«نۇر وتان» پارتياسى 7 مىڭ وقۋشىنى اعىلشىن تىلىنە وقىتۋعا بايلانىستى ماقسات قويدى. بۇگىنگى تاڭدا 84 اۋىلدىق ايماقتار مەن قازاقستاننىڭ اۋدان ورتالىقتارىندا «English for Jastar» جوباسىنىڭ شەڭبەرىندە 9-11 سىنىپ وقۋشىلارىنا ارنالعان تەگىن فاكۋلتاتيۆتىك كۋرستار باستاۋ الدى.  جوبا مەملەكەت باسشىسىنىڭ تاپسىرماسى شەڭبەرىندە ىسكە اسىپ جاتقان، ۇشتىلدىلىكتى ەنگىزۋ جونىندەگى اۋقىمدى باعدارلامانى قولداۋ ءۇشىن جوبا دايىندالدى. ول وقۋشىلاردىڭ اعىلشىن ءتىلى دەڭگەيىن ارتتىرۋعا جانە قارىم-قاتىناس ماشىعىن جاقسارتۋعا كومەكتەسۋگە پايداسىن كەلتىرەدى.

«English for Jastar» پيلوتتىق رەجيمدە وتكىزىلىپ 2 ايعا 2018 جىلدىڭ قىركۇيەگىنەن قاراشاسىنا دەيىن جالعاسادى.

اعىلشىن ءتىلىن وقۋدى، ءتىلدىڭ قولدانۋشىلارى مەن «جاس وتان» جاستار قاناتى سول ءۇشىن ارنايى ىرىكتەگەن وتاندىق ماماندار ۇيرەتەدى. رەسپۋبليكامىزدا ۇشتىلدىلىكتى دامىتۋعا نيەت بىلدىرگەن 141 ەرىكتىلەردىڭ سانى  -141 ادام بولدى. ولاردىڭ ىشىندە 75 قازاقستاندىق جوعارى وقۋ ورنىندا ءبىلىم الىپ جاتقان ستۋدەنتتەر.

سولاردىڭ ءبىرى اباي مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ 4 كۋرس ستۋدەنتى ميراس وزبەكوۆ. ۇستاز رەتىندە وعان «زەلەنىي بور» اۋىلىندا ءوز مۇمكىندىگىن تانىتۋ مۇمكىندىگى تۋدى.

    - مەنىڭ ماقساتىم – اۋىلدىق مەكتەپتەردەگى بالالاردى اعىلشىن تىلىنە وقىتۋ. سونىمەن بىرگە مەن ءوزىمنىڭ ءبىلىم دەڭگەيىمدى ارتتىرا ءتۇسۋدى  ۇمىتتەنەمىن. بۇل مەن ءۇشىن ۇمىتىلماس تاجىريبە بولاتىن شىعار دەگەن ويدامىن، - دەپ اتاپ ءوتتى ول.

اعىلشىن ءتىلىن وقىتۋ بويىنشا فاكۋلتاتيۆتىك كۋرستار تاعى ءبىر پارتيالىق جوبا شەڭبەرىندە بارلىق ەلىمىز بويىنشا اشىلعان، 20 كوۆوركينگ-ورتالىقتا، سونىمەن بىرگە قازاقستاننىڭ 64 مەكتەبىندە ۇيىمداستىرىلدى.

- فاكۋلتاتيۆتەردە وقۋشىلار مەكتەپكە قاراعاندا اناعۇرلىم تەرەڭ ءبىلىم الاتىن بولادى. سونىمەن بىرگە، تاياۋ ۋاقىتتا بالالاردىڭ شەت ەلدەن كەلگەن ءتىلدىڭ قولدانۋشىلارىمەن ارالاسۋ مۇمكىندىگى پايدا بولادى، - دەپ اتاپ ءوتتى پارتيا حاتشىسى تامارا دۇيسەنوۆا.

    «English for Jastar» جوباسى جۇزەگە اسىپ جاتقان بارلىق اۋداندارعا قاجەتتى وقۋ قۇرالدارى جەتكىزىلدى.  وسىعان وراي 172 Elementary مەن Pre-Intermediate وكسفوردتىق قۇرال جيىنتىعى ءبولىندى. ءار جيىنتىقتا وقۋشىلارعا ارنالعان Student`s Book, تاپسىرمانى جاساۋعا ارنالعان Workbook, سونىمەن بىرگە اعىلشىن تىلىندەگى فيلمدەردىڭ DVD-ديسكىلەرى بار.

«جاس وتان» جاستار قاناتى مەن «بولاشاق» قاۋىمداستىعى جوبانىڭ ۇيىمداستىرۋشىلارى بولدى.  جوباعا اكادەميالىق كومەكتى «InterPress» ءتىل ورتالىعى كورسەتتى. ولاردىڭ Oxford University Press (انگليا) باسپاسىنىڭ «Solutions» وقۋلىعى بويىنشا،  وقىتۋشىلار قوسىمشا ءتىل سىندىرادى.  سونداي-اق، «AIESEC» حالىقارالىق ۇيىمى، «ءبىلىم بەرۋ ليدەرلىگىنىڭ ورتالىعى» جشس، «نازارباەۆ ۋنيۆەرسيتەتى» اق، «Qazaq Air» اۋەكومپانياسى اق، «مەلومان HOME VIDEO» جشس، ءال-فارابي اتىنداعى قازۇۋ، «4KZTours» قر ىشكى ءتۋريزمدى دامىتۋ جونىندەگى امەريكاندىق كومپانياسى جوباعا ارىپتەستىك تانىتتى.

Abai.kz