق كەتكەن. ازاتتىقتىڭ رەسمي ساۋالىنا جولداعان جاۋابىندا ۇقك سيريا مەن يراكتاعى حالىقارالىق تەررورلىق ۇيىمداردا 120 ەر ادام، 250-دەن استام ايەل جانە 500 بالا بارىن ايتقان.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590