جۇما, 29 ناۋرىز 2024
2917 2 پىكىر 24 قىركۇيەك, 2018 ساعات 10:49

الماتىدا تاعى بىرنەشە باعىتتاردىڭ اۆتوبۋستارى جاڭاردى

الماتىدا كولىكتى رەفورمالاۋ جانە جولاۋشى كولىگىنىڭ تۇراقتى جۇيەسىن قالىپتاستىرۋ اياسىندا جىلجىمالى سوستاۆتى جاڭارتۋ ودان ءارى جالعاسۋدا، دەپ جازادى اباي-اقپارات الماتى اكىمىنىڭ سايتىنا سىلتەمە جاساپ.

الماتى اكىمى جۇمىس ساپارى كەزىندە جەكە تاسىمالداۋشىلار العان بىرقاتار باعىتتاردى، سونىڭ ىشىندە قالاعا جاقىن اۋماقتاردى قامتيتىن جاڭا اۆتوبۋستاردى كوردى.

«بۇرىندارى ءبىز 20 جىل بۇرىن الىنعان ەسكى اۆتوبۋستارمەن جۇمىس ىستەدىك، سونىڭ سالدارىنان قوزعالىس كەستەسى ساقتالمايتىن، جولاۋشىلار رەنىش بىلدىرەتىن. قازىرگى كەزدە جەكە قارجىمىزعا جالپى سىيىمدىلىعى 70 ادامعا دەيىن جەتەتىن Yutong ماركالى ەۆرو-5 ەكولوگيالىق سىنىپتاعى 30 اۆتوبۋس ساتىپ الدىق»، - دەپ حابارلادى «قاسكەلەڭ اۆتوبۋس پاركى» جشس ديرەكتورىنىڭ ورىنباسارى قايرات يۋسۋپوۆ.

بۇل اۆتوبۋستار №23 (قىرعاۋىلدى – بەساعاش پوسەلكەلەرى) جانە №78 (ساياحات اۆتوبەكەتى – جالپاقساي پوسەلكەسى) باعىتتارى بويىنشا جۇرەدى، كۇنىنە ورتاشا ەسەپپەن 15 مىڭعا دەيىن جولاۋشى تاسىمالدايدى.

بۇلاردان وزگە، «ولجاس LTD» اۆتوپاركى جىلجىمالى سوستاۆتىڭ تاعى ءتورت بىرلىگىن ساتىپ الدى. سىيىمدىلىعى ورتاشا اۆتوبۋستار №62 باعىت بويىنشا جۇرەدى، جولاۋشى اعىنى ارتقاندىقتان بۇرىنعى جاڭارعان اۆتوبۋستاردىڭ قاتارىن تولىقتىرادى.

مەگاپوليس باسشىسى سۋبسيديا ءبولۋ ارقىلى جىلجىمالى سوستاۆتى جاڭارتقان اۆتوپاركتەرگە قولداۋ كورسەتىلەتىنىن ايتتى. دەگەنمەن، تاسىمالداۋشىلار جۇرگىزۋشىلەردىڭ مادەنيەتىن جانە قىزمەت كورسەتۋ ساپاسىن ارتتىرۋلارى ءتيىس.

جالپى، جىل اياعىنا دەيىن جاڭارعان قوعامدىق كولىكتىڭ ۇلەسىن 80%-عا دەيىن جەتكىزۋ جوسپارلانعان.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3549